LIVE TV
ରସୁଣର ସ୍ୱତନ୍ତ୍ର ସ୍ୱାଦ ପ୍ରତ୍ୟେକ ଖାଦ୍ୟକୁ ସ୍ୱାଦିଷ୍ଟ କରିଥାଏ। ପ୍ରାୟ ଲୋକ ରସୁଣକୁ କେବଳ ଏମିତି ଭାବେ ଜାଣିଥିବେ। କିନ୍ତୁ, ଏହା ପ୍ରାକୃତିକ ଉପଚାରରେ ମଧ୍ୟ ବହୁଳ ଭାବରେ ବ୍ୟବହୃତ ହୁଏ କାରଣ ଏଥିରେ ଅତ୍ୟାବଶ୍ୟକ ପୋଷକ ତତ୍ତ୍ୱ ଏବଂ ଉପଚାର ଗୁଣ ଭରପୂର ହୋଇ ରହିଥାଏ। ରସୁଣର ଗୋଟିଏ ଉପକାର ହେଉଛି ଏହା ଚୁଟି ଝଡ଼ିବା ରୋକିବାରେ ଏବଂ ବଢେଇବାରେ ସାହାଯ୍ୟ କରିଥାଏ।
ପ୍ରାୟ ଲୋକ ଜାଣିଥିବେ ଯେ ପିଆଜ ଚୁଟି ଝଡ଼ିବା ରୋକିବାରେ ସାହାଯ୍ୟ କରିଥାଏ ଏବଂ ଅନେକ ମଧ୍ୟ ଚୁଟିରେ ପିଆଜ ରସ ବ୍ୟବହାର କରିଥିବେ। ସେହିଭଳି ରସୁଣ ମଧ୍ୟ ଚୁଟି ପାଇଁ ଏକ ଅଦ୍ଭୁତ ଉପାଦାନ। ରସୁଣରେ କିଛି ଶକ୍ତିଶାଳୀ ଆଣ୍ଟିଅକ୍ସିଡାଣ୍ଟ ଗୁଣ ଥାଏ ଯାହାକି ଚୁଟିର ସ୍ୱାସ୍ଥ୍ୟ ପାଇଁ ଅଦ୍ଭୁତ ଭାବେ କାମ କରେ। ଏହା କେଶ ସମ୍ବନ୍ଧୀୟ ବ୍ୟାକ୍ଟେରିଆ ସମସ୍ୟାର ମୁକାବିଲା କରିବାରେ ସାହାଯ୍ୟ କରେ। ଏହା ଦ୍ୱାରା ରୂପି, ଖପୁରୀ କୁଣ୍ଡେଇ ହେବା, ସଂକ୍ରମଣ ଇତ୍ୟାଦିରୁ ମୁକ୍ତି ମିଳେ।
ତେବେ ଆଜି ଆମେ ଏହି ଲେଖା ମାଧ୍ୟମରେ ରସୁଣର ଏକ ଚମତ୍କାର ଟିପ୍ସ କହିବୁ। ରସୁଣର ଲାଭ ଏବଂ ଆପଣଙ୍କ ଖପୁରୀକୁ ପୋଷକ ଯୋଗାଇବା ପାଇଁ ରସୁଣ ତେଲ ତିଆରି କରିବାର ଏକ ଉପାୟ ମଧ୍ୟ କହିବୁ। ଏହାକୁ ନିଜେ ଘରେ କରି ମୁଣ୍ଡରେ ଲଗେଇଲେ ଚୁଟି ଝଡିବା ବନ୍ଦ ହେବ ଆଉ ଚୁଟି ଶୀଘ୍ର ବଢିବ।
Also Read
ରସୁଣ ତେଲର ଲାଭ:
- ରସୁଣ ଖପୁରୀକୁ ପୋଷଣ ଯୋଗାଇଥାଏ ଯାହା ଚୁଟି ପାଇଁ ଖୁବ୍ ଲାଭଦାୟକ। ଚୁଟି ଝଡ଼ିବା ରୋକିବାକୁ ରସୁଣ ବ୍ୟବହାର କରିବାର ସର୍ବୋତ୍ତମ ଉପାୟ ହେଉଛି ଖପୁରୀରେ ରସୁଣ ତେଲ ଲଗାଇବା।
- ଏଥିରେ ଆଣ୍ଟି-ବ୍ୟାକ୍ଟେରିଆଲ୍ ଗୁଣ ଅଛି ଯାହା ଖପୁରୀରେ ଥିବା ସମସ୍ତ ପ୍ରକାରର ବ୍ୟାକ୍ଟେରିଆ ସୃଷ୍ଟିକୁ ଦୂର କରିଥାଏ।
- ଯଦି ଆପଣଙ୍କ ଠାରୁ ଅଧିକ ଝାଳ ବୋହୁଥାଏ, ତେବେ ଆପଣଙ୍କ ଖପୁରୀରେ ବ୍ୟାକ୍ଟେରିଆ ସଂକ୍ରମଣ ହେବାର ସମ୍ଭାବନା ଅଧିକ। ତେଣୁ ରସୁଣ ତେଲ ବ୍ୟବହାର କରିବା ଏକ ଭଲ ସମାଧାନ।
- ରସୁଣ ତେଲରେ ଆଣ୍ଟି-ଭାଇରାଲ୍, ଆଣ୍ଟିମାଇକ୍ରୋବିୟଲ୍ ଏବଂ ଆଣ୍ଟି-ଫଙ୍ଗଲ୍ ଗୁଣ ରହିଛି। ଏହା ଖପୁରୀକୁ ଭାଇରାଲ୍ ଏବଂ ଫଙ୍ଗଲ୍ ସଂକ୍ରମଣରୁ ରକ୍ଷା କରେ। ନଚେତ ଏହା କ୍ରଷ୍ଟେଡ୍ ଡାଣ୍ଡ୍ରଫ୍ ସୃଷ୍ଟି କରେ ଯାହା ଗମ୍ଭୀର ସଂକ୍ରମଣ ଏବଂ ଚୁଟିର କ୍ଷତି ଘଟାଇପାରେ।
- ରସୁଣ ତେଲରେ ସଲଫର ଥାଏ ଯାହା ଚୁଟିରେ କାରୋଟିନ ପ୍ରୋଟିନ ଉତ୍ପାଦନକୁ ବଢାଇଥାଏ ଯାହା ଚୁଟି ବୃଦ୍ଧି ପାଇଁ ଦାୟୀ।
- ଅନେକ ଅଧ୍ୟୟନରୁ ଜଣାପଡିଛି ଯେ ରସୁଣ ତେଲରେ ଖପୁରୀକୁ ମାଲିସ୍ କରିବା ଦ୍ୱାରା ଚୁଟି ଝଡ଼ିବା ଏବଂ ଛିଣ୍ଡିବା କମିଯାଏ। ଏହା ଶେଷରେ କେଶ ବୃଦ୍ଧି କରିବା ଆରମ୍ଭ କରେ।
କିପରି ତିଆରି କରିବେ ରସୁଣ ତେଲ:
- କିଛି ରସୁଣ ଫୁଟ ନେଇ ଏହାକୁ ପେଷ୍ଟ କରନ୍ତୁ
- ଏକ ପ୍ୟାନ ନେଇ ସେଥିରେ ରସୁଣ ପେଷ୍ଟ ପକାନ୍ତୁ ଏବଂ ଏହାକୁ ଅଳ୍ପ ଭାଜନ୍ତୁ
- ରସୁଣ ପେଷ୍ଟରେ ଏକ କପ୍ ନଡ଼ିଆ ତେଲ କିମ୍ବା ଅଲିଭ୍ ତେଲ ମିଶାନ୍ତୁ
- କମ୍ ନିଆଁରେ ୫ ମିନିଟ୍ ପାଇଁ ତେଲ ଗରମ କରନ୍ତୁ
- ବର୍ତ୍ତମାନ ଗ୍ୟାସ ବନ୍ଦ କରି ତେଲକୁ ଥଣ୍ଡା ହେବାକୁ ଦିଅନ୍ତୁ
- ଏହାକୁ ଏକ ବୋତଲ କିମ୍ବା ପାତ୍ରରେ ରଖନ୍ତୁ
