କଟକ ତ୍ରିଶୂଳିଆ ବ୍ରିଜ୍‌ରେ ସଡ଼କ ଦୁର୍ଘଟଣା; ଜଣେ ମୃତ

ଭୁବନେଶ୍ୱରରୁ କଟକକୁ ସଂଯୋଗ କରୁଥିବା ତ୍ରିଶୂଳିଆ ବ୍ରିଜ୍ ଉପରେ ସଡ଼କ ଦୁର୍ଘଟଣା । ରାସ୍ତା ଉପରେ ଜଣେ ଯୁବକଙ୍କ ମୃତଦେହ ପଡି ରହିଛି । ବ୍ରିଜ୍ ଉପରେ ଗୋଟିଏ ବାଇକ୍ ମଧ୍ୟ ଥୁଆ ହୋଇଥିବାର ଦେଖିବାକୁ ମିଳିଛି । ଯୁବକ ଜଣକ ବାଇକ୍‌ରେ ଯାଉଥିବା ବେଳେ ଗୋଟିଏ ଅଜଣା ଗାଡି ଦୁର୍ଘଟଣା ଘଟାଇ ପାର୍ ହୋଇଯାଇଥିବା ସନ୍ଦେହ କରାଯାଉଛି । ମୃତ ଯୁବକ କିଏ, କେଉଁଠି ତାଙ୍କ ଘର ସେ ସମ୍ପର୍କରେ କୌଣସି ତଥ୍ୟ ଜଣାପଡିନାହିଁ । ରାସ୍ତାରେ ମୃତଦେହ ପଡିଥିବାରୁ ସେହି ରାସ୍ତାରେ ଯିବା ଆସିବା କରୁଥିବା ଲୋକଙ୍କ ଭିଡ଼ ଲାଗିଥିବାର ଦେଖିବାକୁ ମିଳିଛି ।