Health Tips: ଓଜନ କମାଇବାର ନିଆରା ଉପାୟ; ୨୧ ଦିନରେ କମିଲା ୧୩ କେଜି

ଆଜିକାଲି ଓଜନ କମାଇବାକୁ ନେଇ ପ୍ରାୟ ସମସ୍ତଙ୍କ ଚିନ୍ତା। ଏନେଇ ଅକେକ ବିଭିନ୍ନ ଉପାୟ ଆପଣାନ୍ତି। କିଏ ଦୌଡେ, କିଏ ଜିମ୍ ଯାଏ, କିଏ ଯୋଗ କରେ, କିଏ ଖାଦ୍ୟ ନିୟନ୍ତ୍ରଣ କରେ ଏମିତି ଅନେକ ପଦକ୍ଷେପ ନିଅନ୍ତି। ଏସବୁ ପାଇଁ ଅନେକ ଦିନ ମଧ୍ୟ ଲାଗେ। କେହି କେହି ଉପକାର ନ ପାଇବା ମଧ୍ୟ ଦେଖାଯାଏ।

ଏଭଳି ପରିସ୍ଥିତିରେ ଆମେ ଯଦି କହିବୁ ଏମିତି କିଛି ଉପାୟ ଅଛି ଯାହାକୁ ଆପଣେଇଲେ ମାତ୍ର ୨୦/୨୨ ଦିନରେ ଜଣେ ପତଳା ହୋଇଯିବ। ଆପଣ କ’ଣ ଏହାକୁ ବିଶ୍ୱାସ କରିବେ? ବୋଧହୁଏ ନା। କିନ୍ତୁ ଏମିତି ଜଣେ ବ୍ୟକ୍ତି ଅଛନ୍ତି ଯିଏ ମାତ୍ର ୨୧ ଦିନରେ ତାଙ୍କ ଓଜନ କମେଇଛନ୍ତି।

ଅଧିକ ପଢ଼ନ୍ତୁ: Health Tips: ଓଜନ କମେଇବାର ୫ଟି ସରଳ ଉପାୟ; ପିଲା-ବୃଦ୍ଧ ସମସ୍ତେ କରିପାରିବେ

ମଧ୍ୟ ଆମେରିକା କୋଷ୍ଟାରିକାର ଜଣେ ବ୍ୟକ୍ତି ଅଳ୍ପ ସମୟ ମଧ୍ୟରେ ଓଜନ ହ୍ରାସ କରିବାର ଅନନ୍ୟ ପଦ୍ଧତି ପାଇଁ ଲୋକପ୍ରିୟତା ହାସଲ କରିଛନ୍ତି। ଜଳ ଉପବାସ ଦ୍ୱାରା ଆଡିସ୍ ​​ମିଲର୍ ନାମକ ଜଣେ ବ୍ୟକ୍ତି ମାତ୍ର ୨୧ ଦିନରେ ୧୩ କିଲୋଗ୍ରାମ ହ୍ରାସ କରିଛନ୍ତି। ସେ ତାଙ୍କର ଏହି ଯାତ୍ରା ଜୀବନର ପରିବର୍ତ୍ତନ ବୋଲି କହୁଛନ୍ତି। ଆଡିସ୍ ​​ୟୁଟ୍ୟୁବରେ ଏକ ଭିଡିଓ ଶେୟାର କରି ତାଙ୍କର ପରିବର୍ତ୍ତନ ଯାତ୍ରା ବିଷୟରେ ବିସ୍ତୃତ ଭାବରେ କହିଛନ୍ତି।

ଭିଡିଓରେ ଆଡିସ୍ ​​ମିଲର୍ କହିଛନ୍ତି, "ଚଳିତ ବର୍ଷ ଆରମ୍ଭରେ, ମୁଁ କୋଷ୍ଟାରିକାରେ ଏକ ୨୧ ଦିନିଆ ଜଳ ଉପବାସ ଆରମ୍ଭ କରିଥିଲି। ଏହି ଅନୁଭୂତି ମୋ ପାଇଁ ବାସ୍ତବରେ ଜୀବନ ପରିବର୍ତ୍ତନ ଭଳି ଥିଲା ଏବଂ ମୁଁ ମୋର ଏହି ଯାତ୍ରାର କିଛି ମୂଲ୍ୟବାନ ମୁହୂର୍ତ୍ତ ଶେୟାର୍ କରିବାକୁ ଉତ୍ସାହିତ।"

ଅଧିକ ପଢ଼ନ୍ତୁ: Health Tips: କମ୍ ବୟସରେ ଜିମ୍ ଗଲେ ହୋଇଥାଏ ଏହି ୪ଟି କ୍ଷତି; ଜାଣନ୍ତୁ

ସେ ଆହୁରି ମଧ୍ୟ କହିଛନ୍ତି, "ଆରମ୍ଭରୁ ମୁଁ ଅନୁଭବ କଲି ଯେ ମୋର ଶରୀର ସଫା ହେଉଛି। ମୋର ପେଟ ଗଡଗଡ ହେଉଥିଲା, ମୁଁ ଥକି ଯାଇଥିଲି।" ମିଲର୍ କହିଛନ୍ତି ଯେ ପ୍ରାରମ୍ଭିକ ଦିନ କଷ୍ଟସାଧ୍ୟ ଥିଲା ଏବଂ ତାଙ୍କର ଶକ୍ତି ହ୍ରାସ ହେଉଥିଲା। ଦିନସାରା କ୍ରମାଗତ ଭାବରେ ଟିକେ ଟିକେ ପାଣି ପିଉଥିଲେ। ପ୍ରାରମ୍ଭରେ, ସେ ଦିନକୁ ଚାରି ଲିଟର ପାଣି ପିଉଥିଲେ, କିନ୍ତୁ କିଛି ଦିନ ପରେ ତାଙ୍କୁ ଲାଗିଲା ଯେ ଆହୁରି ଅଧିକ ପାଣି ପି‍ଇବାର ଅଛି। କାରଣ ସକାଳେ ଉଠୁ ଉଠୁ ତାଙ୍କ ଚର୍ମ ଶୁଖିଲା ଏବଂ ନାଲି ଆଖି ନାଲି ପଡିଯାଉଥିଲା।

ସେ ୨୯ ମିନିଟର ଏହି ଭିଡିଓରେ କହିଛନ୍ତି ଯେ, “ପ୍ରତ୍ୟେକ ଦିନ ମୋ ଶରୀର ଶାରୀରିକ ସ୍ତରରେ ଦୁର୍ବଳ ହୋଇପଡୁଥିଲା, ତେଣୁ ଚାଲିବାରେ ମୋର ଅସୁବିଧା ହେଉଥିଲା।” ମିଲର୍ ଆହୁରି କହିଛନ୍ତି ଯେ ଉପବାସର ୧୪ ଦିନ ଏକ ଗୁରୁତ୍ୱପୂର୍ଣ୍ଣ ମୁହୂର୍ତ୍ତ ଥିଲା କାରଣ ସେଦିନ ତାଙ୍କ ପାଇଁ ସବୁକିଛି ବଦଳିଗଲା। ସେ ପ୍ରକୃତି ସହିତ ଯୋଡି ହୋଇଗଲେ ଏବଂ ତାଙ୍କ ଚାରିପାଖରେ ଥିବା ଜିନିଷଗୁଡିକୁ ଅନୁଭବ କଲେ। ସେ କହିଛନ୍ତି, "ଏହା ଏକ ପ୍ରାକୃତିକ ପ୍ରକ୍ରିୟା ଥିଲା। ମୁଁ ସେହି ଆନନ୍ଦ ସ୍ତରରେ ପ୍ରବେଶ କରିଥିଲି, ଭାବନା ଏବଂ ସମ୍ବେଦନତା ବହୁତ ଅଧିକ ଥିଲା।"

ମିଲର କହିଛନ୍ତି ଯେ ତାଙ୍କ ଶରୀର ଦୁର୍ବଳ ହେବାକୁ ଲାଗୁଥିଲା, କିନ୍ତୁ ସେ ଅଧିକ ଶକ୍ତିଶାଳୀ ହେବାକୁ ଲାଗୁଥିଲେ।

ଜଳ ଉପବାସ କ’ଣ:

ଜଳ ଉପବାସ ହେଉଛି ଏକ ପ୍ରକାର ଉପବାସ ଯେଉଁଥିରେ ଜଳ ବ୍ୟତୀତ ସବୁକିଛି ନିଷେଧ। ଏହା ପ୍ରାକୃତିକ ଚିକିତ୍ସାର ଏକ ଅଂଶ। ଓଜନ ହ୍ରାସ କରିବାର ଦ୍ରୁତ ଉପାୟ ଭାବରେ ଏହା ନିକଟ ଅତୀତରେ ଖୁବ ଲୋକପ୍ରିୟତା ହାସଲ କରିଛି। ଗବେଷଣାରୁ ଜଣାଯାଏ ଯେ ଜଳ ଉପବାସରେ ସ୍ୱାସ୍ଥ୍ୟ ପାଇଁ ସ୍ୱତନ୍ତ୍ର ଲାଭ ମିଳିଥାଏ।

ଅଧିକ ପଢ଼ନ୍ତୁ: Health Tips: ଆପଣ ଘଣ୍ଟା ଘଣ୍ଟା ଧରି ହାଇ ଇଣ୍ଟେନ୍‌ସିଟି ୱାର୍କଆଉଟ୍ କରୁଛନ୍ତି କି; ହୋଇପାରେ ଏମିତି ସମସ୍ୟା

ଏହା କେତେକ କ୍ରୋନିକ୍ ରୋଗର ସମ୍ଭାବନାକୁ ହ୍ରାସ କରେ ଏବଂ ଅଟୋଫାଗିକୁ ପ୍ରୋତ୍ସାହନ ଦିଏ, ଯାହା ଏକ ଶାରୀରିକ ପ୍ରକ୍ରିୟା ଯାହା ଶରୀରର ପୁନର୍ଚକ୍ରଣ ଏବଂ ପୁରୁଣା କୋଷ ଉପାଦାନଗୁଡ଼ିକର ଭାଙ୍ଗିବାରେ ସାହାଯ୍ୟ କରିଥାଏ। ଅନେକ ଲୋକ ଧାର୍ମିକ କିମ୍ବା ଆଧ୍ୟାତ୍ମିକ କାରଣରୁ କିମ୍ବା ଓଜନ ହ୍ରାସ କରିବା ପାଇଁ ଏହି ଉପବାସକୁ ପାଳନ କରନ୍ତି।

ଯଦି ଏହାକୁ ଦୀର୍ଘ ଦିନ ଧରି କରାଯାଏ, ତେବେ ଏହା ମାଂସପେଶୀ ହ୍ରାସ, ପୋଷକ ତତ୍ତ୍ୱର ଅଭାବ, ଡିହାଇଡ୍ରେସନ୍ ଏବଂ ଖାଇବା ବ୍ୟାଧି ସହିତ ଗୁରୁତର ସ୍ୱାସ୍ଥ୍ୟ ସମସ୍ୟା ସୃଷ୍ଟି କରିପାରେ। ଜଳ ଉପବାସ ଆରମ୍ଭ କରିବା ପୂର୍ବରୁ ଡାକ୍ତରଙ୍କ ସହ ପରାମର୍ଶ କରିବା ଏବଂ ଜଣେ ଦକ୍ଷ ପ୍ରଶିକ୍ଷକଙ୍କ ତତ୍ତ୍ୱାବଧାନରେ କରିବା ସବୁଠାରୁ ଗୁରୁତ୍ୱପୂର୍ଣ୍ଣ।