ସମବାୟ ବ୍ୟାଙ୍କରେ ତାଲା ପକାଇଲେ ଚାଷୀ

ପୁରୀ: ପୁରୀ ନିମାପଡ଼ା କେନ୍ଦ୍ର ସମବାୟ ବ୍ୟାଙ୍କରେ ତାଲା ପକାଇ ଚାଷୀଙ୍କ ଧାରଣା ଜାରି ରହିଛି। ରେବଣା ନୂଆଗାଁ ସେବା ସମବାୟ ସମିତିର ସଂପାଦିକା ବ୍ୟାପକ ଅନିୟମିତତା କରିଥିବା ଅଭିଯୋଗରେ ମିଳିତ କୃଷକ ମଞ୍ଚ ଗତ ୬ ତାରିଖରୁ ଧାରଣା ଦେଇଆସୁଛନ୍ତି। ସମିତି ସଂପାଦିକାଙ୍କୁ କାର୍ଯ୍ୟରୁ ବହିଷ୍କାର ସହ ତାଙ୍କ ବିରୋଧରେ ଦୃଢ କାର୍ଯ୍ୟାନୁଷ୍ଠାନ ଓ ଭିଜିଲାନ୍ସ ତଦନ୍ତ ଦାବି କରିଛନ୍ତି ଚାଷୀଗଣ। ତେବେ କୌଣସି ବିଭାଗର ଅଧିକାରୀ ଏନେଇ ମୁହଁ ଖୋଲୁନଥିବାରୁ ଆଗକୁ ଆନ୍ଦୋଳନ ତୀବ୍ରତର ହେବ ବୋଲି ଚେତାବନୀ ଦିଆଯାଇଛି। ଅନ୍ୟପଟେ ସଂପାଦିକା କିମ୍ବା ବିଭାଗୀୟ ଅଧିକାରୀଙ୍କ ପ୍ରତିକ୍ରିୟା ମିଳିପାରିନି।

ତେବେ କେବଳ ଏଇଠି ନୁହେଁ ବରଂ ଅନେକ ସ୍ଥାନରେ ଏମିତି ଅଭିଯୋଗ ହୋଇ ଆସୁଛି। ବ୍ୟାପକ ଅନିୟମିତତା ହେଉଥିବା କାରଣରୁ ଚାଷୀମାନେ ନାହିଁନଥିବା ସମ୍ମୁଖୀନ ହେଉଛନ୍ତି। ବାରମ୍ବାର ଦାବି ପରେ ବି ସେମାନଙ୍କୁ ନ୍ୟାୟ ନମିଳିଥିବାରୁ ଚାଷୀମାନେ ଆନ୍ଦୋଳନକୁ ଓହ୍ଲାଉଛନ୍ତି ଆଉ ନାରାବାଜି ମଧ୍ୟ କରୁଛନ୍ତି। ଦେଖାଯାଉ ଚାଷୀଙ୍କୁ ନ୍ୟାୟ ମିଳୁଛି କେବେ?