ପୁରୀର ନାମ ପରିବର୍ତ୍ତନ ନେଇ ଉଠିଲା ଦାବି

ପୁରୀ: ଶ୍ରୀମନ୍ଦିର ପରିଚାଳନା କମିଟି ବୈଠକରେ ପୁରୀର ନାମ ପରିବର୍ତ୍ତନ ନେଇ ଦାବି ଉଠିଛି। ‘ଶ୍ରୀଜଗନ୍ନାଥ ପୁରୀ’ କିମ୍ବା ‘ଶ୍ରୀଜଗନ୍ନାଥ ଧାମ ପୁରୀ’ କରାଯିବା ପାଇଁ କିଛି ସାମାଜିକ ଅନୁଷ୍ଠାନ ଦାବି କରିଛନ୍ତି। ମଙ୍ଗଳବାର ଏହି ଦାବି ନେଇ ପରିଚାଳନା କମିଟି ସଦସ୍ୟମାନେ ଶ୍ରୀମନ୍ଦିର ପରିଚାଳନା କମିଟି ବୈଠକରେ ଉଠାଇଥିଲେ।

ଏହି ଦାବିକୁ ଗଜପତି ମହାରାଜାଙ୍କ ସମେତ ମୁଖ୍ୟପ୍ରଶାସକ ଗ୍ରହଣ କରି ଆଇନ ଅନୁଯାୟୀ ଦାବି ଉପସ୍ଥାପନ କରାଯିବା ଉପରେ ଗୁରୁତ୍ୱ ଦେଇଥିବା ପରିଚାଳନା କମିଟି ସଦସ୍ୟ କହିଛନ୍ତି।  

ପୁରୀ ନାମ ପରିର୍ତ୍ତନ ଦାବିକୁ ସମସ୍ତେ ଗ୍ରହଣ କରିଛନ୍ତି ଏବଂ ଉଚ୍ଚସ୍ତରରେ ଆଲୋଚନା କରାଯିବ ବୋଲି ପୁରୀ ଜିଲ୍ଲାପାଳ କହିଛନ୍ତି। ‘ଶ୍ରୀଜଗନ୍ନାଥ ପୁରୀ’ ପାଇଁ କିଛି ସାମାଜିକ ଅନୁଷ୍ଠାନ ଦାବି କରିଥିବା ବେଳେ ‘ଶ୍ରୀଜଗନ୍ନାଥ ଧାମ ପୁରୀ’ ପାଇଁ ଶ୍ରୀଜଗନ୍ନାଥ ସେନା ଦାବି ଉଠାଇଛି। ଶ୍ରୀକ୍ଷେତ୍ର, ନୀଳାଚଳ କ୍ଷେତ୍ର, ଶ୍ରୀଜଗନ୍ନାଥ କ୍ଷେତ୍ର, ନୀଳାଦ୍ରି ବିହାରୀ କ୍ଷେତ୍ର, ପୁରୁଷୋତ୍ତମ କ୍ଷେତ୍ର ଭାବେ ପୁରୀ ଜଣାଶୁଣା।  

Also Read

କନ୍ୟା ରାଶିର ବ୍ୟକ୍ତିମାନେ ସାବଧାନ ! ଆଜି ଭାଇ-ଭାଇ ଭିତରେ ହୋଇପାରେ କଳି..

ବୈଜ୍ଞାନିକଙ୍କ ଚେତାବନୀ- ଏହି ଶତାବ୍ଦୀ ଶେଷରେ ଆସିବ ‘ପ୍ରଳୟ’ ! କାରଣ ଜାଣିଲେ ଆପଣ ବି ହୋଇଯିବେ ଆଶ୍ଚର୍ଯ୍ୟ...

ମନରେଗା ମହାଦୁର୍ନୀତି, ଖାଇଗଲେ ଶ୍ରମିକଙ୍କ ଟଙ୍କା

ସେପଟେ ଶ୍ରୀଜଗନ୍ନାଥ ମନ୍ଦିରର କେବଳ ପଶ୍ଚିମ ଦ୍ୱାର ନୁହେଁ, ସମସ୍ତ ୪ ଦ୍ୱାର ପୁରୀବାସୀଙ୍କ ପ୍ରବେଶ ଲାଗି ଖୋଲା ରଖିବା ଲାଗି ଓକଲି ସଂଘର ଦାବି କରିଛି। ପୁରୀ ଓକିଲ ସଂଘର କର୍ମକର୍ତ୍ତାମାନେ ଜିଲ୍ଲାପାଳଙ୍କ କାର୍ଯ୍ୟାଳୟ ସମ୍ମୁଖରେ ବିକ୍ଷୋଭ ପ୍ରଦର୍ଶନ ସହ ଦାବିପତ୍ର ପ୍ରଦାନ କରିଛନ୍ତି।