LIVE TV
ଖାଦ୍ୟ, ପୋଷାକ ଏବଂ ଘର ପ୍ରତ୍ୟେକ ମଣିଷର ମୌଳିକ ଆବଶ୍ୟକତା। ଆଜିର ଦୁନିଆରେ ମଧ୍ୟ ଏମିତି କିଛି ବ୍ୟକ୍ତି ଅଛନ୍ତି ଯେଉଁମାନେ ଏହି ମୌଳିକ ଆବଶ୍ୟକତାକୁ ମଧ୍ୟ ପୂରଣ କରିବାରେ ଅସମର୍ଥ ହୁଅନ୍ତୁ। ହରିୟାଣାର ଯମୁନାନଗରରେ ଜଣେ ଶିଖ ସାଧୁ ଅଛନ୍ତି, ଯିଏ ଏମାନଙ୍କ ସାହାରା ହୋଇଛନ୍ତି।
ଗରିବ ଏବଂ ଅସହାୟ ଲୋକଙ୍କ ପାଇଁ ସେ ସୁନ୍ଦର ଘର ତିଆରି କରିବା ସହ ସେମାନଙ୍କୁ ସମାଜର ମୁଖ୍ୟ ସ୍ରୋତରେ ସାମିଲ୍ କରିବା ପାଇଁ ବହୁ ବର୍ଷ ଧରି କାମ କରିଆସୁଛନ୍ତି। ସେ ହେଲେ ସନ୍ଥ ବାବା ଜସଦୀପ ସିଂଜ ଜୀ ମହାରାଜ। ସେ ଅଭାବୀ ଲୋକମାନଙ୍କ ପାଇଁ ଈଶ୍ୱରଙ୍କଠାରୁ କମ୍ ନୁହଁନ୍ତି।
ହରିଦ୍ୱାର-ଚଣ୍ଡିଗଡ଼ ରାଜପଥରେ ଯମୁନାନଗର ଜିଲ୍ଲାର ଗୁରୁଦ୍ୱାର ସାହେବରେ ବାବା ଜସଦୀପ ସିଂହଙ୍କୁ ଭେଟିବା ପାଇଁ ଲୋକମାନେ ଦୂରଦୂରାନ୍ତରୁ ଆସିଥାନ୍ତି। ସେ ୨୫ ବର୍ଷ ପୂର୍ବେ ଗୁରୁଙ୍କ ପାଦତଳେ ନିଜ ଜୀବନକୁ ଉତ୍ସର୍ଗ କରିଥିଲେ। କିଛି ବର୍ଷ ପୂର୍ବେ ଏକ ପରିବାର ଏହି ଗୁରୁଦ୍ୱାର ସାହିବକୁ ଆସିଥିଲେ। ତାଙ୍କ ପାଖରେ ଘର ନଥିଲା। ଏହି କାରଣ ପିଲାମାନେ ତାଙ୍କୁ ପଚାରୁ ନଥିଲେ। ପରିବାରର ଆଖିରେ ଲୁହ ଦେଖି ବାବା ସେମାନଙ୍କ ସହ କଥା ହୋଇଥିଲେ।
Also Read
ପରିବାରର ଦୁଃଖ ଜାଣି ସେ ମଧ୍ୟ ବହୁତ ବିବ୍ରତ ହୋଇପଡିଥିଲେ। ବାବା ସେହି ପରିବାରର ଘରକୁ ଯାଇ ସେମାନଙ୍କ ଅବସ୍ଥା ମଧ୍ୟ ପରୀକ୍ଷା କରିଥିଲେ। ଏହା ପରେ ବାବା ଗୁରୁଦ୍ୱାର ସାହେବରେ ଜମା ହୋଇଥିବା ଟଙ୍କାରେ ସେହି ପରିବାର ପାଇଁ ଘର ନିର୍ମାଣ କରିଥିଲେ, ଯାହା ପରେ ପରିବାରର ପିଲାମାନଙ୍କ ମଧ୍ୟରେ ସମ୍ପର୍କ ମଧ୍ୟ ସ୍ଥିର ହୋଇଥିଲା। ବର୍ତ୍ତମାନ ପରିବାରର ସୁଖ କହିଲେ ନ ସରେ।
ଏହା ପରେ ଆହୁରି ଅଧିକ ଅଭାବୀ ଏବଂ ଗରିବ ପରିବାର ବାବାଙ୍କ ନିକଟକୁ ଆସିବା ଆରମ୍ଭ କଲେ। ଧିରେ ଧିରେ ସମାଜର କିଛି ପରୋପକାରୀ ଭଦ୍ରଲୋକ ମଧ୍ୟ ବାବାଙ୍କୁ ସାହାଯ୍ୟ କରିବା ପାଇଁ ପ୍ରସ୍ତାବ ଦେବା ଆରମ୍ଭ କଲେ। ବାବା ମଧ୍ୟ ଅନୁଭବ କଲେ ଯେ ଭଗବାନ ତାଙ୍କ ମାଧ୍ୟମରେ ଅସହାୟ ଲୋକଙ୍କୁ ସାହାଯ୍ୟ କରିବାକୁ ଚାହୁଁଛନ୍ତି। ତେଣୁ କାହାର ଧର୍ମ ଏବଂ ଜାତିକୁ ନ ଦେଖି ସେ ପ୍ରତ୍ୟେକ ହିତାଧିକାରୀ ପରିବାରକୁ ସାହାଯ୍ୟ କରିବାକୁ ଲାଗିଲେ।
ମାନବ ସେବା ହିଁ ମାଧବ ସେବା:
ବାବା କହିଛନ୍ତି ଯେ ଆମର ଧାର୍ମିକ ଶାସ୍ତ୍ର, ପିର ପେଗମ୍ବର ଏବଂ ଗୁରୁ ମଧ୍ୟ ବିଶ୍ୱାସ କରିଛନ୍ତି ଯେ ମାନବର ସେବା ହେଉଛି ମାଧବଙ୍କ ସେବା। ଶ୍ରୀ ଗୁରୁ ନାନକ ଦେବ ଜୀ ଏହା ମଧ୍ୟ କହିଛନ୍ତି ଯେ ଗରିବଙ୍କ ମୁହଁ ହେଉଛି ଗୁରୁଙ୍କ ଗୋଲକ। ଅର୍ଥାତ୍ ଗୁରୁଙ୍କ ଗୋଲକର ଅର୍ଥ ଗରିବଙ୍କ ପାଇଁ ଖର୍ଚ୍ଚ ହେବା ଉଚିତ।
୫୦ ଘର ବସେଇ ସାରିଲେଣି:
ବାବା ଜସଦୀପ ସିଂହ କହିଛନ୍ତି ଯେ କିଛି ବର୍ଷ ମଧ୍ୟରେ ସରକାର, ସମାଜ ତଥା ପରୋପକାରୀ ଭଦ୍ରଲୋକଙ୍କ ସାହାଯ୍ୟରେ ସେ ୫୦ ଗରିବ ଏବଂ ଅଭାବୀ ପରିବାରକୁ ମଧ୍ୟବିତ୍ତ ଜୀବନ ଦେଇଛନ୍ତି। ତାଙ୍କର ପରିସର ଛୋଟ ହୋଇପାରେ କିନ୍ତୁ ପ୍ରୟାସ ବହୁତ ବଡ ବୋଲି ସେ କହିଛନ୍ତି।
