Stomach Problems: ବର୍ଷା ଋତୁରେ କେମିତି ନେବେ ଶିଶୁମାନଙ୍କ ଯତ୍ନ...ଜାଣନ୍ତୁ କିଛି ଟିପ୍‌ସ

ବର୍ଷା ଋତୁରେ ଦେଖା ଯାଉଥିବା ପେଟ ସମସ୍ୟା: 

● ଡାଇରିଆ: ପତଳା ଏବଂ ତରଳ ଝାଡ଼ା, ଡିହାଇଡ୍ରେସନ୍‌ର ଭୟ ରହିଥାଏ 

● ବାନ୍ତି: ଖାଦ୍ୟରେ ଜୀବାଣୁ ସ°କ୍ରମଣ କାରଣରୁ ଏବଂ ଭୁତାଣୁ କାରଣରୁ 

● ପେଟ କାଟିବା, ଦୁର୍ଗନ୍ଧ ବାୟୁ ନିର୍ଗତ ହେବା

● ବଦହଜମି ଏବଂ ପେଟ ଫାମ୍ପିବା

● ଭୋକ ନହେବା

● ଜିଆର୍ଡିଆ ଏବଂ କୃମି ସଂକ୍ରମଣ

ଲକ୍ଷଣ: 

● ହଠାତ୍ ପତଳା, ତରଳ ଝାଡ଼ା ହେବା

● ଓଠ ଶୁଖିଲା ଦିଶିବା ଏବଂ ଆଖି କୋରଡରେ ପଶିଯିବା (ଡିହାଇଡ୍ରେସନର ଲକ୍ଷଣ)

● ଖେଳା ଖେଳି ନକରି ମାନ୍ଦା ଏବଂ ହାଲିଆ ହୋଇ ବସିବା

● ଚିଡଚିଡା ହେବା, କାନ୍ଦିବା

● ଜ୍ବର ଆସି ପେଟ କାଟିବା 

● ଖାଦ୍ୟ -ପାନୀୟ ପ୍ରତି ଆଗ୍ରହ ପ୍ରକାଶ ନକରିବା

● ୨୪ ଘଣ୍ଟାରୁ ଅଧିକ ସମୟ ଧରି ଲକ୍ଷଣ ଲାଗି ରହିଲେ ଡାକ୍ତରଙ୍କ ପରାମର୍ଶ ନିଅନ୍ତୁ 

ସଂକ୍ରମଣର କାରଣ: 

● ସଫା ହୋଇନଥିବା ପାଣି ବଟଲ୍, କ୍ଷୀର ବଟଲ୍, ପାଣି ଟାଙ୍କି କିମ୍ବା ଫୁଟା ହୋଇନଥିବା ପାଣି ପିଇବା ଦ୍ବାରା 

● ସଫା ହୋଇନଥିବା ବାସନରେ ଖାଦ୍ୟ ଖାଇବା 

● ହାତ ସଫା ନକରି ଖାଦ୍ୟ ଖାଇବା

● ପିଲାମାନେ ପକା/ ଫ୍ଲୋର, ଖେଳନା ଏବଂ ମାଟି ଆଦିକୁ ହାତରେ ଧରି ପାଟିରେ ଲଗାଇବା 

● ଧୁଆ କିମ୍ବା ସଫା ନହୋଇଥଗବା ଫଳ କିମ୍ବା ପନିପରିବା ଖାଇବା 

● ସନ୍ତସନ୍ତିଆ ପାଗ ଏବଂ ଆପେକ୍ଷିକ ଆଦ୍ରତା କାରଣରୁ ଜଳବାୟୁରେ ଜୀବାଣୁ ଏବଂ ଅନ୍ୟାନ୍ୟ ପରଜୀବୀ ବଂଶବୃଦ୍ଧି କରି ସ°କ୍ରମିତ କରିବା 

ପ୍ରତିରୋଧର ଉପାୟ: 

● ପିଲାଙ୍କ ପିଇବା ପାଣି ଫୁଟାଇ, ଥଣ୍ଡା କରି ଦିଅନ୍ତୁ 

● ପିଇବା ପାଣି ପାତ୍ର, ବଟଲ୍ ଏବଂ ଖାଦ୍ୟ ପାତ୍ର ପାଣିରେ ଫୁଟାଇ ରଖନ୍ତୁ 

● ଫଳ କିମ୍ବା କଞ୍ଚା ପରିବା ସଫା କରି ଦିଅନ୍ତୁ

● ପିଲାମାନଙ୍କୁ ପାଟିରେ କୌଣସି ଜିନିଷ ମାରିବାରୁ ରୋକିବା ଅସମ୍ଭବ, ତେଣୁ ନିଜେ ପକା, ଖେଳଣା ଆଦି ସଫା ରଖନ୍ତୁ 

● ରାସ୍ତାକଡ ଠେଲା କିମ୍ବା ବାହାର ହୋଟେଲରୁ ଖାଦ୍ୟ ଦିଅନ୍ତୁ ନାହିଁ 

● ରାସ୍ତା କାଦୁଅ କିମ୍ବା ଜମା ହୋଇଥିବା ପାଣିରେ ଛୁଆଙ୍କୁ ଖେଳିବା ପାଇଁ ଦିଅନ୍ତୁ ନାହିଁ 

● ଛୁଆଙ୍କୁ ଖାଲି ପାଦରେ ବାହାରକୁ ଛାଡ଼ନ୍ତୁ ନାହିଁ 

ସାଧାରଣ ଲକ୍ଷଣର ଘରୋଇ ଉପଚାର: 

● ବାରମ୍ବାର ଓଆରେସ/ ORS ଦିଅନ୍ତୁ 

● ହାଲୁକା ଖାଦ୍ୟ ଦିଅନ୍ତୁ: ପତଳା ଖେଚୁଡ଼ି, ଦହି, ପଖାଳ, ତୋରାଣୀ, ପାଚିଲା କଦଳୀ 

● ଦହି ଛଡ଼ା କ୍ଷୀର ଏବଂ ଅନ୍ୟାନ୍ୟ କ୍ଷୀର ଜାତ ଦ୍ରବ୍ୟ ଦିଅନ୍ତୁ ନାହିଁ 

● ନିୟମିତ ସ୍ତନ୍ୟପାନ କରାନ୍ତୁ 

● ପ୍ରତି ୧୦-୧୫ ମିନିଟରେ ଢୋକେ ଢୋକେ କରି ପାଣି ଦିଅନ୍ତୁ

● ଡାକ୍ତରଙ୍କ ବିନା ପରାମର୍ଶରେ ଆଣ୍ଟିବାୟୋଟିକ୍ସ ଦିଅନ୍ତୁ ନାହିଁ 

କ’ଣ ଖାଇବା ପାଇଁ ଦେବେ: 

● ଘରେ ପ୍ରସ୍ତୁତ ଦହି ଏବଂ ଘୋଳଦହି

● କଦଳୀ, ସିଝା ଆପଲ୍

● ମୁଗ ଡାଲି ଖେଚୁଡ଼ି

● ପଇଡ଼ ପାଣି