Health Tips: ଭେଣ୍ଡି ଖାଇବାକୁ ପସନ୍ଦ କରୁ ନାହାନ୍ତି କି… ଜାଣନ୍ତୁ କ’ଣ କହୁଛନ୍ତି ବିଶେଷଜ୍ଞ

ଆପଣମାନେ ନିଶ୍ଚିତ ପିଲାଦିନ ବହିରେ ପଢିଥିବେ, “ଭେଣ୍ଡି ଏକ ଭଲ ପରିବା”। ଆପଣମାନେ ମଧ୍ୟ ଏହାକୁ ଖାଇବାକୁ ଭଲ ପାଉଥିବେ। ଏହି ପରିବାଟି ପ୍ରାୟ ପିଲାମାନଙ୍କର ପ୍ରିୟ। ଅନେକ ପିଲା ଏହାକୁ ଖାଇବାକୁ ପସନ୍ଦ କରନ୍ତି। ତେବେ ଏହା ଟିକେ ଲାଳୁଆ ହୋଇଥିବାରୁ କିଛି ଲୋକ ଅଛନ୍ତି ଯେଉଁମାନେ ଏହାକୁ ଖାଇବାକୁ ଚାହାଁନ୍ତି ନାହିଁ।

ତେବେ ଯେଉଁମାନେ ଏହାକୁ ଖାଇବାକୁ ପସନ୍ଦ ନ କରୁଛନ୍ତି ସେମାନଙ୍କ ପାଇଁ ଏହି ଲେଖା ଅତି ଗୁରୁତ୍ୱପୂର୍ଣ୍ଣ। ଭେଣ୍ଡି ଖାଲି ସ୍ୱାଦରେ ଉତ୍କୃଷ୍ଟ ନୁହେଁ, ଏଥିରେ ଅନେକ ପୋଷକ ତତ୍ତ୍ୱ ମଧ୍ୟ ରହିଛି। ଆସନ୍ତୁ ଜାଣିବା ଏହା ଖାଇବାରେ କ’ଣ ଲାଭ ଅଛି।

ବିଶେଷଜ୍ଞଙ୍କ ମତରେ ଭେଣ୍ଡିରେ ଭିଟାମିନ୍ ଏ, ସି, ପୋଟାସିୟମ୍, ମ୍ୟାଗ୍ନେସିୟମ୍ ଇତ୍ୟାଦି ଖଣିଜ ପଦାର୍ଥ ଭରପୂର ପରିମାଣରେ ଥିବା ସହିତ ପର୍ଯ୍ୟାପ୍ତ ପରିମାଣରେ ଫାଇବର ଏବଂ ଆଣ୍ଟିଅକ୍ସିଡାଣ୍ଟ ମଧ୍ୟ ରହିଛି। ଏହା ବହୁତ ସହଜରେ ହଜମ ହୋଇଯାଏ। ଏହାର ପ୍ରଭାବ ଥଣ୍ଡା। ତେଣୁ ଏହା ଶରୀରକୁ ଶୀତଳ ରଖିବାରେ ସହଯୋଗ କରେ। ଗ୍ରୀଷ୍ମ ଋତୁ ପାଇଁ ଏହା ବହୁତ ଲାଭଦାୟକ ପରିବା।

ଅଧିକ ପଢ଼ନ୍ତୁ: ଅମୃତଭଣ୍ଡା ସହିତ ଭୁଲ୍‌ରେ ବି ଖାଆନ୍ତୁ ନାହିଁ ଏହି ୫ ଜିନିଷ; ହେବ କୋଷ୍ଠକାଠିନ୍ୟ-ଡାଏରିଆ

ଆମେରିକାର ନ୍ୟାସ୍‌ନାଲ୍ ଲାଇବ୍ରେରୀ ଅଫ୍ ମେଡିସିନରେ ପ୍ରକାଶିତ ଏକ ଅଧ୍ୟୟନ (୨୦୨୧) ଅନୁଯାୟୀ, ଭେଣ୍ଡିର ଉତ୍ପତ୍ତି ଇଥିଓପିଆ ନିକଟରେ ହୋଇଥିଲା। ଏହା ଦ୍ୱାଦଶ ଶତାବ୍ଦୀରେ ମିଶରରେ ଚାଷ କରାଯାଇଥିଲା।

ଏହା ପରେ ଏହା ସମଗ୍ର ମଧ୍ୟପ୍ରାଚ୍ୟ ଏବଂ ଉତ୍ତର ଆଫ୍ରିକାରେ ଚାଷ ହେବା ଆରମ୍ଭ ହେଲା। ସାଧାରଣତଃ ଭେଣ୍ଡି ଉଷ୍ଣକଟିବନ୍ଧୀୟ ଏବଂ ଉପୋଷ୍ଣକଟିବନ୍ଧୀୟ ଅଞ୍ଚଳରେ ଚାଷ କରାଯାଏ।

ଭେଣ୍ଡି ଖାଇବା ଦ୍ୱାରା ପାଚନ କ୍ରିୟା ମଜବୁତ ହୁଏ। ଏଥିରେ ଭିଟାମିନ୍ ସି, ମ୍ୟାଗ୍ନେସିୟମ୍, ସୋଡିୟମ୍, ଫସ୍‌ଫରସ୍, କ୍ୟାଲସିୟମ୍, ଆଇରନ୍, ପ୍ରୋଟିନ୍, ଜିଙ୍କ୍, ଫାଇବର, ଆଣ୍ଟିଅକ୍ସିଡାଣ୍ଟ ଭଳି ପୋଷକ ତତ୍ତ୍ୱ ଭରି ରହିଛି। ଭେଣ୍ଡିକୁ ଯେକୌଣସି ସମୟରେ ଖାଇପାରିବେ। ଏହା ପେଟକୁ ଥଣ୍ଡା ରଖେ।

ଭେଣ୍ଡିରେ ଭରପୂର ପରିମାଣରେ ଫାଇବର ଥାଏ, ଯାହା ପାଚନ କ୍ରିୟାକୁ ମଜବୁତ କରେ। ପେଟ ସମ୍ବନ୍ଧୀୟ ସମସ୍ୟା ଦୂର କରେ। ଏହା କୋଷ୍ଠକାଠିନ୍ୟ, ପେଟ ଫୁଲିବା, ବାନ୍ତି ଇତ୍ୟାଦି ସମସ୍ୟାକୁ ଦୂର କରେ। ଭେଣ୍ଡି ପେଟ ସହିତ ହୃଦୟ ପାଇଁ ମଧ୍ୟ ଲାଭଦାୟକ। ଏହାର ସେବନ ଦ୍ୱାରା କୋଲେଷ୍ଟ୍ରଲ୍ ବୃଦ୍ଧି ହୁଏ ନାହିଁ।

ଯଦି ଆପଣଙ୍କର ମଧୁମେହ ଅଛି, ତେବେ ନିଶ୍ଚିତ ଭାବରେ ଭେଣ୍ଡି ଖାଆନ୍ତୁ। ଏଥିରେ ଗ୍ଲାଇସେମିକ୍ ଉପାଦାନ ରହିଛି, ଯାହାର ସେବନ ମଧୁମେହକୁ ନିୟନ୍ତ୍ରଣରେ ରଖେ। ଭେଣ୍ଡି ମଧ୍ୟ ରୋଗ ପ୍ରତିରୋଧକ ଶକ୍ତି ବୃଦ୍ଧି କରେ।

ଅଧିକ ପଢ଼ନ୍ତୁ: ଆମିଷ ନା ନିରାମିଷ; କେଉଁ ଖାଦ୍ୟ ଠିକ୍; ଆପଣ କ’ଣ ଖାଇବେ…