Health Tips: ବିସ୍କୁଟ, କେକ୍ ଆଦି ଖାଉଥିଲେ ସାବଧାନ! ହୋଇପାରେ ହାର୍ଟ୍ ଆଟାକ୍; ଜାଣନ୍ତୁ କାରଣ

ଆପଣ ଯେତେ ସୁସ୍ଥ ଖାଦ୍ୟ ଖାଆନ୍ତୁ ନା କାହିଁକି, ଯଦି ଆପଣଙ୍କର ବିସ୍କୁଟ, କେକ୍, କୁର୍‌କୁରି ଆଦି ଜିନିଷ ଖାଇବାର ଅଭ୍ୟାସ ଅଛି ତେବେ ଏହା ହୃଦଘାତ କିମ୍ବା ଷ୍ଟ୍ରୋକ୍‌ର ଆଶଙ୍କା ହୋଇପାରେ। ଏ କଥା ଆମେ ନୁହେଁ ବରଂ ବ୍ରିଟେନରେ କରାଯାଇଥିବା ଏକ ଅଧ୍ୟୟନରେ କୁହାଯାଇଛି।

ଏହି ଅଧ୍ୟୟନ ପରେ ବ୍ରିଟିଶ ସରକାର ଖାଦ୍ୟ ତାଲିକାରୁ ବିସ୍କୁଟ ଏବଂ କେକ୍ ପରି ସ୍ନାକ୍ସ ହଟାଇବାକୁ ଯୋଜନା କରୁଛନ୍ତି। ଲଣ୍ଡନର ଅନୁସନ୍ଧାନକାରୀମାନେ ୮୫୦ରୁ ଅଧିକ ଲୋକଙ୍କ ଖାଇବା ଅଭ୍ୟାସ ଉପରେ ଅଧ୍ୟୟନ କରିବା ପରେ ଏହି ସିଦ୍ଧାନ୍ତରେ ପହଞ୍ଚିଛନ୍ତି।

ଏହି ଅଧ୍ୟୟନରୁ ଜଣାପଡିଛି ଯେ ଚାରି ଜଣଙ୍କ ମଧ୍ୟରୁ ଜଣଙ୍କର ହୃଦଘାତ ଏବଂ ଷ୍ଟ୍ରୋକ ହେବାର ଆଶଙ୍କା ଅଧିକ ଥିଲା। ଏହି ଲୋକମାନେ ସୁସ୍ଥ ଖାଦ୍ୟ ଖାଉଥିଲେ ସତ କିନ୍ତୁ ଏହା ସହିତ ଚକୋଲେଟ୍, କ୍ରିପ୍ସ କେକ୍ ଆଦି ଖରାପ ଜିନିଷ ଖାଇବାର ଅଭ୍ୟାସ ମଧ୍ୟ ଥିଲା।

ବ୍ଲଡ୍‌ ସୁଗାରରେ ବୃଦ୍ଧି:

ଅଧ୍ୟୟନରୁ ଜଣାପଡିଛି ଯେ ଯେଉଁମାନେ ଅଧିକ ଜଙ୍କ୍‌ ଫୁଡ୍ ଖାଉଥିଲେ ସେମାନେ ଜଳଖିଆ, ମଧ୍ୟାହ୍ନ ଭୋଜନ ଏବଂ ରାତ୍ରୀ ଭୋଜନରେ ସୁସ୍ଥ ଖାଦ୍ୟ ଖାଉଥିଲେ ବି କୌଣସି ଲାଭ ପାଇଲେ ନାହିଁ। ଏହି ପୁଷ୍ଟିକର ଜିନିଷରୁ ସେମାନେ ପାଇଥିବା ଲାଭ ଜଙ୍କ ଫୁଡ୍ ଖାଇବା ଦ୍ୱାରା ନଷ୍ଟ ହୋଇଯାଇଥିଲା। ଏହି ଲୋକମାନଙ୍କ ମଧ୍ୟରେ ଷ୍ଟ୍ରୋକ୍, ହୃଦ୍‌ରୋଗ ଏବଂ ମୋଟାପଣର ଆଶଙ୍କା ବଢିଥିବା ଦେଖାଯାଇଛି।

ଏହି ଲୋକଙ୍କଠାରେ ବ୍ଲଡ ସୁଗାର ମଧ୍ୟ ଅଧିକ ଥିବା ଦେଖିବାକୁ ମିଳିଥିଲା। ଅଧ୍ୟୟନରୁ ଏହା ମଧ୍ୟ ଜଣାପଡିଛି ଯେତେବେଳେ ଆପଣ ସକାଳ ଖାଦ୍ୟରେ ଫଳ, ବାଦାମ ଏବଂ ମଞ୍ଜିଜାତୀୟ ଖାଦ୍ୟ ନିଅନ୍ତି, ଏହା ପୌଷ୍ଟିକ୍ ରହିଥାଏ, କିନ୍ତୁ ଯଦି ଆପଣ ଜଙ୍କ ଫୁଡ୍ ନିଅନ୍ତି, ତେବେ ଏହା ଅନେକ କ୍ଷତି କରିଥାଏ।

ସୁସ୍ଥ ଖାଦ୍ୟର ଗୁଣ ନଷ୍ଟ:

ଏହି ବିଶ୍ଳେଷଣରେ ଜଣାପଡିଛି ​​ଯେ ସମାନ ପ୍ରକାରର ଖାଦ୍ୟ ଖାଇବା ସତ୍ତ୍ୱେ କାହିଁକି କିଛି ଲୋକ ସର୍ବଦା ଅସୁସ୍ଥ ରୁହନ୍ତି। ଏଥିପାଇଁ ଗବେଷକମାନେ ଅନେକ ଦିନ ଧରି ୮୫୪ ଜଣଙ୍କର ଖାଇବା ଅଭ୍ୟାସ ଉପରେ ତୀକ୍ଷ୍ଣ ନଜର ରଖିଥିଲେ। ସେମାନଙ୍କର ଭୋଜନ ଉପରେ ଧ୍ୟାନ ଦିଆଯାଇଥିଲା। ସେମାନେ କ’ଣ ଖାଇଲେ ଏବଂ କେବେ ଖାଇଲେ ସେଥିପ୍ରତି ଦୃଷ୍ଟି ରଖାଯାଇଥିଲା।

୯୫ ପ୍ରତିଶତ ଲୋକ ଜଳଖିଆ ନେଇଥିଲେ। ୟୁରୋପୀୟ ଜର୍ଣ୍ଣାଲ ଅଫ୍ ନ୍ୟୁଟ୍ରିସନିଷ୍ଟ୍‌ରେ ପ୍ରକାଶିତ ରିପୋର୍ଟ ଅନୁଯାୟୀ, ‘କିଙ୍ଗ୍ସ ନଲେଜ୍ ଅଫ୍‌ ଲଣ୍ଡନ’ର ଅନୁସନ୍ଧାନକାରୀମାନେ କହିଛନ୍ତି ଯେ ୨୬ ପ୍ରତିଶତ ଲୋକ ଏକ ସୁସ୍ଥ ଖାଦ୍ୟ ଗ୍ରହଣ କରୁଥିଲେ ମଧ୍ୟ ସେମାନେ ଜଳଖିଆରେ ଅସ୍ୱାସ୍ଥ୍ୟକର ଜିନିଷ ଗ୍ରହଣ କରି ସମସ୍ତ ପୌଷ୍ଟିକତାକୁ ନଷ୍ଟ କରିଛନ୍ତି। ଏହି ଲୋକମାନଙ୍କ ସ୍ୱାସ୍ଥ୍ୟ ସବୁବେଳେ ଖରାପ ରହୁଥିଲା।

ଅଧିକାଂଶ ଲୋକଙ୍କ ସକାଳ ଖାଦ୍ୟରେ କୁକିଜ୍‌, ଫଳ, ବାଦାମ, ସିଡ୍ସ, ପନିର, ବଟର, କେକ୍ ଆଦି ଥିଲା। କିନ୍ତୁ ଯେଉଁମାନେ ସକାଳ ଖାଦ୍ୟରେ କେବଳ ବିସ୍କୁଟ, କେକ୍ ଏବଂ କ୍ରିପ୍ସ ଆଦି ଖାଉଥିଲେ ସେମାନଙ୍କଠାରେ ରକ୍ତରେ ଶର୍କରା ବୃଦ୍ଧି ପାଇଥିଲା। ଏହାଦ୍ୱାରା ହୃଦ୍‌ରୋଗ ହେବାର ଆଶଙ୍କା ମଧ୍ୟ ବଢିଯାଇଥିଲା।