ପ୍ରତିଦିନ କରନ୍ତୁ ଏହି ୩ ଧ୍ୟାନଯୋଗ,ଆସିବ ସୁଖ ନିଦ୍ରା

ଧ୍ୟାନ ଆପଣଙ୍କୁ ଭଲ ନିଦ ଆସିବାରେ ସାହାଯ୍ୟ କରିଥାଏ ଏବଂ ମନର ଅନ୍ୟ ଚାପକୁ ଦୂର କରି ମନକୁ ଶାନ୍ତ କରିବାରେ ମଧ୍ୟ ସାହାଯ୍ୟ କରିଥାଏ । ପ୍ରତିଦିନ ଧ୍ୟାନ କରିବା ଦ୍ୱାରା ଏହା ଶରୀରର ମେଲାଟୋନିନ୍ ଏବଂ ସେରୋଟୋନିନ୍ ବୃଦ୍ଧି କରାଇଥାଏ ଏବଂ ରକ୍ତଚାପ ଏବଂ ହୃଦସ୍ପନ୍ଦନକୁ ହ୍ରାସ କରିଥାଏ ।

ଚାପଗ୍ରସ୍ତ ଜୀବନ,​​ଅଧିକ କାର୍ଯ୍ୟଭାର ଯୋଗୁଁ ବିଳମ୍ବିତ ରାତିରେ ଶୋଇବା ଏକ ସାଧାରଣ କଥା ହୋଇଗଲାଣି । ନିଦ୍ରାହୀନତା ଏଭଳି ଏକ ରୋଗ,ଯାହା ଔଷଧ ଦ୍ୱାରା ମଧ୍ୟ ସମ୍ପୂର୍ଣ୍ଣ ଆରୋଗ୍ୟ ହୋଇନଥାଏ । ନିଦ୍ରାହୀନତାପାଇଁ ଆମେ ଯେଉଁ ଔଷଧ ବ୍ୟବହାର କରିଥାଉ ତାହାର ଅନେକ ପାର୍ଶ୍ୱ ପ୍ରତିକ୍ରିୟା ମଧ୍ୟ ରହିଥାଏ ଯାହା ଆମ ଶରୀର ପାଇଁ ଅଧିକ ସମସ୍ୟା ସୃଷ୍ଟି କରିଥାଏ ।

ଅଧିକ ପଢ଼ନ୍ତୁ: ସବୁବେଳେ ଥଣ୍ଡା କାଶ ଲାଗି ରହୁଛି କି; କରନ୍ତୁ ଏହି ୪ଟି ଯୋଗାସନ

ହେଲ୍ଥ ଲାଇନ୍ ଡଟ୍ କମ୍‌ର ରିପୋର୍ଟ ଅନୁଯାୟୀ ଧ୍ୟାନ ଆପଣଙ୍କୁ ଭଲ ନିଦ କରିବାରେ ସାହାଯ୍ୟ କରିଥାଏ ଏବଂ ମନର ଚାପକୁ ଦୂର କରି ମନକୁ ଶାନ୍ତ କରିବାରେ ମଧ୍ୟ ସାହାଯ୍ୟ କରିଥାଏ । ଏହା ଶରୀରର ରକ୍ତଚାପ ଏବଂ ହୃଦସ୍ପନ୍ଦନକୁ ହ୍ରାସ କରିଥାଏ । ତେବେ ଆସନ୍ତୁ ଜାଣିବା କିଛି ମେଡିଟେସନ୍ ଓ ଧ୍ୟାନ ବିଷୟରେ..।

ମାନସିକ ଧ୍ୟାନ:

• ହେଲ୍ଥଲାଇନ୍ ଡଟ୍ କମ୍ ଅନୁଯାୟୀ, ସର୍ବପ୍ରଥମେ ଆପଣଙ୍କ ରୁମରେ ଥିବା ଫୋନ୍ ଏବଂ ଅନ୍ୟାନ୍ୟ ଇଲେକ୍ଟ୍ରୋନିକ୍ ଗ୍ୟାଜେଟ୍ ବାହାର କରି ଦିଅନ୍ତୁ ଏବଂ ତାପରେ ଆରାମରେ ଶୋଇପଡ଼ନ୍ତୁ ।
• ଶୋଇବା ପୂର୍ବରୁ ୧୦ ଥର ନିଶ୍ୱାସ ନିଅନ୍ତୁ ଏବଂ ୧୦ ଥର ନିଶ୍ୱାସ ଛାଡନ୍ତୁ। ଏହିଭଳି ଭାବେ ଅତି କମରେ ୫ ଥର କରନ୍ତୁ । ଯଦି ଏହି ସମୟ ମଧ୍ୟରେ କୌଣସି ଚିନ୍ତାଧାରା ଆପଣଙ୍କ ମନକୁ ଆସେ, ତେବେ ଆପଣଙ୍କର ନିଶ୍ୱାସ ଉପରେ ସମ୍ପୂର୍ଣ୍ଣ ଧ୍ୟାନ ଦିଅନ୍ତୁ ।

ଶରୀର ଶୁଦ୍ଧିକରଣ ଧ୍ୟାନ:

• ଶରୀର ଶୁଦ୍ଧିକରଣ ଧ୍ୟାନ ଦ୍ୱାରା ଆମେ ଆମ ଶରୀରର ପ୍ରତ୍ୟେକ ଅଙ୍ଗ ଉପରେ ଧ୍ୟାନ ଦେଇଥାଉ । ଏହି ଧ୍ୟାନ ଆରମ୍ଭରେ ସର୍ବପ୍ରଥମେ ଶୋଇଯାଅ ଏବଂ ଆଖି ବନ୍ଦ କରି ଧୀରେ ଧୀରେ ନିଶ୍ୱାସ ନିଅ । ତେବେ ଏହି ଧ୍ୟାନ କରିବା ସମୟରେ ନିଜ ଶରୀର ଉପରେ ଧ୍ୟାନ ଦିଅନ୍ତୁ,କିନ୍ତୁ ମନରେ ଧ୍ୟାନ ରଖନ୍ତୁ । ଏହି ଧ୍ୟାନ କରିବା ଦ୍ୱାରା ଶରୀରରେ ଏକାଗ୍ରତା ବଢିଥାଏ ।

ସହଯୋଗୀ ଧ୍ୟାନ:

• ସହଯୋଗୀ ଧ୍ୟାନ କରିବା ପୂର୍ବରୁ ସର୍ବପ୍ରଥମେ,ସଫ୍ଟ ମ୍ୟୁଜିକ୍ ବାଛନ୍ତୁ ଏବଂ ଏହାକୁ ମୋବାଇଲ୍ ଫୋନରେ ରଖନ୍ତୁ ଏବଂ ଆଖି ବନ୍ଦ କରି ଶୋଇ ଯାଆନ୍ତୁ । ଏହାପରେ ଧୀର ନିଶ୍ୱାସ ନେଇ ସଙ୍ଗୀତ ଉପରେ ଧ୍ୟାନ ଦିଅନ୍ତୁ । ଏଭଳି କରିବା ଦ୍ୱାରା ମଧ୍ୟ ସୁଖନିଦ୍ରା ଆସିଥାଏ।