LIVE TV
ଶୀତଋତୁ ଆରମ୍ଭ ହୋଇଯାଇଛି। ଅଧିକାଂଶ ଲୋକ ଶୀତଋତୁକୁ ପସନ୍ଦ କରନ୍ତି। ଶୀତଦିନ ଯେତିକି ସୁଖଦ, ସେତିକି ରୋଗର କାରଣ ମଧ୍ୟ। ଏହି ଋତୁରେ ସଂକ୍ରମଣ ଅଧିକ ବ୍ୟାପୁଥିବାରୁ ଥଣ୍ଡା, ସର୍ଦ୍ଦି, ଜ୍ୱର ଭଳି ସମସ୍ୟା ଦେଖାଦେଇଥାଏ।
ଆମର ରୋଗ ପ୍ରତିରୋଧକ ଶକ୍ତି କେବଳ ଆମକୁ ରୋଗ ବିରୁଦ୍ଧରେ ଲଢିବାରେ ସାହାଯ୍ୟ କରେ ଏବଂ ଆମେ ସୁସ୍ଥ ରହିଥାଉ, ତେଣୁ ଏହା ଜରୁରୀ ଯେ ଶୀତଦିନେ ଆମର ରୋଗ ପ୍ରତିରୋଧକ ଶକ୍ତିକୁ ଅଧିକ ଶକ୍ତିଶାଳୀ କରିବା। ଏହା ହୋଇପାରିଲେ ଅନେକ ପ୍ରକାର ସଂକ୍ରମଣକୁ ପ୍ରତିରୋଧ କରିପାରିବା।
ଅଧିକ ପଢ଼ନ୍ତୁ: ଶୀତ ଦିନେ ଅଧିକ ଆଣ୍ଠୁ-ଗଣ୍ଠି ଓ ମାଂସପେଶୀ ଯନ୍ତ୍ରଣା ହେଉଛି କି; ଧ୍ୟାନ ଦିଅନ୍ତୁ…
Also Read
ଅଧିକାଂଶ ଲୋକ ଶୀତ ଆସିବା ମାତ୍ରେ ସ୍ୱାସ୍ଥ୍ୟ ବିଷୟରେ ସଚେତନ ହୁଅନ୍ତି। ଅଧିକାଂଶ ଲୋକ କେବଳ ଶାରୀରିକ ବ୍ୟାୟାମ ପ୍ରତି ଧ୍ୟାନ ଦିଅନ୍ତି। ରୋଗ ପ୍ରତିରୋଧକ ଶକ୍ତି ବଢାଇବା ଏବଂ ମଜବୁତ କରିବା ପାଇଁ ଆମ ଖାଦ୍ୟ ଉପରେ ମଧ୍ୟ ବିଶେଷ ଧ୍ୟାନ ଦେବାକୁ ପଡିଥାଏ। ଏପରି କିଛି ଆୟୁର୍ବେଦିକ ପଦ୍ଧତି ଅଛି ଯାହାକୁ ଆମେ ଆପଣେଇ ଶୀତଦିନେ ଆମର ପ୍ରତିରକ୍ଷା ପ୍ରଣାଳୀକୁ ମଜବୁତ କରିପାରିବା। ଆସନ୍ତୁ ଜାଣିବା ଏହି ଟିପ୍ସ ବିଷୟରେ…
ଡିମ୍ବିରି ଓ କ୍ଷୀର:
ଡିମ୍ବିରି ଅନେକ ପୋଷକ ତତ୍ତ୍ୱରେ ଭରପୂର। ଏଥିରେ ଥିବା ଆଣ୍ଟିଅକ୍ସିଡାଣ୍ଟର ପରିମାଣ ବହୁତ ଅଧିକ। ଏହା ଆମର ରୋଗ ପ୍ରତିରୋଧକ ଶକ୍ତି ବଢାଇଥାଏ। ଏଥିରେ ପ୍ରୋଟିନ୍, ଜିଙ୍କ୍, କ୍ୟାଲ୍ସିୟମ୍, ମ୍ୟାଗ୍ନେସିୟମ୍, ଆଇରନ୍ ଏବଂ ଫାଇବରରେ ଭରପୂର ରହିଛି। ଡିମ୍ବିରିର ବ୍ୟବହାର ଉଭୟ ଗ୍ରୀଷ୍ମ ଏବଂ ଶୀତଋତୁରେ କରାଯାଇ ପାରିବ। ଏହା ମଧ୍ୟ ଆମର ଷ୍ଟାମିନାକୁ ବଢାଇଦେଇଥାଏ। ଶୀତଦିନେ ଏହାକୁ କ୍ଷୀର ସହିତ ଖାଇବା ଦ୍ୱାରା ରୋଗ ପ୍ରତିରୋଧକ ଶକ୍ତି ଖୁବ ଶୀଘ୍ର ବଢିଥାଏ।
ଗୁଡ ବ୍ୟବହାର:
ଗୁଡ ଏକ ପ୍ରାକୃତିକ ମିଠା। ଗୁଡରେ ଲୌହ ଏବଂ ଖଣିଜ ପଦାର୍ଥ ଭରପୂର ଥାଏ। ଶୀତଋତୁରେ ଗୁଡ ଆମ ଶରୀରକୁ ଗରମ ରଖେ। ଦୈନିକ ଏହାର ଅଳ୍ପ ପରିମାଣ ଖାଇଲେ ସମଗ୍ର ଶରୀରରେ ରକ୍ତ ସଞ୍ଚାଳନର ସ୍ତର ବଜାୟ ରହିଥାଏ। ଯଦି ଅଧିକ ମାତ୍ରାରେ ଖାଆନ୍ତି ପେଟ ଗରମ କିମ୍ବା ନାକରୁ ରକ୍ତସ୍ରାବ ହୋଇପାରେ।
ଅଁଳା:
ଭିଟାମିନ୍ ସି’ର ସର୍ବୋତ୍ତମ ଉତ୍ସ ହେଉଛି ଅଁଳା। ଏହା ଖୁବ୍ ଶୀଘ୍ର ରୋଗ ପ୍ରତିରୋଧକ ଶକ୍ତିକୁ ବଢେଇଦିଏ। ଅଁଳା ଖାଇବା ଦ୍ୱାରା ମାନସିକ ସ୍ୱାସ୍ଥ୍ୟରେ ଉନ୍ନତି ହୁଏ ଏବଂ କେଶ ଝଡିବା ମଧ୍ୟ କମିଯାଏ। ଶୀତଋତୁରେ ପ୍ରତିଦିନ ୧ଟି ଅଁଳା ଖାଇବା ଆପଣଙ୍କ ସ୍ୱାସ୍ଥ୍ୟ ପାଇଁ ବହୁତ ଉପକାର ହୋଇପାରେ।
ଚ୍ୟବନପ୍ରଶ୍:
ଯେତେବେଳେ ଶୀତଋତୁ ଆସେ, ଅଧିକାଂଶ ଲୋକ ରୋଗ ପ୍ରତିରୋଧକ ଶକ୍ତି ବଢାଇବା ପାଇଁ ଚ୍ୟବନପ୍ରଶ୍ ବ୍ୟବହାର କରନ୍ତି। ଏହା ରକ୍ତକୁ ଶୁଦ୍ଧ କରିଥାଏ ଏବଂ ଋତୁକାଳୀନ ରୋଗରୁ ମଧ୍ୟ ରକ୍ଷା କରିଥାଏ। ଏହା ସ୍ମୃତି ଶକ୍ତିକୁ ମଧ୍ୟ ବଢାଇଥାଏ। ତେଣୁ ସ୍ୱାସ୍ଥ୍ୟ ବିଶେଷଜ୍ଞମାନେ ଏହାକୁ ଥଣ୍ଡା ସମୟରେ ପିଲାମାନଙ୍କୁ ଖାଇବାକୁ ପରାମର୍ଶ ଦିଅନ୍ତି।
ତୁଳସୀ ପତ୍ର:
ତୁଳସୀ ଏକ ପ୍ରାକୃତିକ ଔଷଧ। ଗୋଟିଏ ପଟେ ଏହା ଅନେକ ଧାର୍ମିକ କାର୍ଯ୍ୟରେ ବ୍ୟବହୃତ ହୁଏ, ଅନ୍ୟ ପଟେ ଏହା ଅନେକ ରୋଗର ଚିକିତ୍ସା ପାଇଁ ମଧ୍ୟ ବ୍ୟବହୃତ ହୁଏ। ତୁଳସୀ ପତ୍ର ଅନେକ ଔଷଧିୟ ଗୁଣରେ ଭରପୂର। ଏହା ଆମ ରୋଗ ପ୍ରତିରୋଧକ ଶକ୍ତିକୁ ତୁରନ୍ତ ଶକ୍ତିଶାଳୀ କରିଥାଏ। ପ୍ରତିଦିନ କିଛି ତୁଳସୀ ପତ୍ର ଖାଇଲେ ଏହା ଶ୍ୱସନ ପ୍ରକ୍ରିୟାକୁ ମଧ୍ୟ ଠିକ୍ ରଖିଥାଏ। ତୁଳସୀ ଆମ ଫୁସଫୁସକୁ ସଫା କରେ।
ହଳଦୀ ସେବନ:
ଆମ ରୋଷେଇ ଘରେ ଥିବା ହଳଦୀ ଏପରି ଏକ ଉପାଦାନ ଯାହା ଅନେକ ରୋଗ ପାଇଁ ରାମବାଣ ପରି କାମ କରେ। ହଳଦୀରେ ଅନେକ ପ୍ରକାରର ପୁଷ୍ଟିକର ଉପାଦାନ ରହିଛି। ଏଥିରେ ଆଣ୍ଟି-ଫ୍ଲାମେଟୋରୀ ଏବଂ ଆଣ୍ଟିଅକ୍ସିଡାଣ୍ଟ ଗୁଣ ଅଛି ଯାହା ଆମର ରୋଗ ପ୍ରତିରୋଧକ ଶକ୍ତିକୁ ବଢାଇଥାଏ। ଏହାର ବ୍ୟବହାର ଦ୍ୱାରା ଜୀବାଣୁ ସଂକ୍ରମଣ ଏବଂ ଗଳା ଦରଜରୁ ରକ୍ଷା ମିଳେ। ମୁଖବ୍ରଣ ପାଇଁ ଏହା ମଧ୍ୟ ବହୁତ ପ୍ରଭାବଶାଳୀ।
