ଗୁଗୁଲ୍ ସିଇଓ ସୁନ୍ଦର ପିଚାଇଙ୍କ ବିଷୟରେ ଦୁନିଆ ସାରା ଲୋକ ଜାଣିବାକୁ ଚାହାଁନ୍ତି। ଅନେକ ଲୋକ ଜାଣିବାକୁ ଚାହାଁନ୍ତି ଯେ ସେ କିପରି ନିଜର ସକାଳ ଆରମ୍ଭ କରନ୍ତି ବା ସକାଳ ସମୟ ତାଙ୍କର କିପରି କଟିଥାଏ । ତେବେ ଆମେ ଯେଉଁ କଥା କହିବୁ ତାହା ଆପଣଙ୍କୁ ଆଶ୍ଚର୍ଯ୍ୟ କରିପାରେ । ହେଲେ ଏକଥା ସମ୍ପୂର୍ଣ୍ଣ ସତ ।
Also Read
ସୁନ୍ଦର ପିଚାଇ ସକାଳୁ ସକାଳୁ କେବେ ବି ନ୍ୟୁଜ ପେପର ପଢ଼ନ୍ତି ନାହିଁ କିମ୍ବା ସୋସିଆଲ ମିଡିଆ ଦେଖନ୍ତି ନାହିଁ । ସକାଳୁ ସକାଳୁ ସେ ନୂଆ ଟେକ୍ନୋଲୋଜି ଉପରେ ବାହାରିଥିବା ନ୍ୟୁଜ୍ ଦେଖିଥାନ୍ତି । ଏଥିପାଇଁ ସେ ଏକ ସ୍ୱତନ୍ତ୍ର ୱେବ୍ସାଇଟ୍ (ଟେକ୍ମେମେ) ବ୍ୟବହାର କରିଥାନ୍ତି । ମିଡିଆ ରିପୋର୍ଟରୁ ଏହି ସୂଚନା ଗ୍ରହଣ କରାଯାଇଛି ।
ଟେକ୍ମେମେ ଏକ ଟେକ୍ ୱେବ୍ସାଇଟ୍, ଯାହାର ନାଁରୁ ହିଁ ସ୍ପଷ୍ଟ ବାରି ହେଉଛି । ଏହି ପ୍ଲାଟ୍ଫର୍ମରେ ସାରା ବିଶ୍ୱର ସମସ୍ତ ଟେକ୍ନୋଲୋଜି ୱେବ୍ସାଇଟ୍ ଦେଖି ହୋଇଥାଏ । ଏଥିରେ CNBC, Bloomberg, The Verge ଭଳି ସଂସ୍ଥା ସାମିଲ ଅଛି । ଏହି ୱେବ୍ସାଇଟ୍ର ମୂଳ ଲକ୍ଷ୍ୟ ଟେକ୍ ଇଣ୍ଡଷ୍ଟ୍ରୀକୁ ପ୍ରତ୍ୟେକ ମୁହୁର୍ତ୍ତରେ ଅପ୍ଡେଟ୍ ରଖିବା ।
ଅନେକ ବଡ଼ ବଡ଼ ଲୋକ ଏହି ୱେବସାଇଟ୍ ପଢ଼ନ୍ତି
କେବଳ ସୁନ୍ଦର ପିଚାଇ ଏହି ୱେବ୍ସାଇଟ୍କୁ ଫଲୋ କରନ୍ତି ତାହା ନୁହେଁ, ବରଂ ମେଟା ସିଇଓ ମାର୍କ ଜୁକରବର୍ଗ ମଧ୍ୟ ଏହାକୁ ଫଲୋ କରନ୍ତି । ଆଉ ନିୟମିତ ପଢ଼ନ୍ତି । ଏମାନଙ୍କ ଭଳି ଅନେକ ବଡ଼ ବଡ଼ ଟେକ୍ ଏକ୍ସପର୍ଟ ମଧ୍ୟ ଏହି ୱେବ୍ସାଇଟ୍ ଫଲୋ କରନ୍ତି ।
ଛଟେଇ ସଙ୍କେତ ଦେଲେ ସୁନ୍ଦର ପିଚାଇ
ଗୁଗୁଲ୍ ସିଇଓ ସୁନ୍ଦର ପିଚାଇ ଏକ ସାକ୍ଷାତକାର ଦେଇଥିଲେ । ଯେଉଁଥିରେ ସେ ପରୋକ୍ଷରେ ଏହା ସୂଚାଇଥିଲେ ଯେ, ଚଳିତ ବର୍ଷ ଏକ ବଡ଼ ଛଟେଇ ହୋଇପାରେ । ଏହି ଛଟେଇର ପ୍ରଭାବ ଅନେକ କ୍ଷେତ୍ରରେ ପଡ଼ିବ । ଯେମିତିକି ହାର୍ଡଓୟାର୍, ସେଲ୍ସ, ସିକ୍ୟୁରିଟି, ଇଞ୍ଜିନିୟରିଂ ଏବଂ ୟୁଟ୍ୟୁବ୍ କ୍ଷେତ୍ରରେ ଏହାର ପ୍ରଭାବ ପଡ଼ିବ ବୋଲି ସେ ସଙ୍କେତ ଦେଇଥିଲେ ।