ଆଫଗାନୀ ଶରଣାର୍ଥୀଙ୍କୁ ରୋକିବାକୁ ତୁର୍କୀର ପ୍ରାଚୀର ନିର୍ମାଣ

ତୁର୍କୀ : ଆଫଗାନିସ୍ତାନ ଉପରେ ତାଲିବାନର ଦଖଲ ପରେ ହଜାର ହଜାର ଲୋକ ଦେଶ ଛାଡିବାକୁ ଚାହୁଁଛନ୍ତି। ଏଭଳି ପରିସ୍ଥିତିରେ ତୁର୍କୀ ଆଫଗାନିସ୍ତାନ ଶରଣାର୍ଥୀଙ୍କ ଆଗମନକୁ ଭୟ କରୁଛି। ତେଣୁ ଆଫଗାନିସ୍ତାନରୁ ଆସୁଥିବା ଶରଣାର୍ଥୀଙ୍କୁ ରୋକିବା ପାଇଁ ତୁର୍କୀ ଇରାନ ସୀମାରେ ଏକ ପ୍ରାଚୀର ନିର୍ମାଣ କରୁଛି। ତୁର୍କୀ ଏହାର ଇରାନ ସୀମାରେ ୨୯୫ କିଲୋମିଟର ଲମ୍ବର କାନ୍ଥ ନିର୍ମାଣ କରିବାକୁ ଲକ୍ଷ୍ୟ ରଖିଛି। ବର୍ତ୍ତମାନ ୫ କିଲୋମିଟର କାମ ବାକି ଅଛି। ତୁର୍କୀରେ ପୂର୍ବରୁ ଲକ୍ଷ ଲକ୍ଷ ସିରିଆ ଶରଣାର୍ଥୀ ବାସ କରୁଛନ୍ତି।

ତୁର୍କୀର ପ୍ରାଚୀର ନିର୍ମାଣ

ଆଫଗାନିସ୍ତାନରେ ତାଲିବାନର ହିଂସା ବୃଦ୍ଧି ସତ୍ତ୍ୱେ ତୁର୍କୀ କାବୁଲ ବିମାନବନ୍ଦର ଚଳାଇବାକୁ ପ୍ରସ୍ତୁତ। ଆଫଗାନିସ୍ତାନରୁ ବିଦେଶୀ ସୈନ୍ୟ ପ୍ରତ୍ୟାହାର ପରେ କାବୁଲ ଅନ୍ତର୍ଜାତୀୟ ବିମାନବନ୍ଦରର ତଦାରଖ କରିବ ବୋଲି ସେ କହିଛି। ତୁର୍କୀ ଅଧିକାରୀମାନେ ତାଲିବାନର ବଢୁଥିବା ଦଖଲକୁ ତଦାରଖ କରୁଛନ୍ତି ବୋଲି ପୂର୍ବରୁ କହିଛନ୍ତି।

Also Read

ତାଲିବାନୀଙ୍କ ହାତରେ ଅଧିକ ସୁରକ୍ଷିତ କାବୁଲ୍‌: ଋଷିଆ

’ଘରେ ଅପେକ୍ଷା କରିଛି, ତାଲିବାନୀ ଆସି ମୋତେ ଓ ପରିବାରକୁ ମାରି ଦିଅନ୍ତୁ’

ଅଶରଫ ଘନିଙ୍କୁ ଟାର୍ଗେଟ କଲେ ବାଇଡେନ: କହିଲେ, କଠିନ ସମୟରେ ଦେଶ ଛାଡ଼ି ପଳାଇଗଲେ

ଆଫଗାନିସ୍ତାନରେ ତାଲିବାନର କାର୍ଯ୍ୟକଳାପ ବୃଦ୍ଧି ପାଉଥିବାରୁ ବହୁ ସଂଖ୍ୟକ ଆଫଗାନୀ ଅନେକ ଦେଶରେ ଆଶ୍ରୟ ନେଉଛନ୍ତି। କେତେକ ଆଫଗାନୀ ତୁର୍କୀକୁ ମଧ୍ୟ ପଳାୟନ କରିଛନ୍ତି। ଆଫଗାନିସ୍ତାନରେ ଏହି ସଙ୍କଟକୁ ନେଇ ମିଳିତ ଜାତିସଂଘ ମଧ୍ୟ ଚିନ୍ତିତ। ଜାତିସଂଘର ସେକ୍ରେଟେରୀ ଜେନେରାଲ୍ ଆଣ୍ଟୋନିଓ ଗୁଟେରସ୍ ଆଫଗାନିସ୍ତାନ ସାଧାରଣ ନାଗରିକଙ୍କ ଜୀବନ ଓ ମାନବିକ ସହାୟତା ପ୍ରଦାନରେ ତାଲିବାନ ଏବଂ ଅନ୍ୟ ସମସ୍ତ ଦଳ ସଂଯମତା ଆଣିବାକୁ ଆହ୍ୱାନ କରିଛନ୍ତି।

ଏଥି ସହିତ ଜାତିସଂଘର ମୁଖପାତ୍ର ଷ୍ଟିଫେନ ଡୁଜାରିକ୍ କହିଛନ୍ତି ଯେ ଶାନ୍ତିପୂର୍ଣ୍ଣ ସମାଧାନ ପାଇଁ ମିଳିତ ଜାତିସଂଘ ସଂକଳ୍ପବଦ୍ଧ, ସମସ୍ତ ଆଫଗାନୀ ବିଶେଷ କରି ମହିଳା ଏବଂ ଯୁବତୀଙ୍କ ମାନବିକ ଅଧିକାରର ସୁରକ୍ଷା ତଥା ଆବଶ୍ୟକ ସାଧାରଣ ନାଗରିକଙ୍କ ଜୀବନ ରକ୍ଷାକାରୀ ମାନବିକ ସହାୟତା ପ୍ରଦାନ କରିବାକୁ ସ୍ଥିର ହୋଇଛି।

ତୁର୍କୀର ପ୍ରାଚୀର ନିର୍ମାଣ

ଓସିଏଚ୍‌ଏ ନାମରେ ପରିଚିତ ଏହି କାର୍ଯ୍ୟାଳୟ ରବିବାର ଏକ ବିବୃତ୍ତିରେ କହିଛି ଯେ ଚଳିତ ବର୍ଷ ୫,୫୦,୦୦୦ରୁ ଅଧିକ ଲୋକ ବିସ୍ଥାପିତ ହୋଇଥିବାବେଳେ ୫,୫୦,୦୦୦ ଲୋକ ସହାୟତା ପାଇଁ ପଡି ରହିଛନ୍ତି। ମେ ମାସରୁ ଏହି ସଂଖ୍ୟା ଦ୍ୱିଗୁଣିତ ହୋଇଛି।