୨ ଫେରା ନେବା ପରେ ହଠାତ୍‌ ବେଦୀରୁ ଉଠି ଚାଲିଗଲା କନ୍ୟା, ଆଉ ତା ପରେ....

ଧୂମାମ୍‌ଧାମ୍‌ରେ ଆସିଲା ବରଯାତ୍ରୀ । ସୁରୁଖୁରୁରେ ଚାଲିଥିଲା ବିବାହ ଉତ୍ସବ । ଯଜ୍ଞକୁ ସାକ୍ଷୀ ରଖି ସପ୍ତଘେରାରୁ ମାତ୍ର ୨ ଘେରା ପରେ ହଠାତ୍‌ ବେଦୀରୁ ଉଠି ଚାଲିଗଲା କନ୍ୟା । ଉତ୍ତରପ୍ରଦେଶର ଇଟାୱାରେ ଦେଖିବାକୁ ମିଳିଛି ଏହି ଅଜବ ଦୃଶ୍ୟ । ବିବାହ ଉତ୍ସବରେ ଏପରି କିଛି ଘଟିଛି ଯାହା ଜାଣିଲେ ହୁଏତ ଆପଣ ବି ଆଶ୍ଚର୍ଯ୍ୟ ହୋଇଯିବେ ।

ଉତ୍ତରପ୍ରଦେଶର ଇଟାୱାରେ ଜିଲ୍ଲାର ଭାରତାନାର ନଗଲାବାଗ୍‌ର ନୀତୁର ବିବାହ ଜାଫରପୁରର ବାସିନ୍ଦା ରବିଙ୍କ ସହିତ ସ୍ଥିର ହୋଇଥିଲା । ବିବାହ ନିର୍ଦ୍ଧାରିତ ଦିନ ନୀତୁଙ୍କ ଘରେ ପହଞ୍ଚିଥିଲା ବରଯାତ୍ରୀ । ବିବାହ ଚାଲିଥିବା ସମୟରେ ସପ୍ତଘେରାରୁ ମାତ୍ର ୨ ଘେରା ହୋଇଥିବାବେଳେ କନ୍ୟା ହଠାତ୍‌ ବରକୁ ଦେଖି ବିବାହ କରିବାକୁ ମନା କରିଦେଇ ବେଦୀରୁ ଉଠି ଚାଲିଗଲା ।

ଏହାପରେ କନ୍ୟାକୁ ଲୋକମାନେ ବହୁତ ବୁଝାଇଲେ କିନ୍ତୁ ସେ ରାଜି ହେଲା ନାହିଁ । ଏଥିରେ ବରର ବାପା ରାଗିଯାଇ ଝିଅର ବାପାଙ୍କ ବିରୋଧରେ ସ୍ଥାନୀୟ ପୋଲିସ ଷ୍ଟେସନରେ ଅଭିଯୋଗ କରିଥିଲେ। ବରର ପିତା ଅଭିଯୋଗ କରିଛନ୍ତି ଯେ ବିବାହରେ ସେ ଦେଇଥିବା ସୁନା ଓ ରୂପା ଅଳଙ୍କାର ସବୁ କନ୍ୟା ପାଖରେ ରହିଛି ଯାହା ସେମାନଙ୍କର ।