Pratima Puraskar Awards 2025: ଘୋଷଣା ହେଲା ତୃତୀୟ ପ୍ରତିମା ପୁରସ୍କାର, କଳା ଏବଂ ଶିକ୍ଷା କ୍ଷେତ୍ରକୁ ମିଳିବ ସମ୍ମାନ

କଳା ଏବଂ ଶିକ୍ଷା କ୍ଷେତ୍ରକୁ ବିଶେଷ ଅବଦାନପାଇଁ ତୃତୀୟ ପ୍ରତିମା ପୁରସ୍କାର ୨୦୨୫ ଘୋଷଣା କରାଯାଇଛି । ପ୍ରତିମା ଫାଉଣ୍ଡେସନ ଦ୍ୱାରା ପ୍ରତିଷ୍ଠିତ ଏହି ପୁରସ୍କାର ଓଡ଼ିଶାରେ ଶିକ୍ଷା ଏବଂ ପାରମ୍ପରିକ କଳାରେ ଅସାଧାରଣ ଅବଦାନ ଦେଇଥିବା ବ୍ୟକ୍ତିବିଶେଷଙ୍କୁ ପ୍ରତିବର୍ଷ ସମ୍ମାନିତ କରାଯାଏ।

୨୦୨୫ ବର୍ଷ ପାଇଁ "ପ୍ରତିମା ଶିକ୍ଷା ସମ୍ମାନ" ଶ୍ରୀଯୁକ୍ତ କଳ୍ପତରୁ ପାତ୍ରଙ୍କୁ ପ୍ରଦାନ କରାଯାଉଛି । ଶ୍ରୀଯୁକ୍ତ ପାତ୍ର ଛାତ୍ରମାନଙ୍କ ପାଇଁ ବିଜ୍ଞାନକୁ ସରଳ କରିବା ପାଇଁ ଜଣାଶୁଣା ଓ ଜଣେ ଉତ୍ସର୍ଗୀକୃତ ଶିକ୍ଷକ। ତାଙ୍କର ଅନନ୍ୟ ଶିକ୍ଷାଦାନ ପଦ୍ଧତି ଏବଂ ବିଜ୍ଞାନ ମଡେଲଗୁଡ଼ିକ ଗ୍ରାମାଞ୍ଚଳ ବିଦ୍ୟାଳୟଗୁଡ଼ିକରେ ହଜାର ହଜାର ଯୁବ ଶିକ୍ଷାର୍ଥୀଙ୍କ ପାଖରେ ବିଜ୍ଞାନକୁ ଆକର୍ଷଣୀୟ ଓ ଲୋକପ୍ରିୟ କରିଛି।

୨୦୨୫ର "ପ୍ରତିମା ଶିଳ୍ପୀ ସମ୍ମାନ" ମିଳିତ ଭାବରେ ଶ୍ରୀମତୀ ଦୀପ୍ତିରାଣୀ ବେହେରା ଏବଂ ଶ୍ରୀଯୁକ୍ତ ପ୍ରଶାନ୍ତ ବେହେରାଙ୍କୁ ଦିଆଯାଉଛି । ସେମାନେ ଗୋଲ୍ଡେନ ଗ୍ରାସ୍ ବୁଣାର ପାରମ୍ପରିକ କଳାକୁ ପୁନଃକଳ୍ପନା କରିବା ପାଇଁ ଅକ୍ଳାନ୍ତ ପରିଶ୍ରମ କରିଛନ୍ତି। ନୂଆ ଡିଜାଇନ କରିବାର ପ୍ରୟାସ କରି ସେମାନେ ଏହି ହସ୍ତଶିଳ୍ପ ପ୍ରତି ରାଜ୍ୟ ଓ ରାଜ୍ୟ ବାହାରେ ଅନ୍ୟମାନଙ୍କ ଦୃଷ୍ଟି ଆକର୍ଷଣ କରିଛନ୍ତି ଏବଂ ଏହି ପ୍ରକ୍ରିୟାରେ ଅନେକ ସ୍ଥାନୀୟ ମହିଳା କାରିଗରଙ୍କୁ ସ୍ୱାବଲମ୍ବୀ ହେବାରେ ସାହାଯ୍ୟ କରିଛନ୍ତି।

ପୁରସ୍କାରଗୁଡ଼ିକ ଆନୁଷ୍ଠାନିକ ଭାବରେ ୬ ମଇ ୨୦୨୫, ମଙ୍ଗଳବାର ସନ୍ଧ୍ୟା ୬.୩୦ରେ ଗୀତଗୋବିନ୍ଦ ସଦନ, ଭୁବନେଶ୍ୱରରେ ଏକ ଭବ୍ୟ ସମାରୋହରେ ପ୍ରଦାନ କରାଯିବ। ପୁରସ୍କୃତ ପ୍ରତିଭାଙ୍କୁ ମାନପତ୍ର, ସ୍ମାରକୀ, ଉତ୍ତରୀୟ ଓ ନଗଦ ରାଶି ଦିଆଯାଇ ସମ୍ମାନୀତ କରାଯିବ । ଉତ୍ସବରେ ପୁରସ୍କାର ପ୍ରଦାନ, ପୁସ୍ତକ ଉନ୍ମୋଚନ ଏବଂ ଏକ ସ୍ମାରକୀ ବକ୍ତୃତା ପ୍ରଦାନର ମଧ୍ୟ କାର୍ଯ୍ୟକ୍ରମ ରହିଛି।