ମୃତ୍ୟୁ ଗୁଜବ ଭିତରେ ସାମ୍ନାକୁ ଆସିଲେ ବାଇଡେନ୍; ହ୍ୱାଇଟ୍ ହାଉସ୍‌ରୁ କରିବେ ସମ୍ବୋଧନ

ଆମେରିକାର ରାଷ୍ଟ୍ରପତି ନିର୍ବାଚନ ଆଜିକାଲି ସାରା ବିଶ୍ୱରେ ଚର୍ଚ୍ଚାର ବିଷୟ ପାଲଟିଛି। କିଛି ଦିନ ପୂର୍ବରୁ ରାଷ୍ଟ୍ରପତି ଜୋ ବାଇଡେନ ନିର୍ବାଚନରେ ​​ପ୍ରତିଦ୍ୱନ୍ଦ୍ୱିତା ନକରିବାକୁ ଘୋଷଣା କରିଥିଲେ। ରାଷ୍ଟ୍ରପତି ନିର୍ବାଚନରୁ ସେ ତାଙ୍କ ନାମ ପ୍ରତ୍ୟାହାର କରି ନେଇଥିଲେ। ତାଙ୍କ ସ୍ଥାନରେ ସେ ରାଷ୍ଟ୍ରପତି ଦୌଡ ପାଇଁ ଡେମୋକ୍ରାଟିକ୍ ପାର୍ଟିରୁ କମଲା ହାରିସ୍‌ଙ୍କ ନାମ ରଖିଥିଲେ।

ସେ ନିର୍ବାଚନରେ ​​ପ୍ରତିଦ୍ୱନ୍ଦ୍ୱିତା କରିବେ ନାହିଁ ବୋଲି ଘୋଷଣା କରିବା ପରେ ବାଇଡେନ୍‌ଙ୍କୁ ଆଉ ସର୍ବସାଧାରଣରେ ଦେଖିବାକୁ ମିଳି ନ ଥିଲା। ଏପରିକି ସର୍ବସାଧାରଣରେ ନୁହେଁ ବରଂ ସୋସିଆଲ ମିଡିଆ ଜରିଆରେ ନିର୍ବାଚନରେ ​​ପ୍ରତିଦ୍ୱନ୍ଦ୍ୱିତା ନ କରିବା ବିଷୟରେ ସେ ସୂଚନା ଦେଇଥିଲେ। ସେବେଠାରୁ ତାଙ୍କ ସ୍ୱାସ୍ଥ୍ୟକୁ ଅନେକ ଚର୍ଚ୍ଚା ହେଉଛି।

ଅଧିକ ପଢ଼ନ୍ତୁ: ୫ ଦିନ ହେଲା ଆଉ ଦେଖା ଦେଉନାହାନ୍ତି ଜୋ ବାଇଡେନ୍‌, ରହସ୍ୟ କ’ଣ ?

ପ୍ରଥମ ଥର ସର୍ବସାଧାରଣରେ ନଜର:

ଏହାରି ଭିତରେ ରାଷ୍ଟ୍ରପତି ଜୋ ବାଇଡେନଙ୍କ ଏକ ଭିଡିଓ ସାମ୍ନାକୁ ଆସିଛି। ଏଥିରେ ସେ ସମ୍ପୂର୍ଣ୍ଣ ସୁସ୍ଥ ଦେଖାଯାଉଛନ୍ତି। ସେ ନିର୍ବାଚନରେ ​​ପ୍ରତିଦ୍ୱନ୍ଦ୍ୱିତା କରିବେ ନାହିଁ ବୋଲି ଘୋଷଣା କରିବା ପରେ ବାଇଡେନ୍ ପ୍ରଥମ ଥର ପାଇଁ ସର୍ବସାଧାରଣରେ ନଜର ଆସିଛନ୍ତି। ସେ ବିମାନରେ ରାଜଧାନୀ ୱାଶିଂଟନ୍ ଅଭିମୁଖେ ଯାଉଛନ୍ତି। ନୀଳ ସୁଟ୍‌ ଏବଂ କଳା ଚଷମା ପିନ୍ଧି ରାଷ୍ଟ୍ରପତି ବାଇଡେନ୍ ବିନା କୌଣସି ସାହାଯ୍ୟରେ ବିମାନରେ ଚଢି ଡେଲାୱେୟରରୁ ୱାଶିଂଟନ୍ ଅଭିମୁଖେ ଯାତ୍ରା କରୁଛନ୍ତି। ଏହି ସମୟରେ ସେ ପୂର୍ବ ଅପେକ୍ଷା ଅଧିକ ଫିଟ୍ ମଧ୍ୟ ଦେଖାଯାଉଛନ୍ତି।

ଦେଶକୁ ସମ୍ବୋଧିତ କରିବେ ବାଇଡେନ୍:

ଜୁଲାଇ ୨୪, ବୁଧବାର ଦିନ ହ୍ୱାଇଟ୍‌ ହାଉସରୁ ବାଇଡେନ୍ ଦେଶକୁ ସମ୍ବୋଧିତ କରିବେ। ଯାହାଫଳରେ ସେ ରାଷ୍ଟ୍ରପତି ଅଭିଯାନରୁ ବିଦାୟ ନେବାକୁ ତାଙ୍କ ନିଷ୍ପତ୍ତି ବିଷୟରେ କହିବେ ଏବଂ ତାଙ୍କର ଅବଶିଷ୍ଟ କାର୍ଯ୍ୟକାଳ କିପରି ବ୍ୟବହାର କରିବେ ସେ ସମ୍ବନ୍ଧରେ ମଧ୍ୟ ସୂଚନା ଦେବେ। ଏହି ସୂଚନା ରାଷ୍ଟ୍ରପତିଙ୍କ କାର୍ଯ୍ୟାଳୟ ପକ୍ଷରୁ ଦିଆଯାଇଛି।

ରାଷ୍ଟ୍ରପତି ସୋସିଆଲ ମିଡିଆରେ ଲେଖିଛନ୍ତି ଯେ ସେ ଆଜି ରାତି ୮ ଟାରେ (ସ୍ଥାନୀୟ ସମୟ) ଦେଶକୁ ସମ୍ବୋଧିତ କରିବାକୁ ଯାଉଛନ୍ତି। ଏହି ସମୟରେ, ପରବର୍ତ୍ତୀ ସମୟରେ ସେ କ’ଣ କରିବେ ଏବଂ ସେ ଆମେରିକାର ଲୋକଙ୍କ ପାଇଁ କିପରି କାମ କରିବେ ସେ ବିଷୟରେ କହିବେ। ଏହା ସହିତ ସେ ଅନ୍ୟାନ୍ୟ ପ୍ରସଙ୍ଗ ଉପରେ ମଧ୍ୟ ଆଲୋଚନା କରିବେ।

ଅଧିକ ପଢ଼ନ୍ତୁ: ‘ବାଇଡେନ୍‌ ଆମେରିକା ଇତିହାସରେ ସବୁଠାରୁ ଖରାପ ରାଷ୍ଟ୍ରପତି’

ବାଇଡେନଙ୍କୁ ନେଇ ଗୁଜବ:

ଗତ କିଛିଦିନ ହେବ ବାଇଡେନ୍‌ଙ୍କ୍ ସ୍ୱାସ୍ଥ୍ୟ ସମସ୍ୟାକୁ ନେଇ ଚାଲିଥିବା ଗୁଜବକୁ ସେ ଦ୍ୱାରା ସମ୍ପୂର୍ଣ୍ଣ ରୂପେ ପ୍ରତ୍ୟାଖ୍ୟାନ କରିଛନ୍ତି। ଗତ କିଛି ଦିନ ହେବ ବାଇଡେନ୍ ଡାକ୍ତରଖାନାରେ ଭର୍ତ୍ତି ହେବାର ଖବର ଆସୁଥିଲା। ତାଙ୍କ ସ୍ୱାସ୍ଥ୍ୟ ଅବସ୍ଥା ବିଗିଡି ଯାଇଥିଲା ବୋଲି କୁହାଯାଉଥିଲା। ଗତ କିଛି ଦିନ ହେବ ସେ ସର୍ବସାଧାରଣରେ କାହାରି ସାମ୍ନାକୁ ଆସୁ ନଥିଲେ, ଯେଉଁଥିପାଇଁ ଲୋକମାନେ ଏଭଳି ପ୍ରଶ୍ନ ଉଠାଉଥିଲେ।

ଖାଲି ସେତିକି ନୁହେଁ, ତାଙ୍କୁ ନେଇ ମୃତ୍ୟୁ ଗୁଜବ ମଧ୍ୟ ଉଠିଥିଲା। ଜୋ ବାଇଡେନ୍ ଏବେ ଆଉ ଦୁନିଆରେ ନାହାନ୍ତି ବୋଲି ଅନେକ ୟୁଜର୍ସ କହୁଥିଲେ।

କରୋନାରେ ସଂକ୍ରମିତ ଥିଲେ ବାଇଡେନ୍:

କିଛି ଦିନ ପୂର୍ବରୁ, ୮୧ ବର୍ଷୀୟ ରାଷ୍ଟ୍ରପତି ବାଇଡେନଙ୍କ କରୋନା ସଂକ୍ରମିତ ହେବାର ଖବର ପ୍ରକାଶ ପାଇଥିଲା। ଯାହା ପରେ ତାଙ୍କୁ ସଙ୍ଗରୋଧ କରାଯାଇଥିଲା। ତାଙ୍କ ସ୍ୱାସ୍ଥ୍ୟ ସମ୍ବନ୍ଧରେ ସୋସିଆଲ ମିଡିଆରେ ଅନେକ ପ୍ରକାର ଆଲୋଚନା ଚାଲିଥିଲା। ତେବେ ସବୁ ପରେ ଏବେ ହ୍ୱାଇଟ୍‌ ହାଉସ୍‌ କହିଛି ଯେ ବାଇଡେନ୍‌ ବର୍ତ୍ତମାନ କରୋନାରୁ ସୁସ୍ଥ ହୋଇସାରିଛନ୍ତି।