Health Tips: ବର୍ଷାଦିନ ଆସିଯାଇଛି; ଥଣ୍ଡା-କାଶ-ଜ୍ୱରର ଭୟ ବଢିଯାଇଛି; ଏଥିରୁ ମୁକ୍ତି ପାଇଁ କ’ଣ କୁହନ୍ତି ସଦ୍‌ଗୁରୁ

ପ୍ରବଳ ଗରମ ପରେ ପାଗ ଏକ ଭିନ୍ନ ମୋଡ଼ ନେଇଛି। ମୌସୁମୀ ଆସିଛି ସତ, କିନ୍ତୁ ପାଣିପାଗର ପରିବର୍ତ୍ତନ ସହିତ ସଂକ୍ରାମକ ରୋଗର ମାତ୍ରା ମଧ୍ୟ ବୃଦ୍ଧି ପାଇଛି। ଜୀବାଣୁ, ଭୂତାଣୁ, ଫଙ୍ଗସ୍ ପରି ମାଇକ୍ରୋଅର୍ଗାନ୍ସ ଅନେକ ସ୍ଥାନରେ ଲୋକଙ୍କୁ ଆକ୍ରମଣ କରିବା ଆରମ୍ଭ କରି ଦେଇଛନ୍ତି।

ଯେହେତୁ ଏହି ସମସ୍ତ ଅଣୁଜୀବ ପ୍ରଥମେ ପାଟି ଓ ନାକ ଦେଇ ପ୍ରବେଶ କରନ୍ତି, ତେଣୁ ଶ୍ୱାସକ୍ରିୟା ସମସ୍ୟା ପ୍ରଥମେ ବଢିଯାଏ। ପାଗ ବଦଳିବା ସହିତ ଥଣ୍ଡା, କାଶ, ଜ୍ୱର ଏବଂ କଫର ମାତ୍ରା ବଢିଯାଏ। ତଥାପି, ଏହି ସମସ୍ୟାଗୁଡିକରେ ତୁରନ୍ତ ଡାକ୍ତରଙ୍କ ପାଖକୁ ଯିବାର ଆବଶ୍ୟକତା ନାହିଁ।

ଏହା ଯଦି ଶରୀରରେ ତିନି-ଚାରି ଦିନ ରହିଯାଏ, ତେବେ ଏହା ଉଭୟ ମନ ଏବଂ ଶରୀରକୁ କ୍ଲାନ୍ତ କରିଦିଏ। କିନ୍ତୁ ଆପଣ ଯଦି ସଦ୍‌ଗୁରୁଙ୍କ ଦ୍ୱାରା ଦିଆଯାଇଥିବା କିଛି ବିଶେଷ ପଦ୍ଧତି ବ୍ୟବହାର କରନ୍ତି, ତେବେ ଆପଣଙ୍କୁ ଏହି ସମସ୍ୟାର ସାମ୍ନା କରିବାକୁ ପଡିବ ନାହିଁ।

ଅଧିକ ପଢ଼ନ୍ତୁ: Health Tips: ଏମିତି ବ୍ୟବହାର କରନ୍ତୁ ଜାମୁକୋଳି ପାଉଡର; ମଧୁମେହ ଦୂର ହେବ, ଚୁଟି କଳା ହେବ

ସଦ୍‌ଗୁରୁଙ୍କ ଉପଦେଶ:

ସଦ୍‌ଗୁରୁ ତାଙ୍କ ଇନ୍‌ଷ୍ଟାଗ୍ରାମ୍‌ ପେଜ୍‌ରେ କହିଛନ୍ତି ଯେ ଯଦି ଆପଣ ଥଣ୍ଡା, କାଶ, କଫ ଇତ୍ୟାଦିରୁ ଦୂରେଇ ରହିବାକୁ ଚାହାଁନ୍ତି ତେବେ ପ୍ରଥମେ ଦୁଗ୍ଧଜାତ ଦ୍ରବ୍ୟ ଖାଇବା ବନ୍ଦ କରନ୍ତୁ। ଏହା ପରେ, ୧୦-୧୨ ଗୋଲମରିଚକୁ ହାଲୁକା ଭାବରେ ଭାଙ୍ଗିଦିଅନ୍ତୁ। ଏହାକୁ ପାଉଡର କରନ୍ତୁ ନାହିଁ। ଏହା ପରେ ଏହାକୁ ମହୁରେ ବୁଡ଼ାଇ ରଖନ୍ତୁ। ବର୍ତ୍ତମାନ ଏହାକୁ ରାତିସାରା ୧୦ରୁ ୧୨ ଘଣ୍ଟା ପର୍ଯ୍ୟନ୍ତ ରଖନ୍ତୁ। ସକାଳୁ ଉଠିବା ମାତ୍ରେ ଏହାକୁ ଚୋବାଇ ଖାଇଦିଅନ୍ତୁ।

ସଦ୍‌ଗୁରୁଙ୍କ କହିବା କଥା ଯେ ଏହା କଫ ସମସ୍ୟାକୁ ସମାଧାନ କରିପାରିବ। ଏହା ପରେ ସେ କହିଛନ୍ତି ଯେ ଯଦି ଆପଣ ନିୟମିତ ପ୍ରାଣାୟାମ କରନ୍ତି ତେବେ ଶରୀରରେ କଫ ତିଆରି ହେବନି। ସଦ୍‌ଗୁରୁ ଏଥିପାଇଁ ଆଉ ୪ଟି ପଦ୍ଧତି ମଧ୍ୟ କହିଛନ୍ତି। ସେ କହିଛନ୍ତି ଯେ ଯଦି ଆପଣଙ୍କର ଆଜ୍‌ମା, ସାଇନସାଇଟିସ୍ କିମ୍ବା ଗଳାରେ କଫ ଭଳି ସମସ୍ୟା ଅଛି, ତେବେ ଆପଣ ଗୋଲମରିଚ ଗୁଣ୍ଡ ସହିତ ହଳଦୀ ମଧ୍ୟ ଖାଇବା ଉଚିତ।

ଏହା ବ୍ୟତୀତ ଆପଣ ହଳଦୀକୁ ଅନ୍ୟ ଜିନିଷ ସହିତ ମିଶାଇ ମଧ୍ୟ ଖାଇପାରିବେ। ହଳଦୀ-କର୍ପୂର ଏବଂ ହଳଦୀ-ନିମର ମିଶ୍ରଣ ମଧ୍ୟ ଖୁବ ଭଲ।

ଅଧିକ ପଢ଼ନ୍ତୁ: Health Tips: ସାବଧାନ ! ଚା’ ସହିତ ପକୁଡି ଖାଉଛନ୍ତି କି ? ହୋଇପାରେ ଏମିତି ସମସ୍ୟା...

ଆଧୁନିକ ଡାକ୍ତରଙ୍କ ମତ:

ଆଧୁନିକ ଡାକ୍ତରଙ୍କ କହିବା କଥା ଯେତେବେଳେ ଥଣ୍ଡା ଏବଂ କାଶ ବଢିଯାଏ, ଶ୍ୱାସନଳୀରେ କଫ ମଧ୍ୟ ବଢିଯାଏ। ଏଥିରେ ମ୍ୟୁକସ୍‌ ମେମ୍ବ୍ରେନ୍, ପାଣି ଏବଂ କୋଷ ରହିଥାଏ। ଏହା ଯଦି ଅଳ୍ପ ପରିମାଣରେ ଥାଏ ତେବେ ଏହା ଲାଭଦାୟକ ହୋଇଥାଏ।

ଏଥିରେ, ଅଣୁଜୀବଗୁଡିକ ପଡି ମରିଯାଆନ୍ତି। କିନ୍ତୁ ଯେତେବେଳେ ସଂକ୍ରମଣ ହୁଏ, ଏହା ବଢିଯାଏ ଏବଂ ଶ୍ୱାସ ନଳୀରେ ଅଟକି ରହିବାକୁ ଲାଗେ। ଫଳରେ ଶ୍ୱାସ ନେବାରେ ଅସୁବିଧା ସୃଷ୍ଟି କରିଥାଏ। ଆଧୁନିକ ଡାକ୍ତରଙ୍କ କହିବା ଅନୁଯାୟୀ, ଦୁଗ୍ଧଜାତ ଦ୍ରବ୍ୟର ବ୍ୟବହାର କଫ ଉତ୍ପାଦନକୁ ବଢାଇଥାଏ, ଯେଉଁ କାରଣରୁ ଗଳା ସମସ୍ୟା ବଢିପାରେ।

ସେମାନଙ୍କ ମତରେ ଗୋଲମରିଚରେ ପାଇପେରାଇନ୍ ଯୌଗିକ ରହିଥାଏ ଯାହା କଫକୁ ପତଳା କରିଥାଏ। ଫଳରେ ଗୋଲମରିଚ ଥଣ୍ଡା ଏବଂ କାଶକୁ ହ୍ରାସ କରିଥାଏ। ଏଭଳି ପରିସ୍ଥିତିରେ ସଦ୍‌ଗୁରୁଙ୍କ ଦ୍ୱାରା ଦିଆଯାଇଥିବା ପରାମର୍ଶଗୁଡ଼ିକ ମଧ୍ୟ ମେଡିକାଲି ପ୍ରମାଣିତ ହୋଇଛି। ଯୋଗ କିମ୍ବା ପ୍ରାଣାୟାମ ଶ୍ୱାସକ୍ରିୟା ରୋଗକୁ ରୋକିଥାଏ, ଏହା ଅନେକ ଅନୁସନ୍ଧାନରେ ମଧ୍ୟ ପ୍ରମାଣିତ ହୋଇଛି।

ଅଧିକ ପଢ଼ନ୍ତୁ: Health Tips: ଆପଣଙ୍କ ଦାନ୍ତ ହଳଦିଆ ପଡିଯାଉଛି କି… ଏହି ଘରୋଇ ଉପାୟରେ କରନ୍ତୁ ଚକ୍‌ଚକ୍