ଅଏଲ ଇଣ୍ଡିଆ ଲିମିଟେଡ୍ରେ ଅଏଲ ଇଣ୍ଡିଆ ଗ୍ରେଡ୍ III/V ପଦବୀରେ ଆବେଦନ ଗ୍ରହଣ କରୁଛି। ଏହି ପଦବୀରେ ନିଯୁକ୍ତି ପାଇଁ ଅନଲାଇନ୍ ମାଧ୍ୟମରେ ଆବେଦନ କରାଯିବ। ଯେଉଁ ପ୍ରାର୍ଥୀମାନେ ଚାକିରି କରିବା ପାଇଁ ଇଛୁକ, ସେମାନେ ଅଏଲ ଇଣ୍ଡିଆ ଲିମିଟେଡର ଅଫିସିଆଲ ୱେବସାଇଟକୁ ଯାଇ ଆବେଦନ କରିପାରିବେ ।
Also Read
ଅଏଲ ଇଣ୍ଡିଆ ଲିମିଟେଡ୍ରେ ମୋଟ୍ ୬୨ଟି ପଦବୀ ପାଇଁ ଆବେଦନ ଗ୍ରହଣ କରୁଛି ।ଗ୍ରେଡ V ପାଇଁ ୪୬ଟି ପଦବୀ ଓ ଗ୍ରେଡ III ପାଇଁ ୧୬ଟି ପଦବୀ ବିଜ୍ଞପ୍ତି ପ୍ରକାଶ ପାଇଛି । ଆବେଦନ କରିବାର ଜରୁରୀ ତାରିଖ ୧ ଫେବୃଆରୀ ୨୦୨୨ରୁ ଆରମ୍ଭ ହୋଇଥିବା ବେଳେ ଶେଷ ୨୫ ଫେବୃଆରୀ ୨୦୨୨ ହେବ।
ଶିକ୍ଷାଗତ ଯୋଗ୍ୟତା ଓ ବୟସ ସୀମା:
ଟେକ୍ନସିଆନ ଅପରେଣ୍ଟିସ ପାଇଁ କୌଣସି ମାନ୍ୟତାପ୍ରାପ୍ତ ବୋର୍ଡରୁ +୨ ପାସ୍ କିମ୍ବା ଗ୍ରାଜୁଏସନ ଡିଗ୍ରୀ ରହିଥିବା ଜରୁରୀ। ଏହାସହିତ କାର୍ଯ୍ୟ ସମ୍ବନ୍ଧୀୟ ଅନୁଭବ ହେବା ମଧ୍ୟ ଜରୁରୀ। ଭିନ୍ନ ଭିନ୍ନ ପଦବୀ ପାଇଁ ଭିନ୍ନ ଭିନ୍ନ ବୟସ ସୀମା ନିର୍ଦ୍ଧାରଣ କରାଯାଇଛି।
ଦରମା:
ଗ୍ରେଡ V- ୩୨,୦୦୦-୧,୨୭,୦୦୦ ଟଙ୍କା ରହିଥିବା ବେଳେ ଗ୍ରେଡ III – ୨୬,୬୦୦-୯୦,୦୦୦ ଟଙ୍କା ରହିଛି ।
ଆବେଦନ ଶୁଳ୍କ ଓ ଚୟନ ପ୍ରକ୍ରିୟା:
ସାଧାରଣ ବର୍ଗ/ ଓବିସି ବର୍ଗର ପ୍ରାର୍ଥୀ ୨୦୦ ଟଙ୍କା ଦେବାକୁ ହେବ । ସେହିପରି ଅନ୍ୟ ପ୍ରାର୍ଥୀମାନେ ନିଶୁଳ୍କ ଆବେଦନ କରିପାରିବେ। ପ୍ରାର୍ଥୀଙ୍କ ଚୟନ କମ୍ପ୍ୟୁଟର ପରୀକ୍ଷା ଆଧାରରେ କରାଯିବ।
କିପରି କରିବେ ଆବେଦନ:
- ପ୍ରଥମେ ଅଫିସିଆଲ ୱେବସାଇଟକୁ ଯାଆନ୍ତୁ।
- ଏହାପରେ ଆପ୍ଲାଏ ଲିଙ୍କ ଉପରେ କ୍ଲିକ କରନ୍ତୁ।
- ଏହାପରେ ନିଜର ବ୍ୟକ୍ତିଗତ ବିବରଣୀ ବା ନିଜର ବାୟୋଡାଟା ଭରିବା ପରେ ସବମିଟ୍ କରନ୍ତୁ।
- ଆବେଦନ ଶୁଳ୍କ ଭରନ୍ତୁ ଏବଂ ତା’ ପରେ ସବମିଟ୍ ବଟନ କ୍ଲିକ କରନ୍ତୁ।
- ଫର୍ମର ଏକ କପି ଡାଉନଲୋଡ କରି ନିଜ ପାଖରେ ରଖନ୍ତୁ।