ବର୍ଷକୁ କୋଟିଏ ଟଙ୍କା ରୋଜଗାର କରୁଛନ୍ତି କିନ୍ତୁ ଖୁସି ନାହାନ୍ତି । ଏଭଳି ଶୁଣି ଆପଣଙ୍କୁ ଆଶ୍ଚର୍ଯ୍ୟ ଲାଗୁଥିବ ନିଶ୍ଚୟ । ଭାରତରେ ଜଣେ ୨୮ ବର୍ଷୀୟ ଉଦ୍ୟୋଗୀ ବାର୍ଷିକ ୧ କୋଟି ଟଙ୍କା ରୋଜଗାର କରିବା ସତ୍ତ୍ୱେ କିପରି ଖୁସି ନାହାନ୍ତି ତାହା ଏବେ ସୋସିଆଲ ମିଡିଆରେ ଚର୍ଚ୍ଚ।ର ପ୍ରସଙ୍ଗ ପାଲଟିଛି ।
ଏକ ସୋସିଆଲ ସାଇଟରେ ସେ ନିଜର ଜୀବନ ଯାତ୍ରା ଉପରେ ଲେଖିଛନ୍ତି । ଏଥିରେ ନିଜର ବେଡରୁମର ଫଟୋ ବି ଦେଇଛନ୍ତି । ଲେଖିଛନ୍ତି ମୋ ପାଖରେ ଏକ ଭଲ ପ୍ରିମିୟମ୍ କାର ଅଛି, ବିଦେଶ ଯାତ୍ରା ବି କରିଛି, ୨ କୋଟି ଟଙ୍କାରପାଣ୍ଠି ଅଛି ଏବଂ ଏବେ ଏକ ବଙ୍ଗଳା କିଣିବା ପାଇଁ ଟଙ୍କା ସଂଗ୍ରହ କରୁଛି ।
ଏହା ଉପରେ ଜଣେ ୟୁଜର କମେଣ୍ଟରେ ଲେଖିଥିଲେ ଆପଣ ଖୁସି ଅଛନ୍ତି କି ନାହିଁ । ବ୍ୟବସାୟୀ ଜଣକ ରିପ୍ଲାଏରେ ଲେଖିଥିଲେ ନା’ ମୁଁ ଖୁସି ନାହିଁ ।
Also Read
୨୮ ବର୍ଷୀୟ ଉଦ୍ୟୋଗୀ ଜଣକ ଲେଖିଛନ୍ତି "ମୁଁ ନିମ୍ନ ମଧ୍ୟବିତ୍ତ ବର୍ଗରୁ ଆସିଛି । ଦ୍ବାଦଶ ପରେ ମୁଁ ସ୍କଲାରସିପ୍ ସହିତ CA କଲି । ୨୦୧୭ରେ ଏକ ଷ୍ଟାର୍ଟଅପ୍ ଆରମ୍ଭ କରି ୧ ଲକ୍ଷ ଟଙ୍କା ବିନିଯୋଗ କରିଥିଲି। ଏଥିରେ ସମ୍ପୂର୍ଣ୍ଣ ବିଫଳ ହୋଇଥିଲି। ୨୦୨୦ରେ କୋଭିଡ୍ ପିକ୍ ସମୟରେ ମୁଁ ମୋର ସିଏ ଫାଇନାଲ ଇୟରରେ ଥିଲି । ମୋର ପରୀକ୍ଷା ସ୍ଥଗିତ ହୋଇଗଲା ।
ପରେ ମୁଁ ଏକ ଅନଲାଇନ୍ ସେବା ଆଧାରିତ ବ୍ୟବସାୟ ଆରମ୍ଭ କଲି । କେବଳ ଇନଷ୍ଟାଗ୍ରାମ ମାର୍କେଟିଂ ଦ୍ୱାରା ଗୋଟିଏ ଟଙ୍କାବି ବିନିଯୋଗ ନକରି ପ୍ରତି ମାସରେ ୧-୨ ଲକ୍ଷ ଟଙ୍କା ରୋଜଗାର କରିବା ଆରମ୍ଭ କଲି ।
ମୁଁ ଅନେକ ବ୍ୟବସାୟ କରୁଛି । ଏହି ଜୁନରେ ଦୁବାଇରେ ବ୍ୟବସାୟ ଆରମ୍ଭ କରିଛି । ଏହାର କାର୍ଯ୍ୟ ମଧ୍ୟ ଆରମ୍ଭ କରିଛି। ସବୁଠାରୁ ବଡ଼ କଥା ହେଉଛି ମୁଁ କେବେ ମୋ ନିଜସ୍ୱ ଟଙ୍କାରୁ ଗୋଟିଏ ଟଙ୍କା ବିନିଯୋଗ କରିନାହିଁ । କେବଳ ବ୍ୟବସାୟ ଆୟରୁ ପୁନଃନିବେଶ କରିଛି ଏବଂ କୌଣସି ଋଣ କରିନାହିଁ ।
ଏହି ପୋଷ୍ଟଟି ଅନେକ ଲୋକଙ୍କ ଦୃଷ୍ଟି ଆକର୍ଷଣ କଲା, ତାଙ୍କ ସଫଳତା ପାଇଁ ଅନେକ ପ୍ରଶଂସା କଲେ। ତଥାପି ଜଣେ ୟୁଜର ପଚାରିଲେ ଆପଣ ଖୁସି ଅଛନ୍ତି ସେ କହିଥିଲେ ନା ।
ଉଦ୍ୟୋଗୀ ଜଣକ କହିଛନ୍ତି ପୂର୍ବରୁ ଖୁସି ଥିଲି କିନ୍ତୁ ଏବେ ସବୁବେଳେ ଚାପଗ୍ରସ୍ତ ରହୁଛି ।ସତ କହିବାକୁ ଗଲେ... ବହୁତ ଖୁସି ନୁହଁ। ମୁଁ ଜଣେ ମଜାଳିଆ ବ୍ୟକ୍ତି ଥିଲି । ଏବେ ଚାପଗ୍ରସ୍ତ। ସ୍ୱାସ୍ଥ୍ୟ ଖରାପ। ଟଙ୍କା ଅଛି କିନ୍ତୁ ଉପଭୋଗ କରିପାରୁନାହିଁ କିମ୍ବା ବୁଲିବାକୁ ଯାଇ ପାରୁନାହି। ଅନେକ ଘଣ୍ଟା ଧରି କାମ କରିବାକୁ ପଡୁଛି