ଆଜି ପର୍ଯ୍ୟନ୍ତ ଆପଣ ନିଶ୍ଚୟ ବିମାନ, ହେଲିକପ୍ଟର ଆକାଶରେ ଉଡୁଥିବାର ଦେଖିଥିବେ। କେବେ ଭାବିଥିଲେ କି ବାଇକ୍ ବି ଦିନେ ବାୟୁରେ ଉଡିବ। ଯଦି କେହି ବି ଏଭଳି ସ୍ୱପ୍ନ ଦେଖୁଥିବେ ତେବେ ସେମାନଙ୍କ ସ୍ୱପ୍ନ ପୂରଣ ହୋଇଛି। ବର୍ତ୍ତମାନ ଏୟାର ଫ୍ଲାଇଙ୍ଗ ବାଇକ୍ ବଜାରକୁ ଆସିଯାଇଛି। ଆମେରିକାର ଡେଟ୍ରୋଇଟ୍ସ୍ଥିତ କୋଲମାନ ଏ ୟଙ୍ଗ୍ ଆନ୍ତର୍ଜାତୀୟ ବିମାନବନ୍ଦରରେ ବିଶ୍ୱର ପ୍ରଥମ ଏୟାର ହୋଭର୍ ବାଇକ୍ 'XTURISMO' ଲଞ୍ଚ୍ କରାଯାଇଛି।
ଜାପାନର ଷ୍ଟାର୍ଟଅପ୍ କମ୍ପାନୀ AERWINS ଟେକ୍ନୋଲୋଜୀ ଦ୍ୱାରା XTURISMO ହୋଭର ବାଇକ୍ ପ୍ରସ୍ତୁତ କରାଯାଇଛି। ଏହି ବାଇକ୍ ଘଣ୍ଟା ପ୍ରତି ୬୨ ମାଇଲ୍ ବା ଏହା ଘଣ୍ଟା ପ୍ରତି ୧୦୦ କିଲୋମିଟର ବେଗରେ ୪୦ ମିନିଟ୍ ପାଇଁ ପବନରେ ଉଡିପାରିବ। AERWINS ଟେକ୍ନୋଲୋଜି ଆସନ୍ତା ବର୍ଷ ସୁଦ୍ଧା ଏହାକୁ ଆମେରିକାର ବଜାରରେ ପ୍ରବେଶ କରିବାକୁ ଯୋଜନା କରୁଛି।
Also Read
ଏକ ରିପୋର୍ଟ ଅନୁଯାୟୀ, ହୋଭର୍ ବାଇକ୍ର ଟେଷ୍ଟ୍ ଡ୍ରାଇଭ୍ ପରେ ଅଟୋ ଶୋ’ର ଉପ-ସଭାପତି ଥାଡ୍ ଜୋଟ୍ କହିଛନ୍ତି ଯେ ମୁଁ ଭାବୁଛି ମୋର ବୟସ ୧୫ ବର୍ଷ ଏବଂ ମୁଁ ସିଧା 'ଷ୍ଟାର୍ ୱାର୍ସ'ରୁ ବାହାରକୁ ଆସି ଏହି ବାଇକ୍ ଉପରେ ବସିଯାଇଛି। ଏହା ସହ ସେ ଆହୁରି କହିଛନ୍ତି, ଏହା ଖୁବ ଆଶ୍ଚର୍ଯ୍ୟଜନକ। ମୁଁ ଏହାକୁ ନେଇ ବହୁତ ଉତ୍ସାହିତ ଏହାକୁ ଚଳାଇବା ବେଳେ ମୁଁ ରୋମାଞ୍ଚିତ ହୋଇଯାଇଥିଲି। ମୋତେ ଏକ ଛୋଟ ପିଲା ପରି ଅନୁଭୁତ ହେଉଥିଲା।
XTURISMO ହୋଭର ବାଇକର ସୀମିତ ସଂସ୍କରଣ ମୂଲ୍ୟ ହେଉଛି ୬ କୋଟିରୁ ଅଧିକ। ଏହି ହୋଭର୍ ବାଇକ୍ କଳା, ନୀଳ ଏବଂ ନାଲି ରଙ୍ଗରେ ଉପଲବ୍ଧ।
ପ୍ରକାଶଥାଉ ଯେ ଜାପାନରେ ହୋଭର୍ ବାଇକ୍ ବିକ୍ରି ଆରମ୍ଭ ହୋଇସାରିଛି। AERWINS ର ପ୍ରତିଷ୍ଠାତା ତଥା ସିଇଓ ଶୁହେଇ କୋମାଟ୍ସୁ କହିଛନ୍ତି ଯେ ଏହାକୁ ୨୦୨୩ରୁ ଆମେରିକାର ବଜାରରେ ବିକ୍ରି କରିବାକୁ ଯୋଜନା ଚାଲିଛି।
ହୋଭର୍ ବାଇକ୍ଗୁଡିକର ମୂଲ୍ୟ ଉପରେ ସେ କହିଛନ୍ତି ଯେ ୨୦୨୫ ସୁଦ୍ଧା ଏକ ଛୋଟ ବୈଦ୍ୟୁତିକ ମଡେଲ୍ର ମୂଲ୍ୟ ୫୦ ହଜାର ଡଲାରକୁ ଖସିଯିବ ବୋଲି କମ୍ପାନୀ ଆଶା କରୁଛି।