କାନ୍ଥ ପଡ଼ି ସ୍ତ୍ରୀ ମୃତ, ସ୍ୱାମୀ ଗୁରୁତର

ମୟୂରଭଂଜ କପ୍ତିପଦା ଭେଜଡିହା ଗାଁରେ ଘଟିଲା ଅଘଟଣ । କାନ୍ଥ ପଡି ସ୍ତ୍ରୀ ମୃତ, ସ୍ୱାମୀ ଗୁରୁତର । ମୃତ ମହିଳାଙ୍କ ନାଁ ପେଲନ ମହାକୁଡ଼ । ସେ ଓ ତାଙ୍କ ସ୍ୱାମୀ ଘାସିରାମ ଶୋଇଥିବା ବେଳେ ଲଗାଣ ବର୍ଷା ଯୋଗୁଁ ଉଭୟଙ୍କ ଉପରେ ଘରର କାନ୍ଥ ପଡ଼ି ଯାଇଥିଲା ।

କାନ୍ଥ ତଳେ ସ୍ୱାମୀ ସ୍ତ୍ରୀ ଉଭୟ ଚାପି ହୋଇଯାଇଥିଲେ । ଉଭୟଙ୍କୁ ଉଦ୍ଧାର ପରେ ତୁରନ୍ତ ଉଦଳା ଡାକ୍ତରଖାନା ନିଆଯାଇଥିଲା । ସେଠାରେ ମହିଳାଙ୍କର ମୃତ୍ୟୁ ଘଟିଥିବା ବେଳେ ତାଙ୍କ ସ୍ୱାମୀ ଗୁରୁତର ଆହତ ହୋଇ ଏବେ ଚିକିତ୍ସିତ ହେଉଛନ୍ତି ।

ଘାସିରାମଙ୍କ ଭାଇ ସୋନୁ ମହାକୁଡ଼ କହିଛନ୍ତି, ରାତି ପ୍ରାୟ ୨ଟା ବେଳେ ଏହି ଘଟଣା ଘଟିଥିଲା। ଘରର କାନ୍ଥ ଟିକେ ଭାଙ୍ଗି ଥିଲା। ହେଲେ ତାହା ଭୁଶୁଡ଼ି ପଡ଼ିବ ବୋଲି ସେମାନେ ଭାବି ନଥିଲେ। ଶୋଇଥିବା ବେଳେ କାନ୍ଥଟି ସେମାନଙ୍କ ଉପରେ ଭୁଶୁଡ଼ି ପଡ଼ିଥିଲା।