ଆମ ଦେଶରେ ଅନେକ ପ୍ରକାରର ଗଛ ଦେଖିବାକୁ ମିଳେ, ଯାହାର ଭିନ୍ନ ଭିନ୍ନ ଗୁଣ ରହିଛି। ତଥାପି, ଆଜି ଆମ ଦେଶରେ ଅନେକ ବିରଳ ବୃକ୍ଷ ପ୍ରଜାତି ଅଛି ଯାହା ଧୀରେ ଧୀରେ ଲୋପ ହୋଇଯାଉଛି। ଜଙ୍ଗଲ ନଷ୍ଟ ହେବା ଏବଂ ଆୟୁର୍ବେଦିକ ଏବଂ ଅନ୍ୟାନ୍ୟ ପ୍ରକାରର ଗଛର ଅତ୍ୟଧିକ ବ୍ୟବହାର ହେତୁ ଆଜି କେତେକ ପ୍ରଜାତିର ଗଛ ବିରଳ ବର୍ଗରେ ପ୍ରବେଶ କରିଛନ୍ତି।
ସେଥିମଧ୍ୟରୁ ଗୋଟିଏ ହେଉଛି ଗୁଗୁଳ। ଏହି ଗଛ ଅନେକ ଉପାୟରେ ବ୍ୟବହୃତ ହୁଏ, ଯେଉଁଥିପାଇଁ ଏହା ଆଜି ବିଲୁପ୍ତ ହେବାକୁ ଯାଉଛି।
Also Read
ଗୁଗୁଳ ଗଛ କମ୍ ଉଚ୍ଚତା ବିଶିଷ୍ଟ। ଏଥିରେ ଖୁବ କମ ପତ୍ର ହୁଏ ଏବଂ ଏହା ଉପରେ ଗୋଲାପୀ ଏବଂ ନାଲି ରଙ୍ଗର ଫୁଲ ଦେଖାଯାଏ।
ଏହି ଗଛର ସବୁଠାରୁ ଗୁରୁତ୍ୱପୂର୍ଣ୍ଣ ଅଂଶ ହେଉଛି ଏହାର ଅଠା, ଯାହାକୁ ଗୁଗୁଳ କୁହାଯାଏ। ଏହା ହେଉଛି ଗଛର ଛାଲିରୁ ବାହାର କରାଯାଉଥିବା ଏକ ଅଠାଳିଆ ରସ। ଏହାକୁ ଅନେକ ଉଦ୍ଦେଶ୍ୟରେ ବ୍ୟବହୃତ ହୁଏ। ଏହା ପ୍ରାୟ ପୂଜା ସାମଗ୍ରୀ ଦୋକାନରେ ମିଳେ। ପୂଜା ଆଦିରେ ଏହାକୁ ମଧ୍ୟ ବ୍ୟବହାର କରାଯାଏ।
ଗୁଗୁଳର ଆୟୁର୍ବେଦିକ ଗୁଣ:
ଗୁଗୁଳର ଅନେକ ଆୟୁର୍ବେଦିକ ଉପଚାର ଅଛି, ଯେଉଁଥିରେ ଏହାର ପ୍ରାୟ ବ୍ୟବହାର ଥଣ୍ଡା, କାଶ ଏବଂ ଗଳା ଯନ୍ତ୍ରଣାରେ ହୋଇଥାଏ। ଏହା ବ୍ୟତୀତ, ଶରୀରରେ ହେଉଥିବା ଭାତୁଡିକୁ ନଷ୍ଟ କରିବା ଏବଂ ଯନ୍ତ୍ରଣାରୁ ମୁକ୍ତି ପାଇଁ ମଧ୍ୟ ଏହାକୁ ବ୍ୟବହୃତ କରାଯାଏ। ଏହା ସହିତ ଡାଇରିଆ ଏବଂ ହ୍ୱାଇଟ୍ ଭାଜାଇନାଲ ଡିସଚାର୍ଜକୁ ଦୂର କରିବାରେ ମଧ୍ୟ ଏହା ଖୁବ ପ୍ରଭାବଶାଳୀ।
ଅନ୍ୟାନ୍ୟ ଲାଭ:
ମଧୁମେହ ପାଇଁ ଉପକାରୀ:
ଆୟୁର୍ବେଦ ଅନୁଯାୟୀ, ବାତ ଏବଂ କଫ ଅସନ୍ତୁଳନ ହେଲେ ମଧୁମେହ ହୁଏ। ଗୁଗୁଳରେ ଏପରି ଗୁଣ ଅଛି ଯାହା ବାତ ଓ ପିତକୁ ସନ୍ତୁଳିତ କରେ। ତେଣୁ ଏହା ମଧୁମେହ ରୋଗୀଙ୍କ ପାଇଁ ଖୁବ ଲାଭଦାୟକ। ଏହା ଇନ୍ସୁଲିନ୍ ଉତ୍ପାଦନରେ ସାହାଯ୍ୟ କରେ, ରକ୍ତରେ ଶର୍କରା ସ୍ତରକୁ ନିୟନ୍ତ୍ରଣରେ ରଖେ।
କୋଷ୍ଠକାଠିନ୍ୟକୁ କରେ ଦୂର:
ହଜମ ପ୍ରକ୍ରିୟାରେ ବ୍ୟାଘାତ ହେତୁ ଗ୍ୟାସ୍, ବଦହଜମି ଏବଂ କୋଷ୍ଠକାଠିନ୍ୟ ସମସ୍ୟା ଦେଖାଦେଇଥାଏ। ଗୁଗୁଳ ହଜମ ପ୍ରକ୍ରିୟାରେ ଉନ୍ନତି ଆଣେ। ଗୁଗୁଳ ପାଉଡର ଏସିଡିଟି ଏବଂ କୋଷ୍ଠକାଠିନ୍ୟ ସମସ୍ୟାରୁ ମୁକ୍ତି ଦେଇଥାଏ।
ହାଡକୁ ମଜବୁତ କରେ:
ଶରୀରରେ ବାତ ବୃଦ୍ଧି ହେତୁ ଗଣ୍ଠି ଯନ୍ତ୍ରଣା ଏବଂ ଫୁଲା ହୁଏ। ଗୁଗୁଳ ବାତକୁ ସନ୍ତୁଳିତ କରେ ଏବଂ ଯନ୍ତ୍ରଣାରୁ ମୁକ୍ତି ଦେଇଥାଏ। ଗୁଗୁଳର ସେବନ ମଧ୍ୟ ହାଡକୁ ମଜବୁତ କରେ। ଗୁଗୁଳରେ ଆଣ୍ଟି-ଇନ୍ଫ୍ଲାମେଟୋରୀ ଗୁଣ ଥିବାରୁ ଏହା ଗଣ୍ଠି ଫୁଲା ସମସ୍ୟା ଦୂର କରିଥାଏ। ଆର୍ଥ୍ରାଇଟିସ ପାଇଁ ଏହା ଖୁବ ଉପକାରୀ।
କ୍ଷତକୁ ଠିକ୍ କରେ:
ଯଦି ଆପଣ ଆଘାତ ପାଆନ୍ତି, ତେବେ ସୁସ୍ଥ ହେବାକୁ ସମୟ ଲାଗିପାରେ। କ୍ଷତଗୁଡିକର ଶୀଘ୍ର ଆରୋଗ୍ୟ କରିବାରେ ଗୁଗୁଳ ସାହାଯ୍ୟ କରେ। ଏହା କ୍ଷତର ଯନ୍ତ୍ରଣାରୁ ମଧ୍ୟ ଆରାମ ଦେଇଥାଏ। ତେବେ କ୍ଷତରେ ଗୁଗୁଳ ବ୍ୟବହାର କରିବା ପୂର୍ବରୁ ଡାକ୍ତରଙ୍କ ସହିତ ପରାମର୍ଶ କରନ୍ତୁ।