LIVE TV
ସେ ଆଉ ଅନାଥ ହୋଇ ରହିବନି ...ବାପାମା’ଙ୍କ କୋଳରେ ଖେଳିବ..ଅଝଟ ହେଲେ ବୁଝାଇବାକୁ ପୂରା ପରିବାର ମିଳିଯାଇଛି । ଦିନେ ଭାଗବାନ କୁନି ଶିଶୁଠୁ ତା’ ବାପାମା’ଙ୍କୁ ଛଡ଼ାଇ ନେଇଥିବା ବେଳେ ଏବେ ଦେଇଛନ୍ତି ଏକ ନୂତନ ପରିବାର।ବାପା ମା ଛେଉଣ୍ଡ କୋମଳମତି ଶିଶୁ କନ୍ୟା ଖୁସି ଏବେ ଯିବ ଫିନଲ୍ୟାଣ୍ଡ।
ସମ୍ବଲପୁର ଶିଶୁ ଯତ୍ନ ଅନୁଷ୍ଠାନରେ ରହି ଲାଳନ ପାଳନ ହେଉଥିବା ଖୁସିକୁ ପୋଷ୍ୟକନ୍ୟା ଭାବେ ଗ୍ରହଣ କରିଛନ୍ତି ବିଦେଶୀ ଦମ୍ପତି । ପୂର୍ବରୁ ଏହାର ଆଇନଗତ ପ୍ରକ୍ରିୟା ସମ୍ପାଦିତ ହୋଇଥିବା ବେଳେ ଗତକାଲି ଫିନଲ୍ୟାଣ୍ଡର ମହିଳା ଲୌରା ଏଲେନା ଖୁସିକୁ ଜିଲ୍ଲା ପ୍ରଶାସନ ଠାରୁ ନିଜ କୋଳକୁ ନେଇଛନ୍ତି । ସମ୍ବଲପୁର ଜିଲ୍ଲାପାଳଙ୍କ କାର୍ଯ୍ୟାଳୟରେରେ ଲୌରା ଖୁସିକୁ ଗ୍ରହଣ କରି ବେଶ୍ ଖୁସି ବ୍ୟକ୍ତ କରିଛନ୍ତି ।
Also Read
ଏହି ଅବସରରେ ଆରଡିସି ଡକ୍ଟର ସୁରେଶ ଚନ୍ଦ୍ର ଦଳେଇ ଏବଂ ଜିଲ୍ଲାପାଳ ଅନନ୍ୟା ଦାସ ଶିଶୁର ନୂତନ ମାଆ ଲୌରାଙ୍କ ସହ ସମସ୍ତ ବିଷୟ ଆଲୋଚନା କରିଥିବା ବେଳେ ଶିଶୁ କନ୍ୟାର ଉଜ୍ଜଳ ଭବିଷ୍ୟତ କାମନା କରିଛନ୍ତି । ଅନ୍ୟ ମାନଙ୍କ ମଧ୍ୟରେ ଅତିରିକ୍ତ ଜିଲ୍ଲାପାଳ ଉମାକାନ୍ତ ରାଜ, ଉପ ଜିଲ୍ଲାପାଳ ମିତାଲି ମଧୁସ୍ମିତା ଦଳେଇ, ଜିଲ୍ଲା ଶିଶୁ ସୁରକ୍ଷା ଅଧିକାରୀ ଶୁଚିସ୍ମିତା ପଟ୍ଟନାୟକ ପ୍ରମୁଖ ଉପସ୍ଥିତ ଥିଲେ ।
