ବାଳକର ସ୍ନେହ ଜିତିଲା ସମସ୍ତଙ୍କ ହୃଦୟ

ସିକାଗୋ : ସୋସିଆଲ ମିଡିଆରେ ଭାଇରାଲ ହେଉଥିବା ଏକ ଭିଡିଓ ସମସ୍ତଙ୍କୁ ଆଶ୍ଚର୍ଯ୍ୟ କରିଛି। ଜଣେ ବାଲ୍ୟ ବେସବଲ୍ ପ୍ରଶଂସକ ତାଙ୍କ ଚିନ୍ତାଧାରା ପାଇଁ ସୋସିଆଲ୍ ମିଡିଆରେ ବହୁ ଧ୍ୟାନ ଆକର୍ଷଣ କରୁଛନ୍ତି। ବର୍ତ୍ତମାନ ସମସ୍ତେ ଜାଣିବାକୁ ଚାହାଁନ୍ତି ଯେ ସେହି ବାଳକ କ’ଣ କଲା? କଥା ହେଉଛି ନିକଟରେ ୧୦ ବର୍ଷୀୟ ଆରୋନ ପ୍ରେସଲି ଫିଲାଡେଲଫିଆ ଫିଲିସ୍ ଓ ସିକାଗୋ କବ୍ ମଧ୍ୟରେ ଖେଳାଯାଉଥିବା ଏକ ବେସ୍‌ବଲ୍ ମ୍ୟାଚ୍ ଦେଖିବାକୁ ଯାଇଥିଲେ। ଏହି ସମୟରେ ତାଙ୍କୁ ଜଣେ ଅଲ୍-ଷ୍ଟାର୍ ଖେଳାଳିଙ୍କ ଫାଉଲ୍ ବଲ୍ ଧରିବାର ସୁଯୋଗ ମିଳିଥିଲା। ତେବେ ଏହି ବଲକୁ ପାଇବା ପାଇଁ ଏକ କୁନି ଝିଅ କାନ୍ଦିବାରୁ ସେ ତାଙ୍କୁ ଦେଇଦେଇଥିଲା।

ଏଭଳି କରି ବାଳକ ଜଣକ ବହୁତ ଖୁସି ଥିଲେ ଯେ ଭୂମିରେ ପଡିବା ପରେ ସେ ବଲ୍‌ଟିକୁ ଧରି ନେଇଥିଲେ। ୧୦ ବର୍ଷର ଏହି ବାଳକ ଖୁସି ହୋଇ ଉପରକୁ ହାତ ଉଠାଇବା ସହ କ୍ୟାମେରା ଆଡକୁ ବଲ୍ ଦେଖାଇଥିଲେ। ତେବେ ନିକଟରେ ଥିବା ଜଣେ ଛୋଟ ଝିଅକୁ ଏହି ବଲ ନ ମିଳିବାରୁ ସେ ମନ ଦୁଃଖ କରିଥିଲା ଓ କାନ୍ଦିଥିଲା। ବାଳକଟି ଏହି ବଲଟିକୁ ତାକୁ ଦେଲା ପରେ ସେ ଚୁପ୍ ହୋଇଯାଇଥିଲା।

Also Read

ଅମଳ ହେବାକୁ ଥିବା ଫସଲକୁ ଛାରଖାର କରିଦେଲା ବର୍ଷା

ଇତିହାସ ରଚିଲା ସ୍ପେସ୍ ଏକ୍ସ, ଅନ୍ତରୀକ୍ଷରୁ ଫେରିଲେ ୪ ସାଧାରଣ ନାଗରିକ

କେଜ୍ରିୱାଲଙ୍କ ବେକାରୀ କାର୍ଡ, ଚାକିରି ନଦେଇ ପାରିଲେ ମାସକୁ ୫ ହଜାର ଦିଆଯିବ

ବର୍ତ୍ତମାନ ଏହି ଭିଡିଓ ଇଣ୍ଟରନେଟ୍‌ରେ ବହୁତ ଭାଇରାଲ ହେବାରେ ଲାଗିଛି, ସୋସିଆଲ ମିଡିଆ ବ୍ୟବହାରକାରୀମାନେ ମଧ୍ୟ ବାଳକର ଏହି କାର୍ଯ୍ୟକୁ ବହୁତ ପସନ୍ଦ କରୁଛନ୍ତି। ପ୍ରକାଶଥାଉ ଯେ ଏହି ଝିଅର ବୟସ ମାତ୍ର ୭ ବର୍ଷ। ଉପଭୋକ୍ତାମାନେ ଏହି ଭିଡିଓରେ ସେମାନଙ୍କର ପ୍ରତିକ୍ରିୟା ମଧ୍ୟ ସେୟାର କରୁଛନ୍ତି। କେହି କେହି ବାଳକକୁ ପ୍ରଶଂସା କରୁଛନ୍ତି ଏବଂ କେହି କେହି ଏହି ଭିଡିଓକୁ ନିଜ ପେଜରେ ସେୟାର କରୁଛନ୍ତି। ନିମ୍ନରେ ସୋସିଆଲ ମିଡିଆ ବ୍ୟବହାରକାରୀଙ୍କ ପ୍ରତିକ୍ରିୟା ଦେଖନ୍ତୁ।

ଏହି ଭିଡିଓକୁ ଏପର୍ଯ୍ୟନ୍ତ ଅନେକ ଲୋକ ଦେଖିସାରିଲେଣି। ଲୋକମାନେ ଏହି ଭିଡିଓରେ ବହୁତ ଲାଇକ୍ ଏବଂ କମେଣ୍ଟ କରି ପ୍ରଶଂସା ବାଣ୍ଟୁଛନ୍ତି। ଏହାକୁ ଏପର୍ଯ୍ୟନ୍ତ ୧୬୦୦ ଥର ରିଟ୍ୱିଟ୍‌ କରାଯାଇଛି। ଭିଡିଓ ଉପରେ ମନ୍ତବ୍ୟ ଦେଇ ଲୋକମାନେ ଲେଖିଛନ୍ତି, “ମୁଁ ପ୍ରକୃତରେ ବିଶ୍ୱାସ କରେ ଯେ ଆମେ ସମସ୍ତେ ନିଜ ହୃଦୟରେ ଦୟା ରଖି ଜନ୍ମ ହୋଇଛୁ... ଦୁର୍ଭାଗ୍ୟବଶତଃ, ଆମ ଜୀବନରେ ଏପରି କିଛି ହୋଇଯାଏ ଯାହା କିଛି ଲୋକଙ୍କୁ ପରିବର୍ତ୍ତନ କରିଥାଏ... ମୁଁ ଆଶା କରେ ଏହି ପିଲାଟି ଭଳି ପରବର୍ତ୍ତୀ ପିଢି ସେମାନଙ୍କ ହୃଦୟରେ ପ୍ରେମକୁ ଏହିପରି ସାଇତି ରଖିବେ। ପିତାମାତାଙ୍କ ପାଇଁ ଏହା ଏକ ଗର୍ବର ମୁହୂର୍ତ୍ତ।”