ବୋମା ବିସ୍ଫୋରଣରେ ୩୫ ମୃତ

ବାଗଦାଦ : ଇରାକର ସଦର ସହରରେ ଆତ୍ମଘାତୀ ବିସ୍ଫୋରଣ ହୋଇଛି। ଏଥିରେ ପ୍ରାୟ ୩୫ ଜଣଙ୍କର ମୃତ୍ୟୁ ଘଟିଛି। ସେହିପରି ଭାବେ ୬୦ରୁ ଅଧିକ ଲୋକ ଆହତ ହୋଇଥିବା ଜଣାଯାଇଛି। ସୋମବାର ସନ୍ଧ୍ୟାରେ ଏକ ବଜାରରେ ଏହି ବିସ୍ଫୋରଣ ଘଟିଛି। ମଙ୍ଗଳବାର ଇଦ୍ ଥିବାରୁ ବଜାରରେ ବହୁତ ଭିଡ ଜମିଥିଲା। ସେଥିପାଇଁ ଆତଙ୍କବାଦୀ ଏହି ସ୍ଥାନ ବାଛିଥିଲେ।

ଆତଙ୍କବାଦୀ ସଂଗଠନ ଆଇଏସ୍ଆଇଏସ୍‌ ଟେଲିଗ୍ରାମ ମାଧ୍ୟମରେ ଏହି ଆକ୍ରମଣ ପାଇଁ ଦାୟୀ ବୋଲି ଦାବି କରିଛି। ଆଇଏସ୍ କହିଛି ଯେ ଏହାର ଜଣେ ଆତଙ୍କବାଦୀ ବଜାରରେ ଭିଡ଼ର ସୁବିଧା ନେଇ ନିଜକୁ ବିସ୍ଫୋରଣ କରିଥିଲା। ନ୍ୟୁଜ୍ ଏଜେନ୍ସି ରାଏଟର୍ସ ସୂତ୍ରରୁ ପ୍ରକାଶ ଯେ ଏହି ଆକ୍ରମଣରେ ମୃତ୍ୟୁ ସଂଖ୍ୟା ବଢିପାରେ, କାରଣ ଅନେକ ଆହତ ବର୍ତ୍ତମାନ ଗୁରୁତର ଅବସ୍ଥା ଅଛନ୍ତି।

Also Read

କଙ୍ଗନାଙ୍କ 'ଇମର୍ଜେନ୍ସୀ'କୁ ନେଇ ବିଜେପି-କଂଗ୍ରେସ ମୁହାଁମୁହିଁ

ACF ସୌମ୍ୟରଞ୍ଜନ ମହାପାତ୍ର ମୃତ୍ୟୁ ମାମଲା; ଶାଶୂଙ୍କୁ ଟାର୍ଗେଟ କଲେ ବିଦ୍ୟାଭାରତୀ

ଏକ ବର୍ଷରେ ୨୧ ଟଙ୍କା ମହଙ୍ଗା ହେଲା ପେଟ୍ରୋଲ୍ : ୧୯ ରାଜ୍ୟରେ ଦର ୧୦୦ ଟପିଲା

ଏହି ଆକ୍ରମଣ ପରେ ଇରାକର ପ୍ରଧାନମନ୍ତ୍ରୀ ମୁସ୍ତାଫା ଅଲ୍‌-କାଡେମି ସୁରକ୍ଷା କମାଣ୍ଡରମାନଙ୍କର ଏକ ଜରୁରୀ ବୈଠକ ଡାକିଥିଲେ। ରାଷ୍ଟ୍ରପତି ବରହାମ ସାଲେହ ସୋସିଆଲ ମିଡିଆ ମାଧ୍ୟମରେ କହିଥିଲେ ଯେ ଏକ ଭୟଙ୍କର ଅପରାଧ ସହ କିଛି ଲୋକ ଇଦ୍ ପୂର୍ବରୁ ସଦର ସହରରେ ସାଧାରଣ ନାଗରିକଙ୍କୁ ଟାର୍ଗେଟ୍‌ କରିବାକୁ ଚାହୁଁଛନ୍ତି। ଆତଙ୍କବାଦ ମୂଳ ନ ହେବା ପର୍ଯ୍ୟନ୍ତ ଆମେ ବିଶ୍ରାମ ନେବୁ ନାହିଁ।

ପ୍ରକାଶଥାଉ ଯେ ଚଳିତ ବର୍ଷ ଏପ୍ରିଲରେ ଇରାକର ସଦର ସହରର ଏକ ବଜାରରେ କାରରେ ବିସ୍ଫୋରଣ ଘଟିଥିଲା। ଏହି ବିସ୍ଫୋରଣରେ ୪ ଜଣଙ୍କର ମୃତ୍ୟୁ ହୋଇଥିବା ବେଳେ ୨୦ ଜଣ ଆହତ ହୋଇଥିଲେ। ଏହି ଆକ୍ରମଣର ଦାୟୀତ୍ୱ ମଧ୍ୟ ଆଇଏସ୍ ନେଇଥିଲା।