Suicide Bomber: ଆତ୍ମଘାତୀ ବିସ୍ଫୋରଣରେ ୧୬ ପାକିସ୍ତାନୀ ଯବାନ ମୃତ, ତାଲିବାନ ଗ୍ରୁପ୍ କହିଲା...

ଆତ୍ମଘାତୀ ବିସ୍ଫୋରଣରେ ୧୬ ଜଣ ପାକିସ୍ତାନୀ ଯବାନଙ୍କ ମୃତ୍ୟୁ ଘଟିଛି । ପାକିସ୍ତାନର ଖାଇବର ପଖଟୁଙ୍ଖୱା ଉତ୍ତର ୱାଜିରିସ୍ତାନରେ ଏହି ଆତ୍ମଘାତୀ ବିସ୍ଫୋରଣ ଘଟିଛି ।

ଅନ୍ୟ ୧୦ ଜଣ ଯବାନ ଗୁରୁତର ଥିଲା ବେଳେ ୨୦ରୁ ଅଧିକ ଲୋକ ଆହତ ହୋଇଛନ୍ତି । ପାକ୍ ସେନା ଗାଡ଼ିକୁ ଟାର୍ଗେଟ୍‌ କରି ଧକ୍କାଦେଇଛି ଏକ ବିସ୍ଫୋରକ ଭର୍ତ୍ତି ଗାଡ଼ି । ପାକିସ୍ତାନୀ ତାଲିବାନୀଙ୍କ ପକ୍ଷରୁ ଏହି ଆକ୍ରମଣ ହୋଇଥିବା ପାକିସ୍ତାନ ସରକାରଙ୍କ ଜଣେ ବରିଷ୍ଠ ଅଧିକାରୀ କହିଛନ୍ତି ।

ବିସ୍ଫୋରଣରେ ଉଡ଼ିଯାଇଛି ଦୁଇଟି ଘରର ଛାତ । ଆହତଙ୍କ ମଧ୍ୟରେ ୬ ଜଣ ଶିଶୁ ଅଛନ୍ତି । ତାଲିବାନ ହାଫିଜ୍ ଗୁଲ୍ ବାହାଦୁର ସଶସ୍ତ୍ର ଗୋଷ୍ଠୀ ଏହି ଆକ୍ରମଣ ପାଇଁ ନିଜକୁ ଦାୟୀ କରିଛି । ଏହି ଆକ୍ରମଣ ସେମାନେ କରିଥିବାର କହିଛନ୍ତି । ତେବେ ଗତ କିଛି ମାସ ହେବ ଆଫଗାନିସ୍ତାନକୁ ଲାଗି ରହିଥିବା ପାକିସ୍ତାନର ବିଭିନ୍ନ ସ୍ଥାନରେ ହିଂସାକାଣ୍ଡ ବୃଦ୍ଧି ପାଇଛି । ଏହି ଅଞ୍ଚଳରେ ଏ ବର୍ଷ ପ୍ରାୟ ୨୯୦ ଜଣଙ୍କର ମୃତ୍ୟୁ ଘଟିଲାଣି ।

ଅଧିକ ପଢ଼ନ୍ତୁ: ପାକିସ୍ତାନ ବିରୋଧରେ ରାଜନାଥଙ୍କ ହୁଙ୍କାର; ଚଳିବନି ଆଉ ଡବଲ ଷ୍ଟାଣ୍ଡାର୍ଡ