ତୁଟୁନି ବିଏମସି ଡମ୍ପିଂୟାର୍ଡ ବିବାଦ : ଜିଦରେ ଅଟଳ ଗ୍ରାମବାସୀ

ତୁଟୁନି ବିଏମସି ଡମ୍ପିୟାର୍ଡ ବିବାଦ । ଦାରୁଠେଙ୍ଗ ସ୍ଥିତ ଭୁଆଶୁଣି ଡମ୍ପିୟାର୍ଡରେ ବିଏମସି ଅଳିଆ ପକାଇବା ଘଟଣା ଏବେବି ଅସ୍ପଷ୍ଟ ରହିଛି । ଗତକାଲି ଦାରୁଠେଙ୍ଗ ପଞ୍ଚାୟତର ଗ୍ରାମସଭାରେ ବାହାରି ପାରିନି ନିଷ୍କର୍ସ । ଆଜି ପୁଣିଥରେ ଗ୍ରାମସଭା ଡକାଯାଇଛି । ବିଏମସି ପକ୍ଷରୁ ଅଳିଆ ପକାବାକୁ ଗ୍ରାମବାସୀଙ୍କୁ ସମୟ ମଗାଯାଇଥିବା ବେଳେ ଏଥିରେ ରାଜି ହୋଇନାହାନ୍ତି ଗ୍ରାମବାସୀ ।

ଦୀର୍ଘ ବର୍ଷେରୁ ଅଧିକ ସମୟ ଧରି ଦାରୁଠେଙ୍ଗ ଏବଂ ବିଏମସି ମଧ୍ୟରେ ଏହି ବିବାଦ ଲାଗି ରହିଛି । କିଛି ଦିନ ତଳେ ଏକ ଅଳିଆ ଗାଡ଼ି ଧକ୍କାରେ ଜଣେ ଯୁବକଙ୍କ ମୃତ୍ୟୁ ହୋଇଥିଲା । ଦୀର୍ଘ ୨୦ ଦିନ ହେଲାଣି ଦାରୁଠେଙ୍ଗ ଡମ୍ପିୟାର୍ଡକୁ ଆବର୍ଜନା ଯାଇପାରୁନାହିଁ । ଆଜି ବୈଠକରେ କଣ ନିଷ୍କର୍ସ ବାହାରୁଛି ଏହା ଉପରେ ରହିଛି ସମସ୍ତଙ୍କ ନଜର।

ସେପଟେ ଭୁଆଶୁଣି ଡମ୍ପିୟାର୍ଡକୁ ଅଳିଆ ଯାଉନଥିବାରୁ ସୈନିକ ସ୍କୁଲ ପାଖରେ ଥିବା ଡମ୍ପିୟାର୍ଡରେ ଗଦା ହେଲାଣି । ପାହାଡ଼ ପରି ଅଳିଆ ଭୁଆଶୁଣିରେ ଡମ୍ପିଂ ବନ୍ଦ ନେଇ ବିଏମସି ପକ୍ଷରୁ ୯ ମାସର ମହଲତ ମଗାଯାଇଥିଲା ।

ଅନ୍ୟପଟେ ଘଟଣାରେ ନଗର ଉନ୍ନୟନ ମନ୍ତ୍ରୀ ଉଷା ଦେବୀ କହିଛନ୍ତି ଗ୍ରାମବାସୀଙ୍କୁ ବୁଝାସୁଝା ଚାଲିଛି । ମେୟର ଓ କମିଶନର ଆଲୋଚନା କରୁଛନ୍ତି । ଆଶା ଅଛି ୨ରୁ ୩ ଦିନ ଭିତରେ ସମସ୍ୟାର ସମାଧାନ ହୋଇଯିବ । ତେବେ ବାୟୋ ମାଇନିଂ ପ୍ଲାଣ୍ଟ ଉପରେ ବିଚାର କରାଯାଉଛି ବୋଲି କହିଛନ୍ତି ନଗର ଉନ୍ନୟନ ମନ୍ତ୍ରୀ ଉଷା ଦେବୀ ।