ଘରେ ଲଗାନ୍ତୁ ଏହି ସବୁ ଗଛ, ହେବ ନାହିଁ ସମସ୍ୟା

ଆମ ଜୀବନରେ ଗଛ ବୃକ୍ଷର ଅନେକ ମହତ୍ତ୍ୱ ରହିଛି । ଏଗୁଡିକ ବିନା ଜୀବନର କଳ୍ପନା କରିବା ଅସମ୍ଭବ ଅଟେ । ମାନ୍ୟତା ଓ ବାସ୍ତୁ ଅନୁସାରେ ସନାତନ ଧର୍ମରେ ବିଭିନ୍ନ ବୃକ୍ଷ ଆମ ପାଇଁ ବରଦାନ ଅଟେ । ବାସ୍ତୁ ଅନୁସାରେ ବିଭିନ୍ନ ଗଛର ଅନେକ ଗୁରୁତ୍ୱ ରହିଛି । ଚାଲନ୍ତୁ ଜାଣିବା ବାସ୍ତୁ ଅନୁଯାୟୀ ବୃକ୍ଷର ମହତ୍ତ୍ୱ ।

ମନିପ୍ଲାଣ୍ଟ:

• ବାସ୍ତୁ ଅନୁସାରେ ମନିପ୍ଲାଣ୍ଟକୁ ଧନ ବୃଦ୍ଧିର ସଙ୍କେତ ଦେଉଥିବା ଗଛ ବୋଲି କୁହାଯାଏ ।
• ମାନ୍ୟତା ରହିଛି ଯେ ଘରେ ଯଦି ମନିପ୍ଲାଣ୍ଟ ସବୁଜ ଓ ସତେଜ ରୁହେ ତେବେ ସୁଖ ଓ ସମୃଦ୍ଧି ଘରକୁ ଆସିଥାଏ ।
• ମନିପ୍ଲାଣ୍ଟ ଶୁଖିଯିବା ଦ୍ୱାରା ଏଥିରେ ବାଧକ ସୃଷ୍ଟି ହୁଏ । ସବୁବେଳେ ଧ୍ୟାନ ରଖିବେ ଯେ ମନିପ୍ଲାଣ୍ଟ ଯେପରି ଉପର ଆଡକୁ ବଢିବା ଆବଶ୍ୟକ ।

ଅଶୋକ ଗଛ:

• ଅଶୋକ ଗଛରୁ ସକାରାତ୍ମକ ଶକ୍ତିର ପ୍ରତୀକ ବୋଲି କୁହାଯାଏ ।
• ବାସ୍ତୁ ଅନୁସାରେ ଏହି ଗଛଟି ସବୁବେଳେ ଘରର ମୁଖ୍ୟ ଦ୍ୱାରରେ ରହିବ ଆବଶ୍ୟକ ।
• ଏହି ଗଛଟି ଶୁଭ ଓ ମଙ୍ଗଳ ମୟ ହୋଇଥିବାରୁ ଏହାକୁ ବିଶେଷ କରି ମନ୍ଦିରରେ ଲଗାଯାଇଥାଏ ।
• ଯଦି ଅଶୋକ ଗଛ ଶୁଖିଯାଏ ତେବେ କୁହାଯାଏ ଯେ ଘରର ସୁଖ ଓ ଶାନ୍ତିରେ ବାଧା ଆସିଥାଏ ।
• ଘରେ କଳହ ଓ ଆର୍ଥିକ ସମସ୍ୟା ଦେଖା ଦେଇଥାଏ । ତେଣୁ ଗଛ ଗୁଡିକର ଏହିସବୁ ସୂଚନା ଆମକୁ ଜୀବନ ପ୍ରତି ସତର୍କ କରିଥାଏ ।

ତୁଳସୀ ଗଛ:

• ତୁଳସୀ ଗଛର ଅନେକ ମହତ୍ୱ ରହିଛି , କାରଣ ତୁଳସୀ ହେଉଛନ୍ତି ଘରପାଇଁ ଶୁଭ ତୁଳସୀ ଗଛ ଶୁଖିଯିବା ଅଶୁଭ ଅଟେ । କାହିଁକିନା ମାନ୍ୟତା ଅନୁସାରେ ସେ ଦେବୀ ଅଟନ୍ତି ।
• ଶ୍ରୀକୃଷ୍ଣଙ୍କର ତୁଳସୀଙ୍କ ବିନା କୌଣସି କାର୍ଯ୍ୟ କରାଯାଏ ନାହିଁ ଓ ବିନା ତୁଳସୀରେ ଶ୍ରୀକୃଷ୍ଣଙ୍କ ପୂଜା ଅସମ୍ଭବ ଅଟେ ।
• ତୁଳସୀଙ୍କର ଅନ୍ୟ ନାମ ନାରାୟଣୀ ମଧ୍ୟ ଅଟେ । ତେଣୁ ତୁଳସୀ ବୃକ୍ଷ ଶୁଖିବା ପୂର୍ବରୁ କିଛି ଘଟଣା ହେବାର ସୂଚେଇ ଦେଇ ଥାଏ । ଏଥିପ୍ରତି ସଜାଗ ରହିଲେ ବିଭିନ୍ନ ନାକାରତ୍ମକ ଘଟଣାରୁ ମୁକ୍ତି ମିଳେ ।
• ଯଦି ତୁଳସୀ ଗଛର ପତ୍ର ଶୁଖି ଯ।ଉଛି, ତେବେ ଏହାକୁ ଘରେ ରଖନ୍ତୁ ନାହିଁ । ଏହାକୁ ଯେକୌଣସି ମନ୍ଦିର କିମ୍ବା ନଦୀରେ ବିସର୍ଜନ କରାଇ ଦିଅନ୍ତୁ । କାରଣ ଶୁଖି ଯାଇଥିବା ତୁଳସୀ ଗଛ ବା ପତ୍ର ଘର ପାଇଁ ଅଶୁଭ ଅଟେ । ଏହା ଭବିଷ୍ୟତର ବହୁ ବିପଦର ସୃଷ୍ଟି କରାଇଥାଏ ।