ଆକାଶଛୁଆଁ ପରିବା ଦର, ଆଳୁ ରେଟ୍‌ ୨ ଶହ ତ କଞ୍ଚାଲଙ୍କା ରେଟ୍‌ ୭ ଶହ

ଖାଉଟିଙ୍କୁ ମହଙ୍ଗା ମାଡ । ହଜାରେ ମୁହାଁ ପରିବା ଦର । ଏମିତିକି ବଜାରରେ କଞ୍ଚା ଲଙ୍କା କିଲୋ ପ୍ରତି ୭୧୦ ଟଙ୍କା ରହିଥିବାବେଳ ବିନ୍ସ କିଲୋ ପିଛା ୩୨୦ ଟଙ୍କା, ଗାଜର ୨୦୦ ଟଙ୍କା, କଞ୍ଚା କଦଳୀ ୧୨୦ ଟଙ୍କା, ଭେଣ୍ଡି ୨୦୦ ଓ ବିଲାତି ୨୦୦ ଟଙ୍କାରେ ବିକ୍ରି ହେଉଛି । ଆକାଶ ଛୁଆଁ ଦରଦାମ୍‌ ଯୋଗୁଁ ସାଧାରଣ ଜନଜୀବନ ଅସ୍ତବ୍ୟସ୍ତ ହୋଇପଡିଛି ।

ଶ୍ରୀଲଙ୍କା ରାଷ୍ଟପତି ଗୋଟାବାୟା ରାଜପକ୍ସା (Gotabaya Rajapaksa) ଦେଶର ଆର୍ଥିକ ପରିସ୍ଥିତିକୁ ଦୃଷ୍ଟିରେ ରଖି ଜରୁରୀ କାଳିନ ପରିସ୍ଥିତି ଲାଗୁ କରିଦେଇଛନ୍ତି । ଫଳରେ ବିଭିନ୍ନ ଖାଦ୍ୟପାନୀୟ ଜିନିଷର ଦରଦାମ୍‌ ବୃଦ୍ଧି ପାଇଛି । ମାତ୍ର ଏକ ମାସ ମଧ୍ୟରେ ଶ୍ରୀଲଙ୍କାରେ ଖାଦ୍ୟ ସାମଗ୍ରୀର ମୂଲ୍ୟ ପ୍ରାୟ ୧୫ ପ୍ରତିଶତ ବୃଦ୍ଧି ପାଇଛି । ଦେଶରେ ଅନେକ ଜିନିଷର ଅଭାବ ଦେଖାଦେଇଛି ଏବଂ ଏହାର ପ୍ରତ୍ୟକ୍ଷ ପ୍ରଭାବ ଜନଜୀବନରେ ଦେଖାଯାଉଛି ।

ରାକ୍ଷୀ ନ୍ୟୁଜ୍ ପେପର ତଥ୍ୟ ଅନୁଯାୟୀ,ଏକ ଟ୍ୟାକ୍ସି ଡ୍ରାଇଭର କହିଛନ୍ତି ଯେ,ତାଙ୍କ ପରିବାର ଆର୍ଥିକ ସଙ୍କଟ ଦେଇ ଗତି କରୁଛନ୍ତି। ଋଣ ପରିଶୋଧ କରିବାକୁ ମଧ୍ୟ ତାଙ୍କ ପାଖରେ ପର୍ଯ୍ୟାପ୍ତ ଅର୍ଥ ନାହିଁ, ତେଣୁ ଖାଦ୍ୟ ପଦାର୍ଥର ମୂଲ୍ୟ ବୃଦ୍ଧି କରାଯାଇଛି ।

ଏନେଇ ବିଶେଷଜ୍ଞମାନେ କହିଛନ୍ତି ଯେ, ଶ୍ରୀଲଙ୍କାର ଏହି ଅବସ୍ଥା ପଛରେ କରୋନା ମହାମାରୀ, ସରକାରୀ ଖର୍ଚ୍ଚ ବୃଦ୍ଧି ଏବଂ ଟିକସ ହ୍ରାସ ଭଳି ପ୍ରମୁଖ କାରଣ ଦାୟୀ ରହିଛି । ଚୀନ୍‌ର ଋଣ ଜାଲରେ ବୁଡି ରହିଥିବା ଶ୍ରୀଲଙ୍କାକୁ ଡ୍ରାଗନ୍‌ ଋଣ ପରିଶୋଧ କରିବାରେ ସାହାଯ୍ୟ କରିବାର ପ୍ରତିଶୃତି ଦେଇଛି । ଚୀନ୍ ବୈଦେଶିକ ମନ୍ତ୍ରୀ ୱାଙ୍ଗ ୟି ଶ୍ରୀଲଙ୍କା ଗସ୍ତ ସମୟରେ ରାଷ୍ଟ୍ରପତି ଗୋଟାବାୟା ରାଜପକ୍ସା ଏହି ସହାୟତା ଲୋଡିଛନ୍ତି।

ସୂଚନା ଅନୁସାରେ, ଶ୍ରୀଲଙ୍କା ଚୀନ୍ ଠାରୁ ଅତ୍ୟାଧିକ ଋଣ ନେଇଛି ଯାହା ବର୍ତ୍ତମାନ ଏକ ଫାନ୍ଦରେ ପରିଣତ ହୋଇଛି । ଏପରି ଖରାପ ସ୍ଥିତିରେ ମଧ୍ୟ ଚଳିତ ବର୍ଷ ଚାଇନାକୁ ଶ୍ରୀଲଙ୍କା ୧.୫ ରୁ ୨ ବିଲିୟନ ଡଲାର ଫେରସ୍ତ କରିବାକୁ ପଡିବ । ଏନେଇ ଶ୍ରୀଲଙ୍କାର ଜଣେ ସାଂସଦ ଚୀନ୍ ରାଷ୍ଟ୍ରପତିଙ୍କୁ ଏକ ଚିଠି ଲେଖି ସେଥିରେ ଦେଶକୁ ଆର୍ଥିକ ଦୃଷ୍ଟିରୁ ଆକ୍ରମଣ କରିବା ବନ୍ଦ କରିବାକୁ କହିଛନ୍ତି ।