୪୮ ପିଲାଙ୍କୁ ଦୁଇ ଜଣ ଶିକ୍ଷକ । ଗୋଟିଏ କି ଦୁଇଟି ନୁହେଁ ବରଂ ସ୍କୁଲରେ ପୁଣି ଅଛି ୫ଟି ଶ୍ରେଣୀ । ମାସେ କି ଦୁଇମାସ ନୁହେଁ ବରଂ ୭ ବର୍ଷ ହେଲାଣି ଏମିତି ନାହିଁନାହିଁରେ ଚାଲିଛି ସ୍କୁଲ । ଯାହାକୁ ନେଇ ଏବେ ଜୋର ଧରିଲାଣି ଚର୍ଚ୍ଚା ।
ରେଢାଖୋଲ ବ୍ଲକ କଦଳିଗଡ ପଚାଂୟତର କନ୍ଧରା ସରକାରୀ ଉଚ୍ଚ ପ୍ରାଥମିକ ବିଦ୍ୟାଳୟ । ପ୍ରଥମରୁ ପଂଚମ ପର୍ଯ୍ୟନ୍ତ ପ୍ରାୟ ୪୮ ଜଣ ପିଲା ପଢୁଛନ୍ତି ପାଠ । ହେଲେ ଅବସ୍ଥା ଏମିତି ହେଲାଣି ଯେ, ସ୍କୁଲକୁ ପିଲାଙ୍କୁ ଛାଡିବାକୁ ଆଉ ରାଜି ହେଉନାହାନ୍ତି ଅଭିଭାବକ । କାରଣ ସ୍କୁଲରେ ଅଛନ୍ତି ମାତ୍ର ଦୁଇଜଣ ଶିକ୍ଷକ । ଜାଣିଆଶ୍ଚର୍ଯ୍ୟ ହେବେ କି ଦୁଇଜଣ ଶିକ୍ଷକଙ୍କ ମଧ୍ୟରୁ ଜଣେ ଦୃଷ୍ଟିବାଧିତ ହୋଇଥିବା ବେଳେ ଅନ୍ୟ ଜଣେ ପ୍ରଧାନଶିକ୍ଷକ ଦାୟିତ୍ୱରେ । ଏମିତି ସ୍ଥିତିରେ କେମିତି ପିଲାମାନେ ପାଠ ପଢୁଥିବେ ତାହା ସ୍ପଷ୍ଟ ଅନୁମେୟ ।
Also Read
ସ୍କୁଲ ସମସ୍ୟା ଓ ଶିକ୍ଷକ ସମସ୍ୟା ନେଇ ପ୍ରଶାସନକୁ ବାରମ୍ବାର ଅବଗତ କରାଯିବା ପରେ ମଧ୍ୟ କୌଣସି ସୁଫଳ ମିଳୁନଥିବା ଅଭିଯୋଗ ହୋଇଛି । ପିଲାଙ୍କ ପାଠ ପଢାରେ ସାଙ୍ଘାତିକ ଅଭିଯୋଗ ହେବା ପରେ ସ୍ଥାନୀୟ ଅଂଚଳର ଜଣେ ଯୁବତୀଙ୍କୁ ପିଲାଙ୍କୁ ପାଠ ପଢାଇବାର ଦାୟିତ୍ୱ ଦିଆଯାଇଛି । ହେଲେ ଏହା ସ୍ଥାୟୀ ସମସ୍ୟା ନୁହେଁ ବରଂ ତୁରନ୍ତ ଶିକ୍ଷକ ନିଯୁକ୍ତି କରିବାକୁ ଦାବି କରିଛନ୍ତି ସ୍ଥାନୀୟ ଲୋକେ । ସେପଟେ ବିଇଓ କହିଛନ୍ତି ଖୁବଶୀଘ୍ର ସମସ୍ୟାର ହେବ ସମାଧାନ ।