ଅଜବ ବାଳକ; ବୟସ ମାତ୍ର ୫, ଜାଣିଛନ୍ତି ୧୦ ଭାଷା

ମିନି ଆଇନ୍‌ଷ୍ଟାଇନ୍‌ ନାମରେ ଇଣ୍ଟର୍‌ନେଟ୍‌ରେ ନିଜର ପ୍ରତିଭା ସହିତ ଲୋକଙ୍କୁ ଆଶ୍ଚର୍ଯ୍ୟ କରୁଛନ୍ତି ୫ ବର୍ଷର ବାଳକ। ଯଦିଓ ଏହି ପିଲାଟି ସାଧାରଣ ପିଲାମାନଙ୍କ ପରି ଟିକିଏ ଦୁଷ୍ଟ ଓ ଟିକିଏ ବଦମାସ ତଥାପି ତା’ର ଅସାଧାରଣ ବୁଦ୍ଧି ସମସ୍ତ ଆଶ୍ଚର୍ଯ୍ୟ କରିଛି। ସେ ଏ ବୟସର ଯାହା କରି ଦେଖେଇଛି ତାହାକୁ ଜଣେ ପରିଣତ ବୟସରେ ବି କରିବା କଷ୍ଟକର।

ନ୍ୟୁ ମେକ୍ସିକୋରେ ରହୁଥିବା ସେବାଷ୍ଟିଆନ୍ ଏସ୍‌ପୋଜିଟୋ ମାତ୍ର ୧୮ ମାସ ଅର୍ଥାତ୍ ଦେଢ ବର୍ଷ ବୟସରେ ଲେଖିବା ଏବଂ ପଢିବା ଆରମ୍ଭ କରିଥିଲେ। ପ୍ରକୃତରେ ତାଙ୍କର ହାଇପରଲେକ୍ସିଆ ଥିଲା, ଫଳରେ ସଂଖ୍ୟା ଏବଂ ଅକ୍ଷର ପ୍ରତି ତାଙ୍କର ଏକ ଭିନ୍ନ ଆକର୍ଷଣ ଥିଲା।

ସେବାଷ୍ଟିଆନଙ୍କୁ ସ୍ମରଣ କରାଯାଇଥିଲା, ଯେତେବେଳେ ସେ ତାଙ୍କ ଜୋତା ବାନ୍ଧି ପାରି ନଥିଲେ। ସେବାଷ୍ଟିଆନଙ୍କ ପିତାମାତା ଅଟିଜିମ୍‌କୁ ତାଙ୍କ ପାଇଁ ଏକ ଖୁସି ବୋଲି ଭାବନ୍ତି ଯାହା ତାଙ୍କ ପୁଅକୁ କିଛି ଅଲଗା କରିଦିଏ। ପିଲାଟି ଚାଲିବା ପୂର୍ବରୁ ପଢିବା ଆରମ୍ଭ କରେ ଏବଂ ତା’ର ସ୍ମୃତି ଏତେ ଦ୍ରୁତ ଯେ ତାଙ୍କ ମନରେ ସବୁକିଛି ଛାପି ହୋଇଯାଏ।

ରିପୋର୍ଟ ଅନୁଯାୟୀ, ସେବାଷ୍ଟିଆନ ବହୁତ କମ ବୟସରୁ ଲେଟର୍ ପଜଲ୍ ଖେଳିବାକୁ ଭଲ ପାଉଥିଲେ ଏବଂ ୨ ବର୍ଷ ବୟସରେ ସେ ପ୍ରାୟ ୨୦୦ ଶବ୍ଦ ଲେଖିପାରୁଥିଲେ। ଏପରି କି ସେ ପୁରା ଋଷର ବର୍ଣ୍ଣମାଳାକୁ ମନେ ରଖିଦେଇଥିଲେ।

ହାଇପରଲେକ୍ସିଆ କାରଣ ସେ ନିଜ ବୟସ ତୁଳନା ବହୁତ କିଛି ଶିଖି ନିଅନ୍ତି। ତାଙ୍କୁ ମାତ୍ର ୫ ବର୍ଷ ହୋଇଥିବା ବେଳେ ଯେତେବେଳେ କି ତାଙ୍କ ସହପାଠୀମାନେ ବର୍ଣ୍ଣମାଳା ଶିଖୁଛନ୍ତି, ସେ କିନ୍ତୁ ଏକାଦଶ ଶ୍ରେଣୀର ପୁସ୍ତକ ପଢିବା ଆରମ୍ଭ କରିଛନ୍ତି। ଏବେ ସେ ୧୦ ଟି ଭାଷାରେ ଲେଖିପାରୁଛନ୍ତି।

ସେ ଗ୍ରୀକ୍, ଜର୍ମାନ, ଆର୍ମେନିୟନ୍ ଏବଂ ତୁର୍କୀ ବର୍ଣ୍ଣମାଳା ମଧ୍ୟ କହିପାରନ୍ତି। ସେ ତାଙ୍କ ପିତା ରିଆନ ଏସ୍‌ପୋଜିଟୋ ଏବଂ ତାଙ୍କ ମା’ ଅମାଣ୍ଡା ଏସ୍‌ପୋଜିଟୋଙ୍କର ପ୍ରଥମ ସନ୍ତାନ ହୋଇଥିବାବେଳେ ତାଙ୍କର ଜଣେ ଧରମ ଭଉଣୀ ମଧ୍ୟ ଅଛନ୍ତି।

ସେବାଷ୍ଟିଆନଙ୍କ ମା’ କହିଛନ୍ତି ଯେ ବେଳେବେଳେ ସେ ତାଙ୍କୁ ଏକ ଏଲିଏନ୍ ବୋଲି ଭାବି ନିଅନ୍ତି। ସେ ୩ ବର୍ଷ ବୟସରେ ଅଟିଜିମ୍ ରୋଗରେ ଆକ୍ରାନ୍ତ ହୋଇଥିଲେ। ଏହି କାରଣରୁ, ଲୋକମାନେ କଥାବାର୍ତ୍ତା କରିବା ଓ ବିଭିନ୍ନ କଥା ଶିଖିବାରେ ଅସୁବିଧା ହୋଇଥାଏ। କିନ୍ତୁ ଏପରି ଲୋକଙ୍କ ସ୍ମୃତି ଶକ୍ତି ଆଶ୍ଚର୍ଯ୍ୟଜନକ ହୋଇଥାଏ।

ଲୋକଙ୍କୁ ଏହି ରୋଗ ବିଷୟରେ ଅବଗତ କରାଇବା ପାଇଁ ତାଙ୍କ ବାପାମା’ ପ୍ରଥମେ ପୁଅର ଭିଡିଓ ପୋଷ୍ଟ୍‌ କରିବା ଆରମ୍ଭ କରିଥିଲେ। ଏହା ପରେ ସେ ଭାଇରାଲ ହୋଇଥିଲେ। ୨ କୋଟି ଲୋକ ସେହି ଭିଡିଓଗୁଡିକୁ ଦେଖିଛନ୍ତି ଯେଉଁଥିରେ ସେ ୧୦ ଟି ଭାଷାରେ ଲେଖୁଛନ୍ତି। ଦୁନିଆର ବିଭିନ୍ନ ଦେଶର ପତାକା ଏବଂ ରାଜଧାନୀକୁ ମଧ୍ୟ ସେ ମନେ ରଖିଛନ୍ତି।