ଚର୍ଚ୍ଚାରେ ଆଦି ସ୍ୱରୂପା; ଏକା ସମୟରେ ୨ ହାତରେ ଲେଖୁଛନ୍ତି ୧୧ଟି ଭାଷା

ସୋସିଆଲ ମିଡିଆରେ ଅନେକ ପ୍ରତିଭା ଭାଇରାଲ୍‌ ହୋଇଥାଏ । ନିଜର ପ୍ରତିଭା ପାଇଁ ଅନେକ ଲୋକଙ୍କୁ ଲୋକଲୋଚନକୁ ଆଣିଥାଏ ସାମାଜିକ ଗଣମାଧ୍ୟମ । ନିଜର ପ୍ରତିଭା ଯୋଗୁଁ କେହି କେହି ଷ୍ଟାର୍‌ ମଧ୍ୟ ପାଲଟିଯାଆନ୍ତି । ଠିକ ସେହିପରି ବର୍ତ୍ତମାନ ଜଣେ ଯୁବତୀଙ୍କ ଭିଡିଓ ବେଶ ଭାଇରାଲ୍‌ ହେବାର ଲାଗିଛି ।

ଭିଡିଓରେ ଯୁବତୀ ଜଣକ ଗୋଟିଏ ସମୟରେ ଦୁଇ ହାତରେ ଲେଖିଚାଲିଛନ୍ତି । ଅତି ସହଜରେ ତାହା ପୁଣି ଖୁବ ଶୀଘ୍ର । ଯାହାର ଭିଡିଓ ବର୍ତ୍ତମାନ ସାମାଜିକ ଗଣମାଧ୍ୟମରେ ଭାଇରାଲ୍‌ ହେବାର ଲାଗିଛି । କଛି ଦର୍ଶକ ତାଙ୍କର ଏହି କଳାକୁ ପ୍ରଶଂସା କରିଥିବା ବେଳେ କିଛି ଦର୍ଶକ ତାଙ୍କର ବିଚକ୍ଷଣ ମସ୍ତିଷ୍କକୁ ପ୍ରଶଂସା କରିଛନ୍ତି ।

ଅଧିକ ପଢ଼ନ୍ତୁ: କୁନି ଝିଅ ହାତରେ ଯାଦୁ : ପେନସିଲ ଆର୍ଟ କରି ଚର୍ଚ୍ଚାରେ ସାରଦା ସୁମନ

ସୂଚନା ମୁତବକ ଆପଣ ଭିଡିଓରେ ଦେଖୁଥିବା ଯୁବତୀ ଜଣକଙ୍କ ନାଁ ଆଦି ସ୍ୱରୂପା । ଘର ତାଙ୍କର ମାଙ୍ଗାଲୁରୁ । ସେ ଅତି ସହଜରେ ୧୧ଟି ଭାଷାକୁ ଭଲ ଭାବେ ଲେଖିପାରନ୍ତି । ବିଶେଷ କରି ଇଂରାଜୀ ଓ କାନାଡ଼ା ଭାଷାକୁ ଖୁବଶୀଘ୍ର ଲେଖିପାରନ୍ତି ଆଦି ସ୍ୱରୂପା । ତାଙ୍କ କହିବା ଅନୁସାରେ ସେ ମାତ୍ର ଗୋଟିଏ ମିନିଟ୍‌ରେ ୪୫ଟି ୱାର୍ଡ ଲେଖିପାରନ୍ତି ।

ତାଙ୍କର ଏହି ଦକ୍ଷତା ପାଇଁ ତାଙ୍କୁ କିଛି ସଂଗଠନ ପୁରସ୍କୃତ ମଧ୍ୟ କରିଛି । ଗୋଟିଏ ମିନିଟ୍‌ରେ ୨ଟି ହାତରେ କାନାଡ଼ା ଓ ଇଂରାଜୀର ୪୫ଟି ଶବ୍ଦ ଲେଖିବା ପାଇଁ ଲତା ଫାଉଣ୍ଡେସନ ପକ୍ଷରୁ ପୁରସ୍କୃତ ହୋଇଛନ୍ତି ଆଦି ସ୍ୱରୂପା । ସେପଟେ ଆଦି ସ୍ୱରୁପାଙ୍କୁ ତାଙ୍କର ଭିଜୁଆଲ୍‌ ମେମୋରୀ ପାଇଁ ଇଣ୍ଡିଆ ବୁକ୍‌ ଅଫ୍‌ ରେକର୍ଡରେ ସ୍ଥାନ ମିଳିଛି ।