ସାଂସଦ ଅନୁଭବ ମହାନ୍ତି ଓ ପତ୍ନୀ ବର୍ଷା ପ୍ରିୟଦର୍ଶିନୀଙ୍କ ପାରିବାରିକ ବିବାଦ ମାମଲାରେ ଶୁଣାଣି । ଅନୁଭବଙ୍କ ବିରୋଧରେ ଘରୋଇ ନିର୍ଯାତନା ଅଭିଯୋଗ ଆଣିଥିଲେ ବର୍ଷା । ଏହି ମାମଲାର ଶୁଣାଣି କରି ଆଜି ରାୟ ସଂରକ୍ଷିତ ରଖିଛନ୍ତି କୋର୍ଟ ।
ପତ୍ନୀ ବର୍ଷା ପ୍ରିୟଦର୍ଶିନୀ ଘର ଛାଡ଼ନ୍ତୁ, ତାଙ୍କୁ ଭଲ ଆକୋମୋଡେସନ୍ ଦେବାକୁ ବି ଅନୁଭବ କୋର୍ଟରେ ପିଟିସନ୍ କରିଛନ୍ତି । ଏହି ଆବେଦନ ଉପରେ ବି ଶୁଣାଣି ହୋଇଛି । ଆଜି ଶୁଣାଣି ବେଳେ ସାଂସଦ ଅନୁଭବ ମହାନ୍ତି କୋର୍ଟରେ ଉପସ୍ଥିତ ଥିଲେ । ଏହି ସମୟରେ ସେ ଗଣମାଧ୍ୟମର ପ୍ରଶ୍ନର କୌଣସି ବି ପ୍ରତିକ୍ରିୟା ରଖିନାହାନ୍ତି ।
Also Read
ତେବେ ଏହାପୂର୍ବରୁ ଅନୁଭବଙ୍କ ଭିଡିଓ ଏବଂ ବର୍ଷାଙ୍କ କାଉଣ୍ଟର ସୋସିଆଲ୍ ମିଡିଆ ପୋଷ୍ଟ ବିବାଦକୁ ବଢ଼ାଇଛି । ଫଳରେ ସୋସିଆଲ୍ ମିଡିଆରେ ବର୍ଷା ଓ ଅନୁଭବଙ୍କ ମଧ୍ୟର ୱାର୍ ତେଜିବାରେ ଲାଗିଛି । ଅନୁଭବଙ୍କ ଭିଡିଓ ଆଉ ବର୍ଷାଙ୍କ ସୋସିଆଲ୍ ମିଡିଆ ପୋଷ୍ଟ ଥମିବାର ନାଁ ନେଉନି । ବର୍ଷାଙ୍କ ବିରୋଧରେ ସାଂସଦ ଅନୁଭବ ମହାନ୍ତିଙ୍କ ଏବେ ଆଉ ଏକ ଭିଡିଓ ସାମ୍ନାକୁ ଆସିଛି । ଯେଉଁଥିରେ ସେ ବର୍ଷାଙ୍କ ବିରୋଧରେ ଅଭିଯୋଗ ଆଣିଛନ୍ତି ।