ରାଜଧାନୀର ସର୍ବସାଧାରଣ ସ୍ଥାନରେ ବେଆଇନ୍ ଭାବେ ପୋଷ୍ଟର ଓ ବ୍ୟାନର ମାରି ସହରର ସୌନ୍ଦର୍ଯ୍ୟ ନଷ୍ଟ କରୁଥିବା ଅଭିଯୋଗରେ ବିଏମସିର କାର୍ଯ୍ୟାନୁଷ୍ଠାନ। ଗୋଟିଏ ଯାତ୍ରା ପାର୍ଟି ଓ ଅନ୍ୟ ଏକ ମନୋରଞ୍ଜନଧର୍ମୀ ଘରୋଇ ଟିଭି ଚ୍ୟାନେଲ ଉପରେ ୫୦ ହଜାର ଟଙ୍କା ଲେଖାଏଁ ଫାଇନ୍ କଷିଛି ବିଏମସି। ତା’ସହ ଉଭୟ ଅନୁଷ୍ଠାନ ବିରୋଧରେ ଏତଲା ମଧ୍ୟ ଦାଏର କରାଯାଇଥିବା ବିଏମସି ଟୁଇଟ୍ କରି ସୂଚନା ଦେଇଛି।
Also Read
ଯାତ୍ରାପାର୍ଟିର ପୋଷ୍ଟର ଗୋଟିଏ କାନ୍ଥରେ ଲଗାଯାଇଥିବା ବେଳେ ସଂପୃକ୍ତ ଘରୋଇ ଟିଭି ଚ୍ୟାନଲର କାର୍ଯ୍ୟକ୍ରମ ସମ୍ପର୍କିତ ପୋଷ୍ଟର ଏକ ମୋବାଇଲ ଟାୱାରରେ ଲଗାଯାଇଥିଲା। ଉଭୟ ପୋଷ୍ଟର୍ ବେଆଇନ୍ ଭାବେ ଲଗାଯିବା ସହ ସହରର ସୌନ୍ଦର୍ଯ୍ୟ ନଷ୍ଟ କରୁଥିବା ଦର୍ଶାଇ ଏଭଳି କାର୍ଯ୍ୟାନୁଷ୍ଠାନ ନିଆଯାଇଥିବା ବିଏମସି ପକ୍ଷରୁ ଟ୍ୱିଟ୍ ଯୋଗେ ସୂଚନା ଦିଆଯାଇଛି। ତେବେ ଏନେଇ ସଂପୃକ୍ତ ଯାତ୍ରା ପାର୍ଟି କିମ୍ବା ସଂପୃକ୍ତ ଘରୋଇ ଟିଭି ଚାନେଲ୍ ପକ୍ଷରୁ କୌଣସି ପ୍ରତିକ୍ରିୟା ମିଳିପାରିନି।