ସିଲ୍‌ ହେଲା ଭୁବନେଶ୍ୱରରେ ଆଉ ୨ ବାର୍‌

ଭୁବନେଶ୍ୱର: ସିଲ୍‌ ହେଲା ଭୁବନେଶ୍ୱରରେ ଆଉ ୨ଟି ବାର୍‌। ଶୁକ୍ରବାର ଭୁବନେଶ୍ୱରରେ ଏକ ବାର୍‌ରେ ପୋଲିସ୍‌ ରେଡ୍‌ କରିଥିବା ବେଳେ ଶନିବାର ରାତିରେ ଆଉ ୨ଟି ବାର୍‌ରେ ପୋଲିସ୍‌ ରେଡ୍‌ କରିଥିଲ। ଗତକାଲି ହୋଇଥିବା ରେଡ୍‌ରେ କମିଶନରେଟ୍ ପୋଲିସର ମିଳିତ ସ୍କ୍ୱାଡ୍ ୨ ବାର୍‌ର ମ୍ୟାନେଜରଙ୍କ ସମେତ ୫ ଜଣଙ୍କୁ ଗିରଫ କରିଛି।

କୋଭିଡ୍ କଟକଣା ଉଲ୍ଲଂଘନ କରି ବାର୍‌ରେ ନାଚ, ଗୀତ ଓ ମଦର ଆସର ଚାଲିଥିବା ଖବର ପାଇ ବିଏମ୍‌ସି ଅଧିକାରୀ ଓ କମିଶନରେଟ୍ ପୋଲିସ ଚଢ଼ାଉ କରିଥିଲା। ଚଢ଼ାଉ ବେଳେ BMCର ଜୋନାଲ ଡେପୁଟି କମିଶନର ଅଂଶୁମାନ ରଥ ଓ ପୋଲିସଙ୍କୁ ହଟହଟା ହେବାକୁ ପଡ଼ିଥିଲା। ଜେଡିସି ଓ ପୋଲିସ ଅଧିକାରୀ ପ୍ରାୟ ୪୦ ମିନିଟ୍ ଧରି ଲିଫ୍ଟରେ ଅଟକ ରହିଥିଲେ। ଏନେଇ ଚନ୍ଦ୍ରଶେଖରପୁର ଥାନାରେ ଲିଖିତ ଅଭିଯୋଗ ପରେ ଉଭୟ ବାର୍ ନାଁରେ ମାମଲା ରୁଜୁ ହୋଇଛି।

Also Read

ବିଚ୍‌ ରାସ୍ତାରେ ଯୁବକଙ୍କୁ ହତ୍ୟା, ଅଭିଯୁକ୍ତଙ୍କ ଘର ଜାଳିଦେଲେ ଗାଁ ଲୋକେ

ଗୁପ୍ତଚରଙ୍କୁ ଘାଣ୍ଟିବ କ୍ରାଇମବ୍ରାଞ୍ଚ, ୭ଦିନ ଯାଏଁ କରିବ ମାରାଥନ୍ ଜେରା

ସାବଧାନ ! ଆପଣଙ୍କ ଅଜାଣତରେ ମୋବାଇଲ୍ ନମ୍ବର ଚୋରି ହୋଇନାହିଁ ତ ?

ସୂଚନାଥାଉ କି, ଶୁକ୍ରବାର ଭୁବନେଶ୍ୱର ଚନ୍ଦ୍ରଶେଖରପୁର ଥାନା ଅଞ୍ଚଳରେ ଥିବା ଏମ୍ବାସି ବାର୍‌ରେ ପୋଲିସ୍‌ ରେଡ୍‌ କରିଥିଲା। କୋଭିଡ୍ ଗାଇଡ୍‌ଲାଇନ୍ ଉଲ୍ଲଂଘନ ଅଭିଯୋଗରେ ଏହି ଚଢାଉ ହୋଇଥିବା ସୂଚନା ମିଳିଛି। କିଛି ଲୋକଙ୍କୁ ଅଟକ ରଖି ପୋଲିସ୍ ପଚରାଉଚରା ବି କରିଥିଲା। ଗତ କିଛି ଦିନ ଧରି ଭୁବନେଶ୍ୱରର ବିଭିନ୍ନ ବାର୍ ଉପରେ ଚଢାଉ ଜାରି ରହିଛି। ଗତକାଲି ମଧ୍ୟ ୪ଟି ବାର୍ ସିଲ୍ ହୋଇଥିଲା।