LIVE TV
ମିଳିତ ଜାତିସଂଘର ବିଶ୍ୱ ଖାଦ୍ୟ କାର୍ଯ୍ୟକ୍ରମ (WFP) ଅନୁଯାୟୀ ସଙ୍କଟଗ୍ରସ୍ତ ଶ୍ରୀଲଙ୍କାରେ ୬୦ ଲକ୍ଷରୁ ଅଧିକ ଲୋକ ଖାଦ୍ୟଜନିତ ଅସୁରକ୍ଷିତ ଅଛନ୍ତି। WFP ରିପୋର୍ଟରେ କୁହାଯାଇଛି ଯେ ଚଳିତ ବର୍ଷ ଡିସେମ୍ବର ସୁଦ୍ଧା ଦେଶର ୩୦ ଲକ୍ଷ ଲୋକଙ୍କୁ ଜରୁରୀକାଳୀନ ଖାଦ୍ୟ, ପୋଷଣ ଏବଂ ସ୍କୁଲ ଖାଦ୍ୟ ଯୋଗାଇବା ପାଇଁ ଲକ୍ଷ୍ୟ ଧାର୍ଯ୍ୟ କରାଯାଇଛି। ଶ୍ରୀଲଙ୍କାରେ ଖାଦ୍ୟ ସଙ୍କଟ ଯୋଗୁଁ ଲୋକମାନେ ଭୋକରେ ପୀଡିତ ଅଛନ୍ତି। ବିଶେଷ କରି ଶିଶୁ ଏବଂ ଗର୍ଭବତୀ ମହିଳାଙ୍କ ଅବସ୍ଥା ସଙ୍କଟଜନକ ଅଛି।
ଜାତିସଂଘର WFP ଶ୍ରୀଲଙ୍କାର ଦେଶ ନିର୍ଦ୍ଦେଶକ ଅବଦୁର ରହୀମ ସିଦ୍ଦିକି କହିଛନ୍ତି ଯେ ପ୍ରାଥମିକ ଅନୁସନ୍ଧାନ ଅନୁଯାୟୀ ୬୦ ଲକ୍ଷରୁ ଅଧିଲ ଲୋକ ଖାଦ୍ୟଜନିତ ଅସୁରକ୍ଷିତ ଅଛନ୍ତି। ସେ କହିଛନ୍ତି ଯେ ସ୍ୱାଧୀନତା ପରଠାରୁ ବର୍ତ୍ତମାନ ଦେଶର ଅର୍ଥନୀତି ସବୁଠାରୁ ଖରାପ ଖାଦ୍ୟ ସଙ୍କଟ ଦେଇ ଗତି କରୁଛି ଏବଂ ଆସନ୍ତା କିଛି ମାସ ମଧ୍ୟରେ ମୁଦ୍ରାସ୍ଫୀତି ବୃଦ୍ଧି ପାଇବ ବୋଲି ଆଶା କରାଯାଉଛି।
ସିଦ୍ଦିକି କହିଛନ୍ତି, “ଶ୍ରୀଲଙ୍କା ସ୍ୱାଧୀନତା ପରଠାରୁ ଏକ ଗୁରୁତର ଖାଦ୍ୟ ସଙ୍କଟର ସମ୍ମୁଖୀନ ହୋଇଛି। ଜୁନ୍ ପର୍ଯ୍ୟନ୍ତ ଖାଦ୍ୟ ମୁଦ୍ରାସ୍ଫୀତି ହାର ୮୦ ପ୍ରତିଶତରୁ ଅଧିକ ରହିଛି ଏବଂ ଆସନ୍ତା ମାସରେ ଏହି ଧାରା ବୃଦ୍ଧି ପାଇବ।”
ଏକ ଅଧ୍ୟୟନ ଅନୁଯାୟୀ, ଜନସଂଖ୍ୟାର ଏକ ଚତୁର୍ଥାଂଶ ଲୋକ ଖାଦ୍ୟଜନିତ ନକଲ ପ୍ରଣାଳୀ ଗ୍ରହଣ କରୁଛନ୍ତି। ଏହ ଦ୍ୱାରା ସେମାନେ ନିଜ ଖାଦ୍ୟର ପରିମାଣ କମଉଛନ୍ତି ନଚେତ ନିଜ ପରିବାରର ଛୋଟ ପିଲାଙ୍କୁ ଦେଇ ସେମାନେ ଖାଦ ଛାଡୁଛନ୍ତି।
ସିଦ୍ଦିକି କହିଛନ୍ତି ଯେ ଯେହେତୁ ଆମେ ସମସ୍ତେ ଜାଣୁ ଋଷ୍-ୟୁକ୍ରେନ୍ ଯୁଦ୍ଧ ବିଶ୍ୱ ପାଇଁ ଖାଦ୍ୟ ଜରୁରୀକାଳୀନ ପରିସ୍ଥିତିକୁ ବଢାଇ ଦେଇଛି। ପୂର୍ବ ୟୁରୋପରେ ଯୁଦ୍ଧ ଏକ କାରଣ ହୋଇପାରେ ଏବଂ ଶ୍ରୀଲଙ୍କାରେ ବର୍ତ୍ତମାନ ଖାଦ୍ୟ ସଂକଟ ନେଇ ସେ ଅନ୍ତରାଷ୍ଟ୍ରୀୟ ସମୁଦାୟଙ୍କ ଧ୍ୟାନ ଆକର୍ଷଣ ନେଇ ଆଗ୍ରହ ଦେଖେଇଛନ୍ତି।
ଚଳିତ ମାସରେ WFP ର ସର୍ବଶେଷ ଖାଦ୍ୟ ନିରାପତ୍ତା ଆକଳନ ଅନୁଯାୟୀ ପ୍ରାୟ ୬୨ ଲକ୍ଷ ଶ୍ରୀଲଙ୍କାବାସୀ ବା ୧୦ ଟି ପରିବାର ମଧ୍ୟରୁ ତିନି ପରିବାର ସେମାନଙ୍କ ପରବର୍ତ୍ତୀ ଖାଦ୍ୟ କେଉଁଠୁ ଆସିବ ତାହାକୁ ନେଇ ଅନିଶ୍ଚିତ।
ରେକର୍ଡ ଖାଦ୍ୟ ମୂଲ୍ୟ ମୁଦ୍ରାସ୍ଫୀତି, ଆକାଶଛୁଆଁ ଇନ୍ଧନ ମୂଲ୍ୟ ଏବଂ ବ୍ୟାପକ ଦ୍ରବ୍ୟର ଅଭାବ ପରେ ପ୍ରାୟ ୬୧ ପ୍ରତିଶତ ପରିବାର ନିୟମିତ ଭାବରେ ଖର୍ଚ୍ଚ ହ୍ରାସ କରିବା ଆରମ୍ଭ କରିଛନ୍ତି। ଏନେଇ ସେମାନେ ଖାଉଥିବା ଖାଦ୍ୟର ପରିମାଣ ହ୍ରାସ କରିବା ସହ କମ୍ ପୁଷ୍ଟିକର ଖାଦ୍ୟ ଖାଇବା ଆରମ୍ଭ କରିଛନ୍ତି।
ମିଳିତ ଜାତିସଂଘର ଖାଦ୍ୟ ରିଲିଫ୍ ଏଜେନ୍ସି ଆକଳନ କରିଛି ଯେ ସଙ୍କଟ ଆହୁରି ଗମ୍ଭୀର ହେବା ସହିତ ଅଧିକ ଲୋକ ଏହି ମୁକାବିଲା ରଣନୀତିକୁ ଆପଣେଇବେ। ଜଣେ ମହିଳା WFP କୁ କହିଛନ୍ତି, "ଆଜିକାଲି ଆମ ପାଖରେ ଆବଶ୍ୟକ ଖାଦ୍ୟ ନାହିଁ, କେବଳ ଭାତ ଆଉ ଗ୍ରେଭି ଖାଉଛୁ।"
ଡବ୍ଲୁଏଫ୍ପି ଚେତାବନୀ ଦେଇଛି ଯେ ପୋଷଣର କମ କାରଣରୁ ଗର୍ଭବତୀ ମହିଳାଙ୍କ ପାଇଁ ଗୁରୁତର ସମସ୍ୟା, ଯାହା ସେମାନଙ୍କ ପିଲାମାନଙ୍କ ସ୍ୱାସ୍ଥ୍ୟ ପ୍ରତି ବିପଦ ରହିଛି। ଡବ୍ଲୁଏଫ୍ପି ଡେପୁଟି ଆଞ୍ଚଳିକ ନିର୍ଦ୍ଦେଶକ ପୂର୍ବରୁ କହିଥିଲେ ଯେ ଗର୍ଭବତୀ ମା’ମାନଙ୍କୁ ପ୍ରତିଦିନ ପୁଷ୍ଟିକର ଖାଦ୍ୟ ଖାଇବା ଆବଶ୍ୟକ ହେଉଛି, କିନ୍ତୁ ଗରୀବ ଲୋକଙ୍କ ପାଇଁ ଏହି ଆବଶ୍ୟକତା ପୂରଣ କରିବା କଷ୍ଟକର ହେଉଛି।
