ବ୍ରିଟେନ୍: କୁହାଯାଏ, ପ୍ରେମ ମଣିଷକୁ ଅନ୍ଧ କରିଦିଏ। ଏହିଭଳି ଏକ ଘଟଣା ଘଟିଛି ଜଣେ ମହିଳାଙ୍କ ସହିତ। ଉକ୍ତ ମହିଳା ଜଣଙ୍କ ଜଣେ ବ୍ୟକ୍ତିଙ୍କୁ ଏପରି ଅନ୍ଧ ଭାବେ ଭଲ ପାଉଥିଲେ ଯେ ତାଙ୍କୁ ନ ଦେଖି ଜୀବନା ସାରା କମେଇଥିବା ସବୁ କିଛି ତାଙ୍କୁ ଅର୍ପଣ କରିଦେଇଥିଲେ। ଏହା ପରେ ସେହି ବ୍ୟକ୍ତି ଜଣଙ୍କ ନା ତାଙ୍କୁ ଭେଟିବାକୁ ଆସିଛନ୍ତି ନା ତାଙ୍କ ସହ କେବେ କଥା ହେଇଛନ୍ତି। ଏହି ଘଟଣା ଘଟିଛି ବ୍ରିଟେନ୍ର ଜଣେ ମହିଳାଙ୍କ ସହିତ।
ଡେଲି ମେଲ୍ର ରିପୋର୍ଟ ଅନୁଯାୟୀ, ବ୍ରିଟେନ୍ର ସୋଫିଆ ସୋରି ନାମକ ଜଣେ ମହିଳାଙ୍କ ସହ ୪୨,୬୦୦ ପାଉଣ୍ଡ ଅର୍ଥାତ ଭାରତୀୟ ମୁଦ୍ରାରେ ପ୍ରାୟ ୩୧,୭୮,୬୪୧ ଟଙ୍କା ଠକେଇ ହୋଇଛି। ସେ ପ୍ରକୃତରେ ଏକ ଉଚ୍ଚ ହାଇପ୍ରୋଫାଇଲ୍ ଠକେଇର ଶିକାର ହୋଇଛନ୍ତି। ସେ ଏକ ଡେଟିଂ ଆପ୍ ମାଧ୍ୟମରେ ସାକ୍ଷାତ କରିଥିବା ଜଣେ ବ୍ୟକ୍ତିଙ୍କ ସହିତ ଭବିଷ୍ୟତର ସ୍ୱପ୍ନ ଦେଖୁଥିଲେ। ଏହି ସମୟରେ, ସୋଫିଆ ମଧ୍ୟ ତାଙ୍କ କଷ୍ଟ ଉପାର୍ଜିତ ଟଙ୍କା ବିନିଯୋଗ କରିଥିଲେ, କିନ୍ତୁ ଜାଣିବାକୁ ମିଳିଥିଲା ଯେ ଏହି ବିନିଯୋଗ ଏକ ଜାଲିଆତି ଥିଲା।
Also Read
୩୬ ବର୍ଷିୟ ସୋଫିଆ ସୋରି ଡେଟିଂ ମାଧ୍ୟମରେ ଜର୍ଜ ୱିଲିୟମ୍ସ ନାମକ ଜଣେ ୩୮ ବର୍ଷିୟ ନିବେଶକଙ୍କୁ ଭେଟିଥିଲେ। ଉଭୟଙ୍କ ମଧ୍ୟରେ ଅନେକ କିଛି ଘଟିବାକୁ ଲାଗିଲା। ସୋଫିଆ ଜର୍ଜଙ୍କ ଆକର୍ଷଣୀୟ ଶୈଳୀକୁ ଏତେ ପସନ୍ଦ କଲେ ଯେ ସେ ଧୀରେ ଧୀରେ ତାଙ୍କ ଉପରେ ସମ୍ପୂର୍ଣ୍ଣ ବିଶ୍ୱାସ କରିବା ଆରମ୍ଭ କଲେ । ନିଜକୁ ଜଣେ ବ୍ୟବସାୟୀ ଭାବରେ ବର୍ଣ୍ଣନା କରୁଥିବା ଜର୍ଜ ଦିନେ ସୋଫିଆଙ୍କୁ ତାଙ୍କ ଅର୍ଥକୁ ସଞ୍ଚୟ କରିବାକୁ କହିଥିଲେ। ଏହା ତାଙ୍କ ସଞ୍ଚୟକୁ ଦ୍ୱିଗୁଣିତ କରିବ ବୋଲି ଲୋଭ ମଧ୍ୟ ଦେଖେଇ ଥିଲେ। ପ୍ରଥମେ ସୋଫିଆ ଏହାକୁ ବିଶ୍ୱାସ କରି ନ ଥିଲେ, କିନ୍ତୁ ପରେ ପ୍ରେମିକଙ୍କ ଅନୁରୋଧ ଅନୁଯାୟୀ ସେ ତାଙ୍କ ଟଙ୍କା ବିନିଯୋଗ କରିଥିଲେ। ୨୪ ଘଣ୍ଟା ପରେ ଜଣାପଡିଲା ଯେ ତାଙ୍କ ଟଙ୍କା ତ ଚାଲିଯାଇଛି, ତା’ ସହିତ ସେ ଯାହାକୁ ଅନ୍ଧଭାବେ ପ୍ରେମ କରି ବିଶ୍ୱାସ ରଖିଥିଲେ ସେ ବି ଗାୟବ ହୋଇଯାଇଛି।
ସୋଫିଆଙ୍କ ଠକ ପ୍ରେମିକ ଜର୍ଜ ୱିଲିୟମ୍ସ ତାଙ୍କୁ ଆନ୍ତର୍ଜାତୀୟ କ୍ରିପ୍ଟୋକରେନ୍ସି ପ୍ଲାଟଫର୍ମ ବିନାନ୍ସରେ ଅର୍ଥ ବିନିଯୋଗ କରିବାକୁ କହିଥିଲେ। ଯେତେବେଳେ ସୋଫିଆ ପ୍ରେମିକର ନିର୍ଦ୍ଦେଶରେ ତାଙ୍କ ଟଙ୍କା ରଖିଥିଲେ, ୨୪ ଘଣ୍ଟା ପରେ, ନା ଜର୍ଜ ୱିଲିୟମ୍ସ ନାମକ କୌଣସି ବ୍ୟକ୍ତି ପ୍ଲାଟ୍ଫର୍ମରେ ଥିଲେ ନା ସୋଫିଆଙ୍କ ଟଙ୍କା ବାକି ଥିଲା। ଏହାପୂର୍ବରୁ ଜର୍ଜ ନାମକ ଜଣେ ଠକ ସୋଫିଆଙ୍କୁ ତାଙ୍କ ଗର୍ଭବତୀ ଗର୍ଲଫ୍ରେଣ୍ଡର ମୃତ୍ୟୁର ମିଥ୍ୟା କାହାଣୀ କହିଥିଲେ ଏବଂ ତାଙ୍କ ପିଲାଦିନର କିଛି ଫଟୋ ମଧ୍ୟ ପଠାଇଥିଲେ। ଯେତେବେଳେ ସୋଫିଆ ତାଙ୍କୁ ଭେଟିବାକୁ କହୁଥିଲେ, ସେ ପ୍ରତ୍ୟେକ ଥର ଏ କଥାକୁ ଏଡେଇ ଦେଉଥିଲେ।
ବିନାନ୍ସ କମ୍ପାନୀ ମଧ୍ୟ ଏହି ପ୍ରସଙ୍ଗରେ କହିଛି ଯେ ଆଇନଗତ ଅଭିଯୋଗ ପରେ ସେମାନେ ଏହାର ଅନୁସନ୍ଧାନ କରିବେ। ଏହି ଘଟଣା ପରେ ସୋଫିଆ ଏହା ମଧ୍ୟ କହିଛନ୍ତି ଯେ ସେ ଆଉ ଡେଟିଂ ଆପ୍କୁ ଯିବାକୁ ସାହସ କରିବେ ନାହିଁ।