Health Tips: ବ୍ୟାୟାମ କରିବା ପରେ ଶୋଇ ପଡୁଛନ୍ତି କି… ଯେତେ ଖଟିଲେ ବି କିଛି ଲାଭ ହେବନି

ଜିମ୍, ସ୍ୱିମିଙ୍ଗ୍, ଯୋଗ ଆଦି କରିବା ସହିତ ଯେକୌଣସି ପ୍ରକାର ବ୍ୟାୟାମ କରିବା ପରେ ଶରୀର ସାଧାରଣତଃ କ୍ଳାନ୍ତ ଅନୁଭବ କରେ। ଏଭଳି ପରିସ୍ଥିତିରେ ଅନେକ ଲୋକ ଘରକୁ ଆସି ବେଡରେ ପଡିଯାଆନ୍ତି ଏବଂ ବେଳେବେଳେ ଗଭୀର ନିଦ ମଧ୍ୟ ଆସିଯାଏ। କିନ୍ତୁ ବ୍ୟାୟାମ ପରେ ଶୋଇବା ଠିକ୍ ନୁହେଁ। ଏମିତି କରିବା ଦ୍ୱାରା ସମସ୍ତ କଠିନ ପରିଶ୍ରମ ନଷ୍ଟ ହୋଇଯିବ।

ବ୍ୟାୟାମ ପରେ କାହିଁକି ଲାଗେ ନିଦ:

ଫିଜିଓଥେରାପିଷ୍ଟଙ୍କ ମତରେ ବ୍ୟାୟାମ କରିବା ଦ୍ୱାରା ଏନର୍ଜୀ ବୁଷ୍ଟ୍ ହୋଇଥାଏ କାରଣ ଏହା ହୃଦସ୍ପନ୍ଦନ ଏବଂ ରକ୍ତ ପ୍ରବାହକୁ ବଢାଇଦେଇଥାଏ। ଏହା କ୍ୟାଲୋରୀକୁ ଭଲ ଭାବରେ ବର୍ଣ୍ଣ କରେ। ସେହିପରି ଶାରୀରିକ କାର୍ଯ୍ୟକଳାପରେ ବହୁତ ଏନର୍ଜୀ ଏବଂ ଷ୍ଟାମିନା ଲଗାଇଥାଏ।

ଏହି କାରଣରୁ ମାଂସପେଶୀଗୁଡ଼ିକ ସଂକୁଚିତ ହୁଏ। ଏହି ସମୟରେ, ଆଡେନୋସିନ୍ ଟ୍ରାଇଫୋସ୍‌ଫେଟ୍ ବା ATP ସ୍ତର ମଧ୍ୟ ଖସିଯାଏ, ଯେଉଁ କାରଣରୁ ମାଂସପେଶୀର କାର୍ଯ୍ୟ କରିବାର କ୍ଷମତା କମିଯାଏ। ଫଳରେ ବ୍ୟାୟାମ ପରେ, ବ୍ୟକ୍ତି କ୍ଳାନ୍ତ ଅନୁଭବ କରେ ଏବଂ ଶୋଇପଡେ।

ଅଧିକ ପଢ଼ନ୍ତୁ: ବ୍ୟାୟାମ କରିବାକୁ ସମୟ ନାହିଁ କି… ଯିବା-ଆସିବା ଭିତରେ କରନ୍ତୁ ଏହି ୪ ଯୋଗ

ଶୋଇବା କାହିଁକି ଠିକ ନୁହେଁ:

ବ୍ୟାୟାମ ପରେ ରେଷ୍ଟ୍ ନେବା ଭଲ, କାରଣ ଏହା ମାଂସପେଶୀକୁ ମରାମତି କରେ। ରେଷ୍ଟ୍ ନେବା ଦ୍ୱାରା ପିଟ୍ୟୁଟାରୀ ଗ୍ଲାଣ୍ଡ୍‌ରୁ ଗ୍ରୋଥ୍ ହରମୋନ୍ ନିର୍ଗତ ହୁଏ ଯାହା ନଷ୍ଟ ହୋଇଥିବା ଟିସୁକୁ ମରାମତି କରିବାରେ ସାହାଯ୍ୟ କରେ। ଶାରୀରିକ ଥକ୍କା ଦୂର ହୁଏ। ତେବେ ବ୍ୟାୟାମ ପରେ ୨୦ ମିନିଟ୍ ପର୍ଯ୍ୟନ୍ତ ରେଷ୍ଟ୍ ନେବା ଲାଭଦାୟକ ହୋଇଥାଏ।

କିନ୍ତୁ କିଛି ଲୋକ ଗଭୀର ନିଦରେ ଶୋଇ ପଡ଼ନ୍ତି। ଏହି କାରଣରୁ ସେମାନଙ୍କର ରାତିର ନିଦ ପ୍ରଭାବିତ ହେବାକୁ ଲାଗେ। ସେମାନେ ଆଉ ରାତିସାରା ଶୋଇପାରନ୍ତି ନାହିଁ ଏବଂ ବ୍ୟାୟାମ କରିବା ପରେ ମଧ୍ୟ ସେମାନେ ଦିନସାରା ଥକ୍କା ଅନୁଭବ କରନ୍ତି। ଫଳରେ ସେମାନେ କାମଧନ୍ଦାରେ ମନ ଦେଇ ପାରନ୍ତି ନାହିଁ।

ରାତିରେ ଯଦି ଭଲ ନିଦ ନ ହୁଏ ତେବେ ମସ୍ତିଷ୍କର କାର୍ଯ୍ୟ କରିବାର କ୍ଷମତା ପ୍ରଭାବିତ ହୁଏ। ଯଦି କେହି ନିଜ ଓଜନ କମାଇବା ନେଇ ବ୍ୟାୟାମ କରନ୍ତି, ସେମାନେ ଏପରି କ୍ଷେତ୍ରରେ ସଫଳତା ପାଆନ୍ତି ନାହିଁ। ସେମାନଙ୍କର ମାନସିକ ସ୍ୱାସ୍ଥ୍ୟ ମଧ୍ୟ ଖରାପ ହୋଇପାରେ।

ବ୍ୟାୟାମ ପରେ ଷ୍ଟ୍ରେଚିଂ:

ଅଧିକାଂଶ ଲୋକ ବ୍ୟାୟାମ ପୂର୍ବରୁ ୱାର୍ମ ଅପ୍ କରନ୍ତି କିନ୍ତୁ ବ୍ୟାୟାମ କରିବା ପରେ ଷ୍ଟ୍ରେଚିଂ କରନ୍ତି ନାହିଁ। ପ୍ରତ୍ୟେକ ବ୍ୟାୟାମ ପରେ ଷ୍ଟ୍ରେଚିଂ କରିବା ଆବଶ୍ୟକ। ଏହା ମାଂସପେଶୀକୁ ଆରାମ ଦେବାରେ ସାହାଯ୍ୟ କରିଥାଏ ଏବଂ ବ୍ୟକ୍ତି ଗଭୀର ନିଦରୁ ରକ୍ଷା ପାଇଥାଏ। ଏହା କରିବା ପରେ ଯଦି ଆପଣଙ୍କୁ ଗଭୀର ନିଦ ଲାଗୁଛି ତେବେ ନିଶ୍ଚିତ ଭାବରେ ଡାକ୍ତରଙ୍କ ସହିତ ପରାମର୍ଶ କରନ୍ତୁ।

ସାମର୍ଥ୍ୟ ଅନୁଯାୟୀ ବ୍ୟାୟାମ:

ପ୍ରତ୍ୟେକ ବ୍ୟକ୍ତିଙ୍କର ନିଜର କ୍ଷମତା ଥାଏ। ଯଦି ସେମାନେ ଏହାଠାରୁ ଅଧିକ ବ୍ୟାୟାମ କରନ୍ତି, ତେବେ ସେମାନେ ଶୀଘ୍ର ଥକ୍କା ଅନୁଭବ କରନ୍ତି। ତେଣୁ, ସବୁବେଳେ ନିଜର ସାମର୍ଥ୍ୟ ଅନୁଯାୟୀ ବ୍ୟାୟାମ କରନ୍ତୁ।

ଏହି କ୍ଷମତା ପ୍ରତ୍ୟେକ ବ୍ୟକ୍ତିଙ୍କ ଫିଟ୍‌ନେସ୍ ସ୍ତର, ଖାଦ୍ୟ, ହାଇଡ୍ରେସନ୍, ସମୟ, ଚିକିତ୍ସା ଅବସ୍ଥା ଏବଂ ବୟସ ଅନୁଯାୟୀ ଭିନ୍ନ ହୋଇପାରେ। ଏମିତିରେ ଦିନକୁ ୩୦ ରୁ ୪୦ ମିନିଟ୍ ବ୍ୟାୟାମ କରିବା ଯଥେଷ୍ଟ।

ଅଧିକ ପଢ଼ନ୍ତୁ:  ଆପଣ ଗ୍ୟାସ୍ ଏବଂ ବଦହଜମୀ ଭଳି ସମସ୍ୟାରେ ଘାଣ୍ଟି ହେଉଛନ୍ତି କି… କରନ୍ତୁ ଏହି ୩ ଆସନ