ଋଷରେ ପୁଟିନ୍‌ଙ୍କ ପ୍ରେମ କାହାଣୀକୁ ନେଇ ଚର୍ଚ୍ଚା, ଗୁପ୍ତ ସନ୍ତାନ ଲୁଇଜ୍‌ର ଫଟୋ ଭାଇରାଲ !

ଲୁଇଜ ରୋଜୋଭା ଏବେ ଟିନ୍‌ ଏଜ୍‌ରେ ଅଛନ୍ତି। ଆଉ ସେ ରାଷ୍ଟ୍ରପତି ଭ୍ଲାଦିମିର ପୁଟିନଙ୍କ ହୋମ୍‌ଟାଉନ୍‌ ସେଣ୍ଟ ପିଟର୍ସବର୍ଗରେ ରୁହନ୍ତି। ତାଙ୍କୁ ଋଷର ଗଣମାଧ୍ୟମ ସବୁବେଳେ ଭ୍ଲାଦିମିର ପୁଟିନଙ୍କ ସିକ୍ରେଟ୍ ଚାଇଲ୍ଡ ଭାବରେ ଉପସ୍ଥାପନ କରିଥାନ୍ତି । ଏଭଳି ଗୁଜବ କାରଣରୁ ତାଙ୍କ ଜୀବନରେ ଅନେକ ପ୍ରଭାବ ପଡ଼ିଛି । ଏହି କାରଣରୁ ସେ ପ୍ରାୟତଃ ସର୍ବସାଧାରଣ ସ୍ଥାନରୁ ଦୂରେଇ ରୁହନ୍ତି ।

Putin's Secret Child

ଲୁଇଜ୍ ରୋସୋଭା ଏବେ ଅଧ୍ୟୟନ କରୁଛନ୍ତି । ସେ ଜଣେ ସାଧାରଣ କ୍ଲିନର୍‌ରୁ ମଲ୍ଟିମିଲିନିୟର ବ୍ୟବସାୟୀ ପାଲିଟିଥିବା ଶ୍ୱେତଲାନା କ୍ରିଭୋନୋଗିଖଙ୍କ ଝିଅ। ୪୫ ବର୍ଷୀୟ ଶ୍ୱେତଲାନା ଏବେ ଋଷ ବ୍ୟାଙ୍କର ଏକ ପାର୍ଟନର ରହିଛନ୍ତି। ତାଙ୍କୁ ଭ୍ଲାଦିମିର ପୁଟିନଙ୍କ ଗର୍ଲଫ୍ରେଣ୍ଡ ବୋଲି ମଧ୍ୟ କୁହାଯାଏ ।

Putin's Secret Child

ଏବେ ଲୁଇଜ୍ ରୋଜୋଭାଙ୍କ ମାଆ ଶ୍ୱେତଲାନାଙ୍କ ପାଖରେ ୩.୧ ମିଲିୟନ୍‌ର ମୋନୈକା ମେନ୍‌ସନ୍‌ ରହିଛି । ସେ ଅତ୍ୟନ୍ତ ବିଳାସପୂର୍ଣ୍ଣ ଜୀବନଯାପନ କରନ୍ତି । ସେ କେବେ ତାଙ୍କ ଝିଅ ଲୁଇଜ୍‌ଙ୍କ ବାପା ପୁଟିନ୍‌ ବୋଲି କହିନାହାନ୍ତି। କିନ୍ତୁ ଲୁଇଜ୍‌ଙ୍କ ମୁହଁର ଗଢ଼ଣ ଅବିକଳ ପୁଟିନଙ୍କ ଭଳି ରହିଛି । ତେଣୁ ତାଙ୍କୁ ପୁଟିନ୍‌ଙ୍କ ସିକ୍ରେଟ୍‌ ଚାଇଲ୍ଡ ବୋଲି ଋଷୀୟ ଗଣମାଧ୍ୟମଗୁଡ଼ିକ ବିବେଚନା କରୁଛନ୍ତି।

Putin's Secret Child

ଭ୍ଲାଦିମିର ପୁଟିନ ଏହି ପ୍ରସଙ୍ଗ ନେଇ ସର୍ବସାଧାରଣରେ କେବେ ବି କିଛି କହିନାହାଁନ୍ତି । କିନ୍ତୁ ଶ୍ୱେତଲାନା ସ୍ୱୀକାର କରିଛନ୍ତି ଯେ, ପୁଟିନ୍‌ ଚେହେରା ସହ ଲୁଇଜ୍‌ଙ୍କ ଗଢ଼ଣ କିଛି ମାତ୍ରାରେ ମିଶୁଥାଇପାରେ। ଲୁଇଜ୍‌ ଏବେ ସୋସିଆଲ ମିଡିଆରେ ଖୁବ୍‌ ଚର୍ଚ୍ଚାରେ ରହିଛନ୍ତି । ଇନ୍‌ଷ୍ଟାଗ୍ରାମ୍‌ରେ ତାଙ୍କ ଫଲୋୟର୍‌ ସଂଖ୍ୟା ୮୪ ହଜାରରେ ପହଞ୍ଚିଲାଣି।

Putin's Secret Child

ୟୁକ୍ରେନ ଏବଂ ଋଷ ମଧ୍ୟରେ ଚାଲିଥିବା ଯୁଦ୍ଧ ସମୟରେ ଲୁଇଜଙ୍କୁ ନେଇ ଚର୍ଚ୍ଚା ଜୋର ହେଉଛି । କିନ୍ତୁ ଦେଖିବାକୁ ଗଲେ ପୁଟିନଙ୍କ ସହ ଲୁଇଜ୍‌ଙ୍କର କୌଣସି ପ୍ରତ୍ୟକ୍ଷ ସମ୍ପର୍କ ନାହିଁ ତଥାପି ତାଙ୍କୁ ଟ୍ରୋଲ କରିବା ଛାଡି ନାହାଁନ୍ତି ସୋସିଆଲ ମିଡିଆ ୟୁଜର୍ସ । କେହି କେହି ତାଙ୍କ ଆକାଉଣ୍ଟରେ ଲେଖିଛନ୍ତି - 'ହତ୍ୟାକାରୀର ଝିଅ, ଯୁଦ୍ଧ ଅପରାଧୀ, ମାନସିକ ରୋଗୀ ଏବଂ ଡ୍ରଗ୍ ଆଡିକ୍ଟର ଝିଅ'।

Putin's Secret Child

ଲୁଇଜ୍‌ଙ୍କୁ ନେଇ ଭୁଲ୍‌ ଚର୍ଚ୍ଚା କରାଯାଉଥିବାରୁ ଅନେକ ଏହାକୁ ନିନ୍ଦା ମଧ୍ୟ କରିଛନ୍ତି । କିଛି ଲୋକ ଲେଖିଛନ୍ତି ଯେ, ତାଙ୍କୁ ଏନେଇ କିଛି କହିବା ଆବଶ୍ୟକ ନାହିଁ । କାରଣ ଏଥିରେ ତାଙ୍କର କିଛି ଭୁଲ ନାହିଁ । ସେପଟେ ଲୁଇଜ ମଧ୍ୟ ଏନେଇ କୌଣସି ପ୍ରତିକ୍ରିୟା ରଖି ନାହାନ୍ତି । କିନ୍ତୁ ସୋସିଆଲ ମିଡିଆରେ ସେ ନିଜର ବିଳାସପୂର୍ଣ୍ଣ ଲାଇଫ୍‌ଷ୍ଟାଇଲ ଫଟୋ ସବୁବେଳେ ପୋଷ୍ଟ କରୁଛନ୍ତି ।