ଋତୁ ପରିବର୍ତ୍ତନ ସହିତ ସ୍ୱାସ୍ଥ୍ୟରେ ଅବନତି ଦେଖାଦେବା ଏକ ସାଧାରଣ କଥା। ବିଶେଷକରି ବର୍ଷା ଋତୁରେ ଲୋକମାନେ ବାରମ୍ବାର ଅସୁସ୍ଥ ହୋଇପଡନ୍ତି। ଏହି ସମୟରେ ମଶାଙ୍କ ପ୍ରାଦୁର୍ଭାବ ଯୋଗୁଁ ଡେଙ୍ଗୁ, ମ୍ୟାଲେରିଆ ଭଳି ସାଙ୍ଘାତିକ ରୋଗ ମଧ୍ୟ ବ୍ୟାପେ।
ଏହାକୁ ଏଡାଇବା ପାଇଁ ବଜାରରେ ଅନେକ କିଛି ମିଳୁଥିଲେ ମଧ୍ୟ ସେସବୁକୁ କିଣିବା ପାଇଁ ସମସ୍ତେ ସକ୍ଷମ ନୁହନ୍ତି, ଏସବୁ ମଧ୍ୟ ଖର୍ଚ୍ଚାନ୍ତ କରାଏ। ଏପରି ପରିସ୍ଥିତିରେ, ଘରେ ଏବଂ ଆଖପାଖରେ ଥିବା କିଛି ଜିନିଷ ବ୍ୟବହାର କରି ଏହାକୁ ଏଡାଇ ଦିଆଯାଇ ପାରେ। ଏନେଇ କିଛି ଟିପ୍ସକୁ ଅନୁସରଣ କରିବା ଜରୁରୀ। ଆସନ୍ତୁ ସେସବୁ ଜାଣିବା।
Also Read
ଅଧିକ ପଢ଼ନ୍ତୁ: Health Tips: ସକାଳ ଜଳଖିଆରେ କେବେ ବି ଖାଆନ୍ତୁ ନାହିଁ ଏହି ୫ ଜିନିଷ; ହୋଇପାରେ କର୍କଟ-ଡାଇବେଟିସ୍
ନିମ ପତ୍ର:
ଆୟୁର୍ବେଦିକ ବିଶେଷଜ୍ଞଙ୍କ ମତରେ ନିମପତ୍ରରେ ଅନେକ ଔଷଧିୟ ଗୁଣ ରହିଛି। ନିମରେ ଆଣ୍ଟି-ବ୍ୟାକ୍ଟେରିଆଲ୍ ଏବଂ ଆଣ୍ଟି-ଭାଇରାଲ୍ ଗୁଣ ରହିଛି। ଏପରି ପରିସ୍ଥିତିରେ, ଆପଣ ଏହି ପତ୍ରଗୁଡ଼ିକୁ ପାଣିରେ ଫୁଟାଇ ସ୍ନାନ କରିପାରିବେ। ଘରେ ନିମ ପତ୍ର ଦ୍ୱାରା ମଧ୍ୟ ଧୂଆଁ କରାଯାଇପାରେ। ଏହା ଆପଣଙ୍କ ଘରୁ ମଶା ଦୂର କରିବ।
ଅଧିକ ପଢ଼ନ୍ତୁ: Health Tips: ଋତୁସ୍ରାବ ବେଳେ ହେଉଛି କି ଅଧିକ ଯନ୍ତ୍ରଣା; ଆପଣାନ୍ତୁ ଏହି ୪ଟି ଘରୋଇ ଉପଚାର
ତୁଳସୀ ସେବନ:
ରୋଗ ପ୍ରତିରୋଧକ ଶକ୍ତି ବଢାଇବା ପାଇଁ ନିମ ସହିତ ତୁଳସି ପତ୍ର ମଧ୍ୟ ବ୍ୟବହାର କରିପାରିବେ। ପ୍ରତିଦିନ କିଛି ତୁଳସି ପତ୍ର ଚା’ରେ ମିଶାଇ ଖାଇ ପାରିବେ। ତୁଳସି ପତ୍ରକୁ ଚୋବାଇ ଖାଇ ପାରିବେ। ଏହାକୁ କାଢା କରି ମଧ୍ୟ ପିଇପାରିବେ।
ଅଧିକ ପଢ଼ନ୍ତୁ: Health Tips: ବୟସ ଅନୁସାରେ ଦିନକୁ କେତେ ଲୁଣ ଖାଇବା ଜରୁରୀ ଆସନ୍ତୁ ଜାଣିବା
ଗିଲୋଇ:
ବିଶେଷଜ୍ଞଙ୍କ ମତରେ ଗିଲୋଇ ଏକ ପ୍ରସିଦ୍ଧ ଆୟୁର୍ବେଦିକ ଔଷଧ। ଏହାକୁ ଅମୃତ ବେଲ ମଧ୍ୟ କୁହାଯାଏ। ଏହା ଶରୀରର ରୋଗ ପ୍ରତିରୋଧକ ଶକ୍ତିକୁ ବଢାଇଥାଏ। ଏନେଇ ପ୍ରତିଦିନ ଗିଲୋଇ ରସ କିମ୍ବା ଗିଲୋଇ ଟାବଲେଟ୍ ଖାଇପାରିବେ।
ମଶାମାନଙ୍କଠାରୁ ଦୂରେଇ ରହିବା:
ଯଦି ଆମେ ଡେଙ୍ଗୁ ମଶା ବିଷୟରେ କହିବା ତେବେ ଏମାନେ ସବୁବେଳେ ଗୋଡକୁ କାମୁଡି ଥାଆନ୍ତି। ଯଦି ଆପଣ ନଡ଼ିଆ ତେଲରେ କପୁର ମିଶ୍ରଣ କରି ଦେହରେ ଲଗାନ୍ତି, ତେବେ ମଶାମାନେ ପାଖକୁ ଆସନ୍ତି ନାହିଁ। ଗୁଗଳ, ନିମ ଏବଂ କପୁର ଧୁଆଁ କରିବା ଦ୍ୱାରା ପରିବେଶରେ ଥିବା ଜୀବାଣୁ ନଷ୍ଟ ହୋଇଥାଏ ଏବଂ ମଶାଙ୍କୁ ମଧ୍ୟ ଦୂରେଇ ରଖିବାରେ ସହାୟକ ହୋଇଥାଏ।
ଏହା ସହିତ, ଘରର ଚାରିପାଖକୁ ସବୁବେଳେ ପରିଷ୍କାର ପରିଚ୍ଛନ୍ନତା ରଖିବା ଜରୁରୀ। ଏଠାରେ ମନେରଖନ୍ତୁ ଯେ ଡେଙ୍ଗୁ ମଶା ସବୁବେଳେ ବିଶୁଦ୍ଧ ପାଣିରେ ପ୍ରଜନନ କରୁଥିବା ଦେଖାଯାଏ।