ଜୀବନ ବଂଚାଇବା ପାଇଁ କିଏ ସ୍କୁଲ ଭିତରକୁ ତ ଆଉ କିଏ ଛାଚ ଉପରକୁ ଧାଇଁଲେ। କାରଣ ଗାଁକୁ ପଶି ଆସିଥିଲା ଜଙ୍ଗଲୀ ହାତୀ। ଗୋଟିଏ ନୁହେଁ ବରଂ ଦୁଇ ଦୁଇଟି ହାତୀ ଗାଁରେ ପଶିବା ପରେ କିଛି ଏମିତି ଦୃଶ୍ୟ ଦେଖିବାକୁ ମିଳଥିଲା । ମୟୁରଭଞ୍ଜ ଜିଲ୍ଲାର ମୋରୋଡା ବ୍ଲକ ବାରମାଇଲ ଛକରେ ଦେଖିବାକୁ ମିଳିଛି ଏହି ଦୃଶ୍ୟ ।
ଝାରଖଣ୍ଡ ଦଲମା ଅଞ୍ଚଳରୁ ଏହି ହାତୀ ଆସି ମୟୁରଭଞ୍ଜ ଜିଲ୍ଲାର ବିଭିନ୍ନ ଜଗଂଲରେ ବୁଲୁଥିବା ବେଳେ ସକାଳୁ ହଠାତ୍ ବାରମାଇଲ ଛକରେ ବୁଲୁଥିବା ଦେଖିବାକୁ ପାଇଥିଲେ ଗାଁ ଲୋକେ । ସକାଳୁ ସକାଳୁ ପିଲାଙ୍କ ସ୍କୁଲ ଥିବା ବେଳେ ହଠାତ୍ ସେମାନେ ହାତୀ ହାବୁଡରେ ପଡି ଯାଇଥିଲେ । ତେବେ ଭୋରରୁ କୌଣସି ଦୋକାନ ବଜାର ଖୋଲି ନ ଥିବା ଯୋଗୁଁ ହାତୀ କାହାର କ୍ଷତି କରିନଥିଲା...ଆଉ ଅଳ୍ପକେ ବର୍ତ୍ତିଯାଇଥିଲେ ସ୍ଥାନୀୟ ଲୋକେ ଓ ସ୍କୁଲ ପିଲା ।
ବାରିପଦାରୁ ମାନିକ୍ ଲାଲ୍ ପାଣି