ଦେଶରେ ପ୍ରଥମ : ନାଲି ଲେହଙ୍ଗା ପିନ୍ଧି ମଥାରେ ସିନ୍ଦୂର ନାଇ ନିଜକୁ ନିଜେ ବିବାହ କଲେ କ୍ଷମା

କ୍ଷମାଙ୍କ ହଳଦୀ ରଶମ୍‌

ବିବାହ ସମୟରେ ହଳଦୀ, ମେହେନ୍ଦୀ ରୀତିନୀତି ରସମ୍‌ ଅନୁଷ୍ଠିତ ହୋଇଛି । ବଦୋଦରାର ଗୋତ୍ରି ସ୍ଥିତ ନିଜ ଘରେ କ୍ଷମା ରୀତିନୀତି ଅନୁଯାୟୀ ବିବାହ କରିଛନ୍ତି । ଏହି ବିବାହରେ ବର କିମ୍ବା ପଣ୍ଡିତ ନଥିଲେ। ତେବେ ନିଜ ବାପାମା’ଙ୍କ ସହମତିରେ ସେ ଏହି ବିବାହ କହିଛନ୍ତି । ବିବାହରେ କ୍ଷମାଙ୍କର କିଛି ବିଶେଷ ବନ୍ଧୁ ମଧ୍ୟ ଯୋଗ ଦେଇଥିଲେ ।

କ୍ଷମାଙ୍କ ମେହେନ୍ଦୀ ରସମ୍‌

ବିବାଦ ପାଇଁ ବଦଳିଲା ତାରିଖ

ଜୁନ୍ ୧୧ ରେ ନିଜକୁ ନିଜେ ବିବାହ କରିବେ ବୋଲି କ୍ଷମା ଘୋଷଣା କରିଥିଲେ । ଆଉ ସେବେଠାରୁ ତାଙ୍କ ଘରକୁ ଲଗାତାର ବିଭିନ୍ନ ପ୍ରକାର ଲୋକ ଆସୁଥିଲେ। ତାଙ୍କ ପଡ଼ୋଶୀମାନେ ମଧ୍ୟ ଏହାକୁ ବିରୋଧ କରିଥିଲେ । ବିବାଦ ଉପୁଜିବାରୁ ଧାର୍ଯ୍ୟ ତାରିଖର ତିନି ଦିନ ପୂର୍ବରୁ ସେ ବିବାହ କରିଛନ୍ତି । ତେବେ ଏନେଇ କ୍ଷମା କହିଛନ୍ତି, ସେ ଧାର୍ଯ୍ୟ ତାରିଖ ପୂର୍ବରୁ ବିବାହ କରିବାକୁ ନିଷ୍ପତ୍ତି ନେଲେ, କାରଣ ସେ ଭୟ କରୁଥିଲେ ଜୁନ୍ ୧୧ରେ କେହି ତାଙ୍କ ଘରକୁ ଆସି ବିବାଦ ସୃଷ୍ଟି କରିପାରେ । ତେବେ କ୍ଷମା ସମ୍ପୂର୍ଣ୍ଣ ରୀତିନୀତିରେ ବିବାହ କରିଛନ୍ତି ।

ନିଜକୁ ନିଜେ ବାହା ହେବା ପରେ କଣ କହୁଛନ୍ତି କ୍ଷମା,ଶୁଣନ୍ତୁ... #SologamyInIndia#KshamaBindu#OTVpic.twitter.com/S3tc3ja660

— ଓଟିଭି (@otvkhabar) June 9, 2022

ସୂଚନା ଅନୁସାରେ କ୍ଷମା ବିବାହ କରିବାକୁ ଚାହୁଁନଥିଲେ ସୁଦ୍ଧା କନ୍ୟା ରୂପରେ ସଜେଇ ହେବାକୁ ଚାହୁଁଥିଲେ । ହେଲେ ବିବାହ ନକରି କନ୍ୟା ହେବା ସମ୍ଭବ ନଥିଲା । ତେଣୁ ସେ ନିଜେ ବିବାହ କରିବାକୁ ସ୍ଥିର କରିଥିଲେ । ଏହି ନିଷ୍ପତ୍ତି ନେବା ପୂର୍ବରୁ ଭାରତର କୌଣସି ମହିଳା ନିଜକୁ ବିବାହ କରିଛନ୍ତି କି ନାହିଁ, ସେ ସଂପର୍କରେ ଅନଲାଇନରେ ଅନୁସନ୍ଧାନ କରିଥିଲେ କ୍ଷମା । ହେଲେ ତାଙ୍କୁ କୌଣସି ସନ୍ତୋଷଜନକ ଫଳାଫଳ ମିଳିନଥିଲା । କ୍ଷମାଙ୍କ ଅନୁସାରେ, ଲୋକମାନେ ଯାହାକୁ ଭଲ ପାଆନ୍ତି ତାଙ୍କୁ ବିବାହ କରନ୍ତି । ମୁଁ ନିଜକୁ ଭଲ ପାଏ ଏବଂ ସେଥିପାଇଁ ମୁଁ ନିଜକୁ ବିବାହ କରୁଛି ।