କଟକରେ ଅଚିହ୍ନା ମହିଳାଙ୍କ ମୃତଦେହ ଠାବ; ହତ୍ୟା ସନ୍ଦେହ

କଟକରେ ଅଚିହ୍ନା ମୃତ ଦେହ ଠାବ । କଟକ ବିଡ଼ାନାସୀ କୃଷକ ବଜାରରେ ଜଣେ ମହିଳାଙ୍କ ମୃତଦେହ ଠାବ ହୋଇଛି । ମାର୍କେଟରେ ଥିବା ପାଣି ଟାଙ୍କି ତଳେ ମୃତଦେହଟି ପଡ଼ି ରହିଛି ।

ସୂଚନା ଅନୁସାରେ, ମହିଳା ଜଣକ ବ୍ଲୁ ରଙ୍ଗର ଜିନ୍ସ ପିନ୍ଧିଥିବାବେଳେ ତାଙ୍କ ବେକରେ ଗୋଟେ ଆପ୍ରୋନ ଗୁଡ଼େଇ ହୋଇ ରହିଛି । ସେ ତଳକୁ ମୁହଁ ମାଡ଼ି ପଡ଼ି ରହିଛନ୍ତି । ପାଣି ଟାଙ୍କିର ସିଡ଼ି ଉପରେ ଚପଲ ଓ ଭ୍ୟାନିଟି ଥିବାବେଳେ ମୃତଦେହ ପାଖରେ ମଦ ବୋତଲ ପଡ଼ିରହିଛି ଏଣୁ ତାଙ୍କୁ କେହି ହତ୍ୟା କରି ଫିଙ୍ଗି ଦେଇଥିବା ସନ୍ଦେହ କରାଯାଉଛି ।

ତେବେ ଘଟଣାସ୍ଥଳରେ ବିଡ଼ାନାସୀ ଥାନା ପୋଲିସ ପହଞ୍ଚି ଛାନଭିନ୍ କରୁଥିବାବେଳେ ଡିସିପି ପିନାକ ମିଶ୍ର ମଧ୍ୟ ପହଞ୍ଚିଛନ୍ତି । ତେବେ ମୃତ ମହିଳା ଜଣଙ୍କର ପରିଚୟ ମିଳିପାରି ନାହିଁ ।