ସ୍ଲୋଭାକିଆ : ସୌନ୍ଦର୍ଯ୍ୟକୁ କିଏ ବା ଭଲ ନ ପାଏ। ଯଦି ଏହି କ୍ଷେତ୍ରରେ ଜଣେ ନାରୀକୁ ଦେଖାଯାଏ ତେବେ କଥା ତ ଅଲଗା। ସୁନ୍ଦରୀ ନାରୀ ତ ସମସ୍ତଙ୍କର ପସନ୍ଦ। କିନ୍ତୁ ଏ ଦୁନିଆରେ ଏମିତି ଜଣେ ଯୁବତୀ ଅଛନ୍ତି ଯିଏ ନିଜ ସୁନ୍ଦରତା ଯୋଗୁଁ ଗାଳି ଖାଉଛନ୍ତି। ତାଙ୍କ ସୌନ୍ଦର୍ଯ୍ୟ ତାଙ୍କ ପାଇଁ ଅଭିଶାପ ପାଲଟି ଯାଇଛି।
ପୂର୍ବ ୟୁରୋପର ସ୍ଲୋଭାକିଆରେ ରହୁଥିବା ଜଣେ ୨୫ ବର୍ଷର ଯୁବତୀଙ୍କ ପାଇଁ ତାଙ୍କ ସୌନ୍ଦର୍ଯ୍ୟ କାଳ ହୋଇଛି। ଏନେଇ ସେ ଅନେକ ସମସ୍ୟାର ସମ୍ମୁଖିନ ହେଉଛନ୍ତି। ସେ ସୁନ୍ଦର ଦେଖାଯାଉଥିବାରୁ ତାଙ୍କୁ ଗାଳି ଶୁଣିବାକୁ ପଡୁଛି। ତାଙ୍କୁ ଆଡୁସାଡୁ କମେଣ୍ଟ ମଧ୍ୟ କରାଯାଉଛି। ଯୁବକମାନେ ତାଙ୍କ ଠାରୁ ଯଥା ସମ୍ଭବ ଦୂରେଇ ରହୁଛନ୍ତି। ବିଭିନ୍ନ ସୋସିଆଲ୍ ମିଡିଆ ପ୍ଲାଟ୍ଫର୍ମରେ ତାଙ୍କୁ ଟ୍ରୋଲର ଶିକାର ହେବାକୁ ପଡୁଛି।
Also Read
ଏଭଳି ପରିସ୍ଥିତିରେ ସେ ବଡ ସମସ୍ୟାର ମଧ୍ୟ ସମ୍ମୁଖିନ ହେଉଛନ୍ତି। ଏହାକୁ ନେଇ ସେ ଦିନରାତି ଚିନ୍ତାରେ ପଡିଯାଇଛନ୍ତି। ସେ ଭାବୁଛନ୍ତି ଏଥିରେ ତାଙ୍କର କ’ଣ ଭୁଲ ରହିଲା। ଏହି ଯୁବତୀଙ୍କ ନାମ ହେଉଛି ଭେରାନିକା ରାଜେକ୍। ସେ ଜଣେ ଇନ୍ଷ୍ଟାଗ୍ରାମ ମଡେଲ୍। ସେ କହିଛନ୍ତି ଲୋକେ ତାଙ୍କ ବକ୍ଷକୁ ନେଇ ଅଶ୍ଳୀଳ କମେଣ୍ଟ କରୁଛନ୍ତି। ସେମାନେ ଏହାକୁ ଅବାସ୍ତବ ବୋଲି ମନେ କରୁଥିବା ଏହି ଯୁବତୀ କହିଛନ୍ତି। ସେମାନଙ୍କ ଚିନ୍ତାଧାରାକୁ ଖଣ୍ଡନ କରିବା ନେଇ ଭେରାନିକା ଡାକ୍ତରୀ ପ୍ରମାଣ ଦେଖେଇ ଏହା ପ୍ରକୃତୀ ଦତ୍ତ ବୋଲି ଦାବି କରିଛନ୍ତି।
ତାଙ୍କ ସମସ୍ୟା ଏତିକିରେ ଶେଷ ହୋଇଯାଉନି। ସେ ଏତେ ସୁନ୍ଦର ଯେ ତାଙ୍କ ପ୍ରୋଫାଇଲ୍ ଦେଖି ଲୋକେ ବିଶ୍ୱାସ କରିପାରୁ ନାହାନ୍ତି। ସେମାନେ ଭାବୁଛନ୍ତି ଏହି ଫଟୋ ବି ନକଲି। ଅନେକ ଲୋକ ମଧ୍ୟ ଏନେଇ ଅଭିଯୋଗ କରିଛନ୍ତି। ସେମାନେ ଏହାକୁ ଫେକ୍ ପ୍ରୋଫାଇଲ୍ ବୋଲି କହିଛନ୍ତି।
ମିସ୍ ସ୍ଲୋଭାକିଆ ୨୦୧୬ ବ୍ୟୁଟି ପେଜେଣ୍ଟର ଫାଇନାଲରେ ପହଞ୍ଚିଥିବା ଭେରୋନିକା ଏବେ ଇନ୍ଷ୍ଟାଗ୍ରାମରେ ମଡେଲିଂ କରୁଛନ୍ତି। ସେ କହିଛନ୍ତି ଯେ ତାଙ୍କୁ ପ୍ଲାଷ୍ଟିକ୍ ସର୍ଜେରୀ କରିବା ନେଇ ଅନେକ ଧମକ ମଧ୍ୟ ଦେଇଛନ୍ତି। କିନ୍ତୁ ଏସବୁ କଥାକୁ ସେ ଖାତିର କରି ନାହାନ୍ତି, କାରଣ ସେ ଜାଣନ୍ତି ଯେ ସେ କିଛି ଭୁଲ୍ କରି ନାହାନ୍ତି। ଏପରି କି ଅନେକ ମଧ୍ୟ ଭାବନ୍ତି, ଭେରୋନିକା ନାମରେ କୌଣସି ଯୁବତୀ ନାହାନ୍ତି।
ଭେରୋନିକା କୁହନ୍ତି ଯେ ତାଙ୍କ ସହିତ ଅନେକ ଭେଦଭାବପୂର୍ଣ୍ଣ ମନୋଭାବ ମଧ୍ୟ ପୋଷଣ କରାଯାଇଛି। ତାଙ୍କ ଅନ୍ୟ ମହିଳାଙ୍କ ଭଳି ତାକୁ କାମ ମିଳୁନି ବୋଲି ସେ କୁହନ୍ତି। ଲୋକେ ତାଙ୍କୁ ଏକ ଏଆଇ ରୋବର୍ଟ୍ ବା କ୍ୟାଟ୍ଫିସ୍ ବୋଲି ଭାବନ୍ତି
ଅଷ୍ଟ୍ରେଲିଆର ଭିଏନାରେ ରହୁଥିବା ଏହି ମଡେଲ ନିଜ ଇନ୍ଷ୍ଟାଗ୍ରାମ୍ ଆକାଉଣ୍ଟ @veronikarajek ପାଇଁ କଣ୍ଟେଣ୍ଟ ତିଆରି କରିବା ନେଇ କାମ କରୁଛନ୍ତି। ହେଲେ ତାଙ୍କ ଶରୀର ପାଇଁ ତାଙ୍କୁ ଗାଳି ଶୁଣିବାକୁ ପଡୁଛି ବୋଲି ସେ କୁହନ୍ତି। ଲୋକେ କୁହନ୍ତି ଯେ ଏଭଳି କାମ ସୁନ୍ଦର ଯୁବତୀମାନଙ୍କ ପାଇଁ ଠିକ ଅଛି, କିନ୍ତୁ ତାଙ୍କ ପାଇଁ ଏହା ଖରାପ।
ନିଜ ଶରୀରକୁ ନେଇ ଭେରୋନିକା କୁହନ୍ତି ଯେ ସେ ଯେତେବେଳେ ଛୋଟ ଥିଲେ ତାଙ୍କୁ ଏତେ କାମ କରିବାକୁ ପଡୁଥିଲା ଯେ ଯାହା ଫଳରେ ଶରୀରର ମାଂସପେଶୀ ଭଲ ଭାବେ ବିକଶିତ ହୋଇପାରିଲା। ଯାହା ଫଳରେ ତାଙ୍କୁ ଉନ୍ନତ ବକ୍ଷୋଜ ମିଳିଲା ବୋଲି ସେ କହିବା ସହିତ ଏହା ଭଗବାନଙ୍କର ତାଙ୍କୁ ଉପହାର ବୋଲି ସେ କହିଛନ୍ତି। ଏନେଇ ତାଙ୍କ ଶରୀରକୁ ନେଇ ତାଙ୍କୁ ଲଜ୍ଜୀତ ନ କରି ଲୋକେ ତାଙ୍କୁ ବିଶ୍ୱାସ କରନ୍ତୁ ବୋଲି ସେ ଅନୁରୋଧ କରିଛନ୍ତି।