କୁକୁର ସାଜିଲା ରକ୍ଷକ; ବଞ୍ଚେଇଦେଲା ଝିଅର ଜୀବନ

ମଣିଷ ଏବଂ ପଶୁମାନଙ୍କ ମଧ୍ୟରେ ବନ୍ଧୁତା ପ୍ରକୃତରେ ଆଶ୍ଚର୍ଯ୍ୟଜନକ। ଅନେକ ସମୟରେ ଦେଖାଯାଏ ଯେ ଜଣେ ବ୍ୟକ୍ତି ନିଜ ଗୃହପାଳିତ ପଶୁଙ୍କ ଜୀବନ ବଞ୍ଚାଇବା ପାଇଁ ଯେକୌଣସି ପରିସ୍ଥିତି ଦେଇ ମଧ୍ୟ ଯାଇପାରେ। କିନ୍ତୁ ବେଳେବେଳେ ମଣିଷ ବିଶ୍ୱାସଘାତକ ହୋଇଥାଏ କିନ୍ତୁ ପଶୁଜନ୍ତୁ ନୁହଁନ୍ତି। ଯେତେବେଳେ ନିଜ ମାଲିକ ପ୍ରତି ବିପଦ ଆସେ ପଶୁମାନେ ମଧ୍ୟ ଜୀବନ ଦେଇ ରକ୍ଷା କରନ୍ତି। ନିକଟରେ ସୋସିଆଲ ମିଡିଆରେ ଜଣେ ମା’ ଲୋକଙ୍କୁ କହିଛନ୍ତି ଯେ ତାଙ୍କ ପୋଷା କୁକୁର ତାଙ୍କ ଅସୁସ୍ଥ ଝିଅର ଜୀବନ ବଞ୍ଚେଇ ଦେଇଛି। କୁକୁରର ଏମିତି ବୁଦ୍ଧି ଦେଖି ମାଆ ଭାବପ୍ରବଣ ହୋଇ ଲେଖିଥିଲେ ଯେ ସେ କୁକୁର ପଦବାଚ୍ୟ ନୁହେଁ।

କେଲି ଆଣ୍ଡ୍ରୁ ନାମକ ଜଣେ ମହିଳା ସୋସିଆଲ ମିଡିଆରେ ଦୁଇଟି ଫଟୋ ସେୟାର କରିଛନ୍ତି। ଏଥିରେ ଗୋଟିଏ ଫଟୋ ହେନେରୀ ନାମକ ଏକ କୁକୁରର ହୋଇଥିବାବେଳେ ଅନ୍ୟ ଫଟୋରେ ଜଣେ ବାପା ଡାକ୍ତରଖାନାର ଶଯ୍ୟା ଉପରେ ଝିଅ ସହିତ ନଜର ଆସିଛନ୍ତି। ଏହି ଦୁଇଟି ଫଟୋ ସେୟାର କରି କେଲି କହିଥିଲେ ଯେ ତାଙ୍କ କୁକୁର ହେନେରୀ ଅସୁସ୍ଥ ଝିଅର କୋଠରୀରେ ପ୍ରବେଶ କରି ବିଳମ୍ବିତ ରାତିରେ ତାଙ୍କୁ ଜାଗ୍ରତ କରିବାକୁ ଚେଷ୍ଟା କରୁଥିଲା। ଯାହାକୁ ସେ ଆଦୌ ପସନ୍ଦ କରୁ ନଥିଲେ ଏବଂ ହେନେରୀଙ୍କର ଏହି କାର୍ଯ୍ୟରେ ସେ ବିରକ୍ତ ମଧ୍ୟ ହେଉଥିଲେ।

କିନ୍ତୁ କେଲି ହଠାତ ଦେଖିଲେ ଯେ ତାଙ୍କ ଝିଅର ଶ୍ୱାସକ୍ରିୟା ବନ୍ଦ ହୋଇଯାଇଛି। ଏହା ପରେ ଝିଅଟିକୁ ଡାକ୍ତରଖାନା ନିଆଯାଇ ସେଠାରେ ସାରା ରାତି ରହିବାକୁ ପଡିଥିଲା। ସେ କହିଛନ୍ତି ଯେ ଯଦି ହେନେରୀ ଝିଅକୁ ଉଠାଇବା ନେଇ ଚେଷ୍ଟା କରି ନଥାନ୍ତା, ତେବେ ଆମେ ଝିଅର ଅବସ୍ଥା ବିଷୟରେ କିଛି ବି ଜାଣିପାରି ନଥାନ୍ତୁ। ଯେଉଁଥିପାଇଁ କିଛି ହୋଇଯାଇଥାନ୍ତା। ବର୍ତ୍ତମାନ ଏହି ଘଟଣାକୁ ସୋସିଆଲ ମିଡିଆରେ ସେୟାର କରି କେଲି ଶେଷରେ ଲେଖିଛନ୍ତି ଯେ, ଆମେ ମଧ୍ୟ କୁକୁର ଭଳି ନୁହେଁ। ତାଙ୍କର ଏହି ପୋଷ୍ଟଟି ଖୁବ୍ ଭାଇରାଲ ହେବାରେ ଲାଗିଛି।

କେଲିଙ୍କ ଏହି ଟୁଇଟ୍ ପରେ ଅନେକ ଉପଭୋକ୍ତା ହେନେରୀଙ୍କୁ ହିରୋ ବୋଲି କହିଛନ୍ତି। ଏଥି ସହିତ କେଲି ଅନ୍ୟ ଏକ ଟ୍ୱିଟ୍‌ରେ ଝିଅର ସ୍ୱାସ୍ଥ୍ୟ ବିଷୟରେ ସୂଚନା ମଧ୍ୟ ଦେଇଛନ୍ତି। ସେ କହିଛନ୍ତି ଯେ ଆପଣଙ୍କର ପ୍ରାର୍ଥନା ପାଇଁ ସମସ୍ତଙ୍କୁ ଧନ୍ୟବାଦ। ବର୍ତ୍ତମାନ ମୋ ଝିଅ ବହୁତ ସୁସ୍ଥ ଅନୁଭବ କରୁଛି ଏବଂ ବର୍ତ୍ତମାନ ଆମେ ତାକୁ ଡାକ୍ତରଖାନାରୁ ଘରକୁ ଆଣିଛୁ। ସେ ଏହା ମଧ୍ୟ କହିଛନ୍ତି ଯେ ଅନ୍ଧାରକୁ ବହୁତ ଭୟ କରୁଥିବା ହେନେରୀ ରାତିସାରା ଏକାକୀ ଘରକୁ ଜଗି ରହିଥିଲା।