୨୮ ବର୍ଷର ପୁରୁଷ ଜନ୍ମଦେଲେ ଶିଶୁ କନ୍ୟା

ପରିବେଶର ଅସନ୍ତୁଳନ କାରଣରୁ ବର୍ତ୍ତମାନ ଏପରି ଅନେକ ଜିନିଷ ସାମ୍ନାକୁ ଆସୁଛି, ଯାହାକୁ ଆଶ୍ଚର୍ଯ୍ୟ ହେବା ସ୍ୱାଭାବିକ। ଅନେକ ଥର ଲୋକମାନେ ଏହି ପରିବର୍ତ୍ତନଗୁଡ଼ିକୁ ସହଜରେ ଗ୍ରହଣ କରିବାକୁ ସକ୍ଷମ ନୁହଁନ୍ତି କାରଣ ଏହି ପରିବର୍ତ୍ତନଗୁଡ଼ିକ ସମାଜର ସାଧାରଣ ଚିନ୍ତାଧାରାଠାରୁ ସଂପୂର୍ଣ୍ଣ ଭିନ୍ନ। ସମ୍ପ୍ରତି ଏଭଳି ଏକ ଘଟଣା ଚର୍ଚ୍ଚାତ ପରିସରକୁ ଆସିଛି। ଜଣେ ୨୮ ବର୍ଷର ଯୁବକ ନିଜର ଏକ ଝିଅକୁ ଜନ୍ମଦେବା ଘଟଣା ସମସ୍ତଙ୍କୁ ଚକିତ କରିଛି।

ଆମେରିକାର ପଶ୍ଚିମ ଭର୍ଜିନିଆର ୨୮ ବର୍ଷୀୟ ଏଶ୍ ପାଟ୍ରିକ୍ ସ୍କେଡ୍‌ଙ୍କ ଜନ୍ମ ଜଣେ ମହିଳା ଭାବରେ ହୋଇଥିଲା। କିନ୍ତୁ ସେ ନିଜକୁ ପୁରୁଷ କରିବାକୁ ଚାହୁଁଥିଲେ। ୨୦୨୦ ର କିଛି ବର୍ଷ ପୂର୍ବରୁ, ସେ ଟେଷ୍ଟୋଷ୍ଟେରନ୍ ଏବଂ ଆଷ୍ଟ୍ରୋଜେନ୍ ବ୍ଲକର୍ ଖାଉଥିଲେ। ଏହା ଦ୍ୱାରା ସେ ଏକ ନିଜକୁ ପୁରୁଷରେ ପରିବର୍ତ୍ତନ କରିବେ ବୋଲି ଭାବିଥିଲେ। କିନ୍ତୁ ସେହିବର୍ଷ ଫେବୃଆରୀରେ ସେ ହଠାତ୍ ଜାଣିବାକୁ ପାଇଲେ ଯେ ସେ ଗର୍ଭବତୀ ଅଛନ୍ତି।

ପିଏଚ୍‌ଡି ଛାତ୍ର ତଥା ମାନସିକ ସ୍ୱାସ୍ଥ୍ୟ କର୍ମୀ ଭାବରେ କାର୍ଯ୍ୟ କରୁଥିବା ଏଶ୍‌ କହିଛନ୍ତି ଯେ ଏକ ଡେଟିଂ ଆପ୍‌ରେ ସେ ଜଣେ ଅଜ୍ଞାତ ବ୍ୟକ୍ତିଙ୍କୁ ଭେଟିଥିଲେ ଯାହାଙ୍କ ସହ ସେ ରାତି କାଟିଥିଲେ। ଯେତେବେଳେ ଏଶ୍ ତାଙ୍କ ଗର୍ଭଧାରଣ ବିଷୟରେ ଜାଣିଲେ, ସେ ଆଶ୍ଚର୍ଯ୍ୟ ହୋଇଗଲେ ଏବଂ ସେ ସେହି ସମୟରେ ତାଙ୍କ ହରମୋନ୍ ଚିକିତ୍ସା ବନ୍ଦ କରିଦେଇଥିଲେ। କାରଣ ସେ ନିଜ ସନ୍ତାନକୁ ଜନ୍ମ ଦେବାକୁ ଚାହୁଁଥିଲେ। ସେହି ବର୍ଷ ସେ ତାଙ୍କ ଝିଅ ରୋନାନଙ୍କୁ ଜନ୍ମ ଦେଇଥିଲେ।

ରିପୋର୍ଟ ଅନୁଯାୟୀ, ଏଶ୍ ଦୀର୍ଘ ଦିନ ଧରି ତାଙ୍କ ଲିଙ୍ଗକୁ ନେଇ ବହୁ ଅସୁବିଧାରେ ଥିଲେ। ସେ କ’ଣ ହେବାକୁ ଚାହୁଁଛନ୍ତି ତାହା ସ୍ଥିର କରି ପାରୁ ନ ଥିଲେ। କିନ୍ତୁ ଯେତେବେଳେ ସେ ତାଙ୍କ ଗର୍ଭଧାରଣ ବିଷୟରେ ଜାଣିଲେ, ସେ ସ୍ଥିର କଲେ ଯେ ସେ ସନ୍ତାନକୁ ଜନ୍ମ ଦେବେ। ସେ କହିଛନ୍ତି ଯେ କରୋନା ଭାଇରସ୍ କାରଣରୁ ହୋଇଥିବା ଲକଡାଉନ୍ ତାଙ୍କୁ କିଛି ଫରକ ପଡି ନଥିଲା, କାରଣ ତାଙ୍କର ସବୁ ସମୟ ଝିଅର ଲାଳନ ପାଳନରେ ଚାଲିଯାଇଥିଲା। ଏଶ୍ କହିଛନ୍ତି ଯେ ସେ ତାଙ୍କ ସ୍ୱାମୀ ଜୋର୍ଡାନଙ୍କ ସହିତ ରୁହନ୍ତି, ଯିଏ ତାଙ୍କ ଶିଶୁର ଯତ୍ନ ନିଅନ୍ତି।

ଏଶ୍ କହିଛନ୍ତି ଯେ ଯେତେବେଳେ ସେ ଗର୍ଭବତୀ ହେଲେ, ସେ ଟେଷ୍ଟୋଷ୍ଟେରନ୍ ଜେଲ୍‌ରେ ଥିଲେ ଏବଂ ଆଷ୍ଟ୍ରୋଜେନ୍ ବ୍ଲକର ଔଷଧ ମଧ୍ୟ ନେଉଥିଲେ। ସେ କହିଛନ୍ତି ଯେ ମୋର ଗର୍ଭବତୀ କଥା ଜାଣି ଡାକ୍ତରମାନେ ମଧ୍ୟ ଆଶ୍ଚର୍ଯ୍ୟ ହୋଇଯାଇଥିଲେ। ସେ କହିଛନ୍ତି ଯେ ତାଙ୍କ ଗର୍ଭଧାରଣ ବେଳେ ସେ ବହୁତ ଖୁସି ଥିଲେ।