ଆପଣମାନେ ଛୋଟବେଳେ ନିଶ୍ଚିତ ହଲିଉଡ୍ର ଚର୍ଚ୍ଚିତ ଚଳଚିତ୍ର ‘ହ୍ୟାରି ପୋର୍ଟର’ ଦେଖିଥିବେ । ଯେଉଁଥିରେ ଡାନିଏଲ୍ ରାଡକ୍ଲିଫ୍ ଶିଶୁ କଳାକାର ଭାବେ ଅଭିନୟ କରିଥିଲେ । ଏହି ଫିଲ୍ମ ପାଇଁ ସେ ରାତିରାତି ପପୁଲାର ହୋଇଯାଇଥିଲେ । ଏହାପରେ ଏକ ବହି ମଧ୍ୟ ପ୍ରକାଶିତ ହୋଇଛି । ଜେ.କେ ରୋଲିଙ୍ଗ ଏହାକୁ ଲେଖିଥିଲେ । ଏହାର ପ୍ରଥମ ଏଡିସନ୍ର ଏକ ବହିକୁ ୧୧ ଲକ୍ଷ ଟଙ୍କାରେ ନିଲାମରେ କିଣାଯାଇଛି । ଯାହାକୁ ପ୍ରକାଶନ ବେଳେ ୧୧ ଟଙ୍କାରେ କିଣାଯାଇଥିଲା ।
ନିଲାମ ହୋଇଥିବା ଏହି ବହିଟି ୧୯୯୭ରେ ପ୍ରକାଶିତ ହୋଇଥିବା ପ୍ରଥମେ ୫୦୦ଟି ବହି ମଧ୍ୟରୁ ଗୋଟିଏ । ଯାହାକୁ ଲସ୍ ଆଞ୍ଜେଲ୍ସର ଏକ ପୁସ୍ତକ ପ୍ରଦର୍ଶନୀ ବେଳେ ନିଲାମ କରାଯାଇଛି । ‘ହ୍ୟାରି ପୋର୍ଟର’ ପ୍ରାୟ ବହିକୁ ଲାଇବ୍ରେରୀରେ ରଖାଯାଇଛି । ବହିଟି କାର୍ଡ ବୋର୍ଡରେ ବାଇଡିଂଙ୍ଗ ହୋଇଛି । ଯାହା ଉପରେ ହ୍ୟାରି ପୋର୍ଟର ଆଣ୍ତ ଦ ଫିଲୋସଫର୍ ଷ୍ଟୋନ୍ ଲେଖା ରହିଛି । ଏହାଛଡ଼ା ବହି ଉପରେ ଲାଇବ୍ରେରୀର ଷ୍ଟିକର୍ ମଧ୍ୟ ଲାଗିଛି ।
ତେବେ ଏହି ବହି ନିଲାମକୁ ନେଇ ଆମେରିକାରେ ବେଶ୍ ଚର୍ଚ୍ଚା ଚାଲିଛି । ମାତ୍ର ୧୧ ଟଙ୍କାରେ କିଣା ହୋଇଥିବା ବହିଟି ୩୨ ଲକ୍ଷରେ ବିକ୍ରି ନେଇ ସମସ୍ତେ ଆଶ୍ଚର୍ଯ୍ୟ ହୋଇ ଯାଇଛନ୍ତି ।