Paneer Kathi Roll: ବହୁତ ସହଜରେ ଘରେ ତିଆରି କରିପାରିବେ, ସମସ୍ତଙ୍କୁ ପସନ୍ଦ ଆସିବ

ପାର୍ଟି ହେଉ କିମ୍ବା ସ୍ନାକ୍ସ ଟାଇମ, ପନିର ସବୁବେଳେ ଲୋକଙ୍କର ପ୍ରିୟ ଖାଦ୍ୟ । ପନିର ତରକାରୀ ହେଉ କିମ୍ବା ପନିର ଟିକ୍କା, ଏହି ଖାଦ୍ୟଗୁଡ଼ିକ ସବୁବେଳେ ଲୋକଙ୍କର । ଏହା ବ୍ୟତୀତ, ହୋଟେଲ, ରେଷ୍ଟୁରାଣ୍ଟ କିମ୍ବା ପାର୍ଟିରେ ଅଧିକାଂଶ ଲୋକେ ପନିର କାଠି ରୋଲ ଖାଇବାକୁ ବେଶୀ ପସନ୍ଦ କରନ୍ତି। ପରଟାରେ ପନିରର ଷ୍ଟଫିଂ ଏହି ଖାଦ୍ୟକୁ ଆହୁରି ସ୍ୱାଦିଷ୍ଟ କରିଥାଏ। ଯଦିଓ ଘରେ ଥାଇ ଏହା ଖାଇବାର ଇଚ୍ଛା ହେଉଛି, ତେବେ ବାହାରୁ ଅର୍ଡର କରିବା ବ୍ୟତୀତ ଅନ୍ୟ କୌଣସି ବିକଳ୍ପ ନଥାଏ। ଆଜି ଆମେ ଆପଣଙ୍କ ସହ ଏକ ସ୍ୱାଦିଷ୍ଟ ପନିର କାଠି ରୋଲର ରେସିପି ସେୟାର କରୁଛୁ, ଯାହାକୁ ଆପଣ ବହୁତ ସହଜରେ ଘରେ ତିଆରି କରିପାରିବେ।

ଆବଶ୍ୟକ ସାମଗ୍ରୀ

ମଇଦା - ୨ କପ

ଗହମ ଅଟା - ୧/୨ କପ

ଲୁଣ - ସ୍ୱାଦ ଅନୁସାରେ

ତେଲ - ୧ ଚାମଚ

ପାଣି - ଆବଶ୍ୟକ ଅନୁସାରେ

ବଟର - ସ୍ୱାଦ ପାଇଁ

ଷ୍ଟଫିଂ ପାଇଁ

ତେଲ - ୩ ଚାମଚ

ଜିରା - ୧ ଚାମଚ

ଧନିଆ ମଞ୍ଜି - ୨ ଚାମଚ

ଅଦା - ୧ ଚାମଚ (କଟା ବା ପେଷ୍ଟ)

ରସୁଣ (କଟା) - ୧ ଚାମଚ

କଞ୍ଚାଲଙ୍କା - ୧-୨ଟି (କଟା)

ବଟର - ୧ ଚାମଚ

ହଳଦୀ - ୧/୨ ଚାମଚ

ଲାଲ ଲଙ୍କା ଗୁଣ୍ଡ - ୧ ଚାମଚ

ଧନିଆ ଗୁଣ୍ଡ - ୧ ଚାମଚ

ଟମାଟୋ ପ୍ୟୁରୀ - ୧ କପ

ଲୁଣ - ସ୍ୱାଦ ଅନୁସାରେ

ପିଆଜ (କଟା) - ୧/୨ କପ

ସବୁଜ ବେଲ ପେପର (କଟା) - ୧/୨ କପ

ହଳଦିଆ ବେଲ ପେପର (କଟା) - ୧/୨ କପ

ଲାଲ ବେଲ ପେପର (କଟା) - ୧/୨ କପ

ପାଣି - ଆବଶ୍ୟକ ଅନୁସାରେ

ପନିର (କଟା) - ୧ କପ

କସୁରୀ ମେଥି ଗୁଣ୍ଡ - ୧ ଚାମଚ

କଟା ଧନିଆ ପତ୍ର - ୨ ଚାମଚ

ଚିଜ ସ୍ଲାଇସ - ୪ଟି

ମୋଜେରେଲା ଚିଜ୍

ସାଲାଡ ପତ୍ର

ପନିର କାଠି ରୋଲ ତିଆରି ପ୍ରଣାଳୀ

ପରଟା ତିଆରି

ବଟର ଏବଂ ତେଲ ଛାଡ଼ି ଅନ୍ୟ ସମସ୍ତ ଉପକରଣ (ମଇଦା, ଗହମ ଅଟା, ଲୁଣ, ପାଣି) ମିଶାଇ ପରଟା ପାଇଁ ଅଟା ପ୍ରସ୍ତୁତ କରନ୍ତୁ

ଅଟାକୁ ୧୦ ମିନିଟ ଢାଙ୍କି ରଖନ୍ତୁ। ତା’ପରେ ଏହାକୁ ୪ଟି ସମାନ ଭାଗରେ ଭାଗ କରନ୍ତୁ।

ସୁଖିଲା ଅଟା ବ୍ୟବହାର କରି ପ୍ରତ୍ୟେକ ଭାଗକୁ ପତଳା ରୁଟି ଆକାରରେ ବେଲନ୍ତୁ।

ଗରମ ତାୱାରେ ବଟର ଓ ତେଲ ଲଗାଇ ଶେକନ୍ତୁ। ଶେକା ହେବା ପରେ ବାହାର କରି ଅନ୍ୟ ଏକ ପାତ୍ରରେ ରଖନ୍ତୁ।

ଷ୍ଟଫିଂ ତିଆରି

ଏକ ପ୍ୟାନରେ ତେଲ ଏବଂ ବଟର ଗରମ କରନ୍ତୁ।

ଗୁଣ୍ଡ କରିଥିବା ଜିରା ଏବଂ ଧନିଆ ମଞ୍ଜି ପକାନ୍ତୁ । ଅଦା, ରସୁଣ ଏବଂ କଞ୍ଚାଲଙ୍କା ମିଶାଇ ହାଲୁକା ଭାଜନ୍ତୁ।

ହଳଦୀ, ଲାଲ ଲଙ୍କା ଗୁଣ୍ଡ, ଧନିଆ ଗୁଣ୍ଡ ମିଶାନ୍ତୁ।

ଟମାଟୋ ପ୍ୟୁରୀ ମିଶାଇ ଭଲ ଭାବେ କଷନ୍ତୁ ଏବଂ ତେଲ ଛାଡ଼ିବା ପର୍ଯ୍ୟନ୍ତ ରାନ୍ଧନ୍ତୁ।

ପିଆଜ, ବେଲ ପେପର (ସବୁଜ, ହଳଦିଆ, ଲାଲ) ମିଶାଇ ୨ ମିନିଟ ପାଇଁ ରାନ୍ଧନ୍ତୁ।

 ପନୀର, ଲୁଣ, କସୁରୀ ମେଥି ଏବଂ କଟା ଧନିଆ ପତ୍ର ମିଶାନ୍ତୁ । ହେଇଗଲା ପରେ ବାହାର କରି ଅନ୍ୟ ଏକ ପାତ୍ରରେ ରଖନ୍ତୁ।

କାଠି ରୋଲ ବନାନ୍ତୁ

ଶେକା ପରଟାକୁ ଏକ ସମତଳ ପ୍ଲେଟରେ ରଖନ୍ତୁ

ଉପରେ ଚିଜ ସ୍ଲାଇସ ଏବଂ କଦୁକସ ମୋଜେରେଲା ଚିଜ ଦିଅନ୍ତୁ।

ସାଲାଡ ପତ୍ର, ପନିର ମିଶ୍ରଣ ରଖନ୍ତୁ ଏବଂ ଚାଟ ମସଲା ଛିଞ୍ଚନ୍ତୁ।

ପରଟାକୁ ଗୁଡ଼ାଇ ରୋଲ ଆକାରରେ ତିଆରି କରନ୍ତୁ।

ଗରମ ଗରମ ଗ୍ରୀନ ଚଟଣି କିମ୍ବା ଟମାଟୋ ସସ୍ ସହିତ ପରିବେଷଣ କରନ୍ତୁ।

ଟିପ୍ସ:

ପରଟା ବଦଳରେ ରୁମାଲି ରୁଟି ବା ଅନ୍ୟ ରୁଟି ମଧ୍ୟ ବ୍ୟବହାର କରିପାରିବେ।

ଷ୍ଟଫିଂରେ ଅନ୍ୟ ପରିବା ଯେପରିକି ମଶରୁମ ମିଶାଇ ପାରିବେ।

ଅଧିକ ସ୍ୱାସ୍ଥ୍ୟକର ପାଇଁ ମଲ୍ଟିଗ୍ରେନ ଅଟା ବ୍ୟବହାର କରନ୍ତୁ।