ନିଜ ପରିସ୍ରା ପିଇ ବାର୍ଦ୍ଧକ୍ୟକୁ ଅଟକେଇ ଦେଇଛନ୍ତି ଏହି ବ୍ୟକ୍ତି

ଦୁନିଆରେ ଅଜବ ଲୋକଙ୍କର କୌଣସି ଅଭାବ ନାହିଁ। ଅନେକ ତ ଲୋକ ଅଛନ୍ତି ଯେଉଁମାନେ ଯାହା ପାଆନ୍ତି ତାହା ଖାଆନ୍ତି। ଏମିତି କିଛି ଲୋକ ଅଛନ୍ତି ସେମାନଙ୍କ ଖାଦ୍ୟ ଅଭ୍ୟାସ ଦେଖିଲେ ଆପଣ ଆଶ୍ଚର୍ଯ୍ୟ ହୋଇଯିବେ। ଏମିତି ଜଣେ ବ୍ୟକ୍ତି ଅଛନ୍ତି ଯାହାଙ୍କ ଏକ କାମ ଆପଣଙ୍କୁ ଆଶ୍ଚର୍ଯ୍ୟ କରିବ ସତ ଏହା ସହ ଘୃଣାରେ ମଧ୍ୟ ଭରିଦେବ।

ଏହି ବ୍ୟକ୍ତି ଜଣକ ନିଜର ପରିସ୍ରା ପିଇ ବୟସକୁ ଅଟକେଇ ଦେଇ ପାରିଛନ୍ତି ବୋଲି ଦାବି କରିଛନ୍ତି। ସେ କୁହନ୍ତି ଯେ ବିଅର୍ ଗ୍ରୀଲ୍ସର ପ୍ରସିଦ୍ଧ ସୋ 'ମେନ୍‌ ଭର୍ସେସ୍ ୱାଇଲ୍ଡ'ର ଏକ ଦୃଶ୍ୟକୁ ମନେ ପକାଯାଇପାରେ, ଯେଉଁଥିରେ ଭୋଗ୍ ୱିଲିୟମ୍ ଠାରୁ ନିଲ୍ ମୋରିସିସି ପର୍ଯ୍ୟନ୍ତ ନିଜ ପରିସ୍ରା ପିଉଥିବାର ଦେଖାଯାଇଥିଲା।

କେହି କ’ଣ ନିଜ ପରିସ୍ରା ପିଇ ବାର୍ଦ୍ଧକ୍ୟରେ ରୋକ୍ ଦେଇପାରେ? ଏହା ଶୁଣି ଆପଣଙ୍କୁ ନିଶ୍ଚିତ ଘୃଣା ଆସିପାରେ। କିନ୍ତୁ ଇଂଲଣ୍ଡର ଜଣେ ୩୪ ବର୍ଷ ବୟସ୍କ ବ୍ୟକ୍ତି ନିଜର ପରିସ୍ରାକୁ ଅତି ଉତ୍ସାହର ସହିତ ପିଅନ୍ତି। ଏହି ବ୍ୟକ୍ତି ଇଂଲଣ୍ଡର ହାମ୍ପସାୟାରର ବାସିନ୍ଦା, ଯାହାଙ୍କ ନାମ ହ୍ୟାରି ମତାଦିନ ବୋଲି କୁହାଯାଉଛି। ହ୍ୟାରି ଦାବି କରିଛନ୍ତି ଯେ ସେ ପ୍ରତିଦିନ ତାଙ୍କର ପରିସ୍ରା ପିଉଛନ୍ତି, ଯେଉଁଥିପାଇଁ ସେ ତାଙ୍କ ପ୍ରକୃତ ବୟସରୁ ୧୦ ବର୍ଷ ସାନ ଦେଖାଯାଉଛନ୍ତି ଏବଂ ସେ ଚାପରୁ ମଧ୍ୟ ଦୂରେଇ ରହିଛନ୍ତି।

ହ୍ୟାରି କୁହନ୍ତି ଯେ ସେ ୨୦୧୬ରୁ ନିଜର ପରିସ୍ରା ପିଉଛନ୍ତି। ସେ ବିଶ୍ୱାସ କରନ୍ତି ଯେ ଏହି କାରଣରୁ ତାଙ୍କ ମସ୍ତିଷ୍କ ଭଲ କାମ କରେ ଏବଂ ତାଙ୍କ ବୟସ ମଧ୍ୟ କମ୍ ଦେଖାଯାଏ। ସେ ପ୍ରତିଦିନ ପରିସ୍ରା ପିଇବା ଦ୍ୱାରା ତାଙ୍କର ମାନସିକ ଅବସାଦ ମଧ୍ୟ କମ ହୋଇଥାଏ ବୋଲି ସେ କୁହନ୍ତି। ସୋସିଆଲ ମିଡିଆରୁ ତାଙ୍କୁ ଏହି 'ୟୁରିନ ଥେରାପି' ବିଷୟରେ ସୂଚନା ମିଳିଥିବା ସେ କହିଛନ୍ତି।

ହ୍ୟାରି କହିଛନ୍ତି ଯେ ସେ ପ୍ରତିଦିନ ପ୍ରାୟ ୨୦୦ ମିଲି ପରିସ୍ରା ପିଉଛନ୍ତି। ତାଙ୍କର ଏହି ପରିସ୍ରା ଏକ ସପ୍ତାହରୁ ପ୍ରାୟ ଏକ ମାସର ହୋଇଥାଏ। ସେ ମଧ୍ୟ ବାସି ପରିସ୍ରାରେ ଆଣ୍ଟି-ଏଜିଂ ଉତ୍ପାଦ ଥିବା ସେ କୁହନ୍ତି। ହ୍ୟାରିଙ୍କ ଅନୁଯାୟୀ, ଆରମ୍ଭରେ ସେ ପରିସ୍ରାକୁ ଆଦୌ ପସନ୍ଦ କରୁ ନଥିଲେ, କିନ୍ତୁ ପରେ ସେ ଏହାକୁ ଅଭ୍ୟାସରେ ପରିଣତ କରିଦେଇଥିଲେ। ତାଙ୍କର ଏହି ଅଜବ ଅଭ୍ୟାସ ଯୋଗୁଁ ତାଙ୍କ ପରିବାର ସଦସ୍ୟ ତାଙ୍କୁ ଘୃଣା କରିବା ଆରମ୍ଭ କରିଛନ୍ତି ବୋଲି ସେ କହିଛନ୍ତି।

ତେବେ ମେଡିକାଲ ଦୁନିଆର ଅନେକ ବରିଷ୍ଠ ଲୋକ ହ୍ୟାରିଙ୍କ ଏହି ଦାବି ଉପରେ ପ୍ରଶ୍ନ କରିଛନ୍ତି। ବିଶେଷଜ୍ଞମାନେ କହିଛନ୍ତି ଯେ ପରିସ୍ରା ପିଇବା ଦ୍ୱାରା ମାନବ ସ୍ୱାସ୍ଥ୍ୟ ପାଇଁ କୌଣସି ଲାଭ ହୁଏ ନାହିଁ।