୨୨ ମାସ ପରେ ଟ୍ୱିଟରକୁ ଫେରିଲେ ଡୋନାଲ୍ଡ ଟ୍ରମ୍ପ

ପୁଣି ସଚଳ କରାଗଲା ଡୋନାଲ୍ଡ ଟ୍ରମ୍ପଙ୍କ ଟ୍ୱିଟର ଆକାଉଣ୍ଟ । ୨୨ ମାସ ପରେ ଟ୍ୱିଟରକୁ ଫେରିଲେ ଡୋନାଲ୍ଡ ଟ୍ରମ୍ପ । ଟ୍ୱିଟ୍ କରି ସୂଚନା ଦେଲେ ଟ୍ୱିଟର ମାଲିକ ଏଲନ ମସ୍କ । ଟ୍ରମ୍ପଙ୍କ ଆକାଉଣ୍ଟ ସଚଳ ହେବା ଉଚିତ୍ କି ନୁହେଁ ନିକଟରେ ସର୍ଭେ ହୋଇଥିଲା । ୫୨ ପ୍ରତିଶତ ବ୍ୟକ୍ତି ଟ୍ରମ୍ପଙ୍କ ସପକ୍ଷରେ ମତ ଦେଇଥିଲେ ।ଗତବର୍ଷ କ୍ୟାପିଟଲ ହିଲ୍ ହିଂସା ପରେ ଟ୍ରମ୍ପଙ୍କ ଟ୍ୱିଟର ଆକାଉଣ୍ଟ ସସପେଣ୍ଡ ହୋଇଥିଲା ।

ତେବେ ପୂର୍ବରୁ ବଲିଉଡ୍‌ କୁଇନ୍‌ କଙ୍ଗନାଙ୍କ ଟ୍ୱିଟର ଆକାଉଣ୍ଟ ମଧ୍ୟ ସଚଳ କରିବାକୁ ନିର୍ଦ୍ଦେଶ ଦେଇଥିଲେ । କଙ୍ଗନାଙ୍କ ନାମ ଇଣ୍ଡଷ୍ଟ୍ରିର ସବୁଠାରୁ ବିନ୍ଦାସ୍ ଅଭିନେତ୍ରୀମାନଙ୍କ ତାଲିକାରେ ରହିଛି । ତାଙ୍କ ମତକୁ ନେଇ ସେ ପ୍ରତିଦିନ ଚର୍ଚ୍ଚାର ବିଷୟ ପାଲଟିଥାନ୍ତି । ଅନେକ ସମୟରେ ମଧ୍ୟ ତାଙ୍କର ବୋଲ୍ଡନେସ ପାଇଁ ତାଙ୍କୁ ଟ୍ରୋଲ ହେବାକୁ ପଡେ ।

ଏଭଳି ପରିସ୍ଥିତିରେ ସୋସିଆଲ ମିଡିଆ ପ୍ଲାଟଫର୍ମ ଟ୍ୱିଟରକୁ ନେଇ ପୁଣି ଥରେ କଙ୍ଗନା ରାଣାୱତ୍ ଚର୍ଚ୍ଚାରେ ଥିଲେ । କଙ୍ଗନା ଟ୍ୱିଟରକୁ ଫେରିବା ପରେ ସେ ବହୁତ ଖୁସି ବୋଲି କହିଥିଲେ । କଙ୍ଗନା ଟ୍ୱିଟରକୁ ଫେରିବା ନେଇ ନିଶ୍ଚିତ ଥିଲେ ଏବଂ ଏହା ମଧ୍ୟ ହୋଇଛି । ଅଭିନେତ୍ରୀଙ୍କ ଭବିଷ୍ୟବାଣୀ ସତ ହୋଇଛି, ଯେଉଁଥିରେ ସେ ବହୁତ ଖୁସି ଅଛନ୍ତି ।

କଙ୍ଗନା ଗତ ଏକ ବର୍ଷ ଧରି ତାଙ୍କ ଅଫିସିଆଲ୍ ଇନଷ୍ଟାଗ୍ରାମ ଆକାଉଣ୍ଟରୁ ଲୋକଙ୍କ ସହ ଜଡିତ ଥିଲେ । ଅନେକ ବିବାଦ କାରଣରୁ ତାଙ୍କ ଟ୍ୱିଟର ଆକାଉଣ୍ଟକୁ ସ୍ଥଗିତ ରଖାଯାଇଥିଲା । କିନ୍ତୁ ଯେତେବେଳେ ଅଭିନେତ୍ରୀ ଜାଣିଲେ ଯେ ଟ୍ୱିଟରର କମାଣ ଟେସଲା ମୁଖ୍ୟ ଏଲନ୍ ମସ୍କ ନେଉଛନ୍ତି ସେତେବେଳେ ସେ ଆଶା କରିଥିଲେ ଯେ ସେ ନିଶ୍ଚିତ ଟ୍ୱିଟରକୁ ଫେରିବେ। କେବଳ ଏତିକି ନୁହେଁ, ସେ ଏଲନ୍ ମସ୍କଙ୍କୁ ମଧ୍ୟ ବହୁତ ପ୍ରଶଂସା କରିଥିଲେ।